बिहिबार २३ मंसिर २०७८

एक महिलाले फास्ट फूड रेस्टुरेन्टमा चिकेन बर्गर अर्डर गरिन् । महिलाले बर्गरको पहिलो गाँसमै जे भेटिन्, त्यो देखेपछि उनको हालत खराब भयो ।न्यूयोर्क पोस्टको रिपोर्ट अनुसार बोलिभियामा बस्ने इस्टेफनी बेनिटेज एक फास्ट फूड रेष्टुरेन्टमा बर्गर खान गएकी थिइन् । पहिलो बाइट लिँदा उनले केही कडा चिज महसुस गरिन् । जब बेनिटेजले के रहेछ भनेर हेरिन् तब उनको होस उड्यो किनभने चिकेन बर्गरभित्र मानिसको औंला भेटिएको थियो ।

यो घटनाबारे इस्टेफनी बेनिटेजले फेसबुकमा जानकारी दिएकी छिन् । उनले घटना गत आइतबार भएको उल्लेख गरेकी छिन् ।उनले उक्त बर्गर, भेटिएको मान्छे’को औंला र यसबारे रेष्टुरेन्टको प्रतिक्रियालाई सोसल मिडियामा पोस्ट गरेकी छिन् ।
उनले यसबारे रेष्टुरेन्टका कर्मचारीलाई जानकारी दिँदा बर्गर पहिले नै तयार भएर स्टोरमा पुग्ने र यसअघि यस्तो कहिल्यै नभएको बताइन् । साथै रेष्टुरेन्टको तर्फबाट बर्गरको पूरा पैसा फिर्ता दिइने पनि बताइयो ।
सोसल भिडियामा महिलाको पोस्ट व्यापक रुपमा सेयर गरिएपछि बर्गर कम्पनीका प्रवक्ता दाहमेर–एस्क्वेले यसलाई ‘दुर्भाग्यपूर्ण घटना’ बताउँदै मासु काट्ने बेला उनका एक कर्मचारी’को चो’री औंला काटिएको जानकारी दिइन् । उनको सो कुरा स्थानीय प्रहरीले पनि पुष्टि गरेको छ ।
यसैबीच स्थानीय प्रशासनले रेष्टुरेन्टको यो ब्रान्चलाई अस्थायी रुपमा बन्द गर्ने र कम्पनीमाथि जरिवाना लगाउने निर्णय गरेको छ ।

 

यो पनि पढ्नु हाेस

नेपालका निजी इन्टरनेट सेवा प्रदायक (आईएसपी) हरूले तार राख्ने पोलका विषयमा नेपाल विद्युत् प्राधिकरणको भाडासँग असन्तुष्टि व्यक्त गर्दै बिहीवार इन्टरनेटको शुल्क बढाउने निर्णय गरे पनि सरकारी नियामकले आफूहरू “भाउ बढाएर उपभोक्ता मर्कामा पार्ने पक्षमा नरहेको’ जनाएको छ।
नेपाल दूरसञ्चार प्राधिकरणका अध्यक्ष पुरुषोत्तम खनालले बीबीसीसँग भने, “हाम्रो स्वीकृतिमा मात्र वहाँहरूले यो दररेट लागु गर्न पाउनुहुन्छ। हामी भाउ बढाउने पक्षमा छैनौँ।”
दूरसञ्चार प्राधिकरणले इन्टरनेट सेवा प्रदायक सङ्घ नेपाल र विद्युत् प्राधिकरणबीच यस विषयमा मध्यस्थता गरिदिनका लागि सञ्चार तथा सूचना प्रविधि मन्त्रालयलाई अनुरोध गर्न लागेको जनाएको छ।
सङ्घको निर्णयले तारसहितको इन्टरनेट सुविधाका लागि प्रत्येक सेवाग्राहीले सहरी भेगमा १५० रुपैयाँ र ग्रामीण भेगमा ३०० रुपैयाँसम्म बढी तिर्नुपर्ने हुनसक्छ।
पुरानै विवाद
झन्डै तीन वर्षअघि प्राधिकरणले एकतर्फी रूपमा प्रतिखम्बा २०५ रुपैयाँबाट १,२०० रुपैयाँ पुर्‍याएपछि आईएसपीहरू असन्तुष्ट बनेका थिए।
नेपालमा इन्टरनेट घरमा सस्तो, मोबाइलमा महँगो
इन्टरनेटमा अझै भारतकै भर, चिनियाँ इन्टरनेटको खपत बढाउन कठिन
गत वर्ष मन्त्रालयले एक समायोजन समितिले त्यसलाई प्रतिखम्बा ७५० रूपैयाँमा झारेको थियो।
इन्टरनेट सेवा प्रदायक सङ्घ नेपालका अध्यक्ष सुधीर पराजुली भन्छन्, “त्यो हाम्रो प्रतिनिधित्व नभईकन एकतर्फी रूपमा गरिएको निर्णय थियो जुन हामीलाई मान्य छैन।”
त्यसयता पनि प्राधिकरणले समायोजन हुनुअघिको समयमा त्यसअघि उच्च बढाएको भाडा मागिरहेको र आईएसपीहरूले समायोजन भएको भाडा समेत तिर्न नखोजिरहेकोले समस्या निम्तिएको बताइन्छ।
विद्युत् प्राधिकरणले हालै एक सार्वजनिक सूचना जारी गर्दै “नियमानुसार सम्झौता नगरी विद्युत् संरचना प्रयोग गरेको” भन्दै त्यसो नभएसम्म लाइन विस्तारको काम नगर्न सचेत गराएको छ।
अन्यथा त्यसमा जडान भएका अप्टिकल फाइबर तथा उपकरणहरू हटाउन र जफत गर्न सकिने प्राधिकरणको सूचनामा उल्लेख छ।
समाधान के
यतिखेर निजी आईएसपीहरूले थप ग्राहक विस्तार गर्न नसक्नेगरी विद्युत् प्राधिकरणले सजग गराएपछि विवाद पेचिलो बन्न सक्ने देखिएको छ।
कोभिड महामारीबीच धेरैजसो काम र विद्यालय तथा कलेजका अध्ययनहरू घरबाटै भइरहेको अवस्थामा इन्टरनेट थप सहज र सुलभ हुनुपर्ने माग भइरहेको बेला यस्तो विवाद देखा परेको हो।
भारतमा मोबाइल इन्टरनेट किन विश्वकै सबैभन्दा सस्तो
तीस वर्ष पुगेको इन्टरनेटको वेबपेजको इतिहास थाहा पाउनुहोस्
इन्टरनेटको कम गतिले प्रयोगकर्ता हैरान; सेवा प्रदायक भन्छन्, ‘ग्राहक बढेर होइन, अन्य कारणले कम’
इन्टरनेट सेवा प्रदायक सङ्घले ग्रामीण भेगमा धेरै पोल प्रयोग गरिए पनि बल्ल थोरै ग्राहक भेटिने तर सहरमा ग्राहकसम्म पुग्न सजिलो हुने भएकाले सोहीअनुसार त्यसको भार राखेपछि त्यसको आलोचना भइरहेको पाइन्छ।
तर सङ्घका अध्यक्षले त्यसको उत्तरदायित्व निजी कम्पनीहरूबाट मात्र खोजेर सरकारी निकायहरू अनुत्तरदायी बनेको बताउँछन्।
दूरसञ्चार प्राधिकरणका अध्यक्ष खनाल थप्छन्, “कुनै बेला अनावश्यक धेरै बढाइएको भाडा नै चाहिन्छ भन्ने विद्युत् प्राधिकरणको कुरा पनि ठिक होइन र निजी आईएसपीहरूले समेत समायोजन भएको भाडा अघि र पछि दुवै भुक्तान गर्नुपर्छ।”

 

 


Last Updated on: September 18th, 2021 at 11:55 am
८६ पटक हेरिएको

तपाईको प्रतिक्रिया