आइतबार १९ मंसिर २०७८

प्ल्याङ्कलाई सबैभन्दा मुस्किल कसरत (व्यायाम) मध्ये एक मानिन्छ । साधारणतया मानिसहरू दुईदेखि तीन मिनेटपछि यो व्यायाम गर्न सक्दैनन् तर एक व्यक्तिले लगातार साढे ९ घण्टासम्म लगातार प्ल्याङ्क गरेर विश्व रेकर्ड बनाएका छन् ।

एक अस्ट्रेलियाली खेलाडीले ९ घण्टा, ३० मिनेट, १ सेकेन्डसम्म एब्डोमिनल एलान्ट पोजिशन (प्ल्याङ्क) गरेर गिनिज बुक अफ वर्ल्ड रेकर्डमा आफ्नो नाम दर्ता गरेका छन् ।

ड्यानियल स्क्यालीले एडिलेडमा यो रेकर्ड स्थापित गर्दै ८ घण्टा, १५ मिनेट, १५ सेकेन्डको प्ल्याङ्कको रेकर्ड तोडिदिएका छन् । फेब्रुअरी सन् २०२० मा संयुक्त राज्य अमेरिकाका जर्ज हुडले यसअघि यो रेकर्ड आफ्नो नाममा पारेका थिए । उनी त्यतिबेला ६२ वर्षका थिए ।

स्क्यालीका जटिल सिन्ड्रोमका कारण यस्तो गर्न सफल भएका हुन् । १२ वर्षको उमेरमा हात भाँच्चिएपछि उनलाई यसरी बस्दा आराम मिल्थ्यो, यसैकारण उनलाई लामो समयसम्म यस्तो गर्न बानी परेको थियो ।

स्केलीले गिनिज बुक अफ वर्ल्ड रेकर्डलाई भने, ‘मेरो मस्तिष्कले मेरो हातको प्रभावित क्षेत्रलाई गलत सन्देश पठाउने गर्दथ्यो । कोमल स्पर्श, गति, हावा, पानीजस्ता कुनै पनि कुराले मलाई पीडा दिन्थ्यो ।’

उनले थपे, ‘पीडाबाट राहत पाउने प्रयासमा आफ्नो प्रभावित हातमार्फत् मैले प्ल्याङ्क गर्न सुरु गरेँ ।’

‘प्ल्याङ्क गर्ने बेला मेरा खुट्टा निदाएका थिए, मेरो घुँडा भतभती पोलेको थियो, बायाँ हातमा आगै लागेको छ कि जस्तो महसुस भएको थियो तर अन्त्यमा यी सबै कुराले मिलेर मलाई यो लायक बनायो,’ उनले थपे ।


Last Updated on: September 12th, 2021 at 5:02 pm
२०७ पटक हेरिएको

तपाईको प्रतिक्रिया