बिहिबार ११ कार्तिक २०७८

प्रहरीले त्रिभुवन अन्तर्राष्ट्रिय विमानस्थलमा अन्तर्राष्ट्रिय उडानबाट आएका १७ जनालाई अवैध सुनसहित प,क्रा,उ गरेको छ । प्रहरीले दुई दिनयता अवैध सुन ८९९ ग्रामसहित प,क्रा,उ गरेका सबै जना भरिया छन् ।

प्रहरीले ट्याक्सी पार्किङ एरियाबाट १४९ दशमलव ५ ग्राम सुनको बाला ३ थानसहित दुई जनालाई आइतबार प,क्रा,उ गरेको छ । प,क्रा,उ पर्नेहरुमा भक्तपुर दुवाकोट बस्ने सिन्धुपाल्चोक चौतारा साँगाचोकगढी नगरपालिका–७ ठेगाना भएका ३३ वर्षीय समुन्द्र दंगाल र काठमाडौं बूढानीलकण्ठ नगरपालिका–१२ बस्ने संखुवासभा खाँदबारी नगरपालिका–११ ठेगाना भएका ४३ वर्षीय सन्तवीर राई छन् ।

उनीहरु दुवै सुनका वास्तविक मालिक नभइए भरिया मात्रै भएको खुलेको छ । समुन्द्रले सिंगापुर एयरलाइन्सको उडानबाट सिंगापुर हुँदै काठमाडौं आएका यात्रुलाई भन्सार छली गर्न उक्त सुन पठाएको अवस्थामा प्रहरीले प,क्रा,उ गरेको हो । सोधपुछका क्रममा उक्त काममा राई समेत संलग्न रहेको खुलेपछि उनलाई समेत प्रहरीले प,क्रा,उ गरेको छ ।

त्यस्तै विमानस्थल प्रहरीले भन्सार छली गरेर ल्याएको ७५० ग्राम सुन पनि ब,रा,म,द गरेको छ । सिंगापुर एयरलाइन्स र हिमालय एयरलाइन्सबाट आएका यात्रुबाट आइतबार उक्त सुन ब,रा,म,द गरिएको हो । प्रहरीका अनुसार ती एयरलाइन्सबाट आएका १५ जना यात्रुबाट सुनका बाला र सिक्री गरी उक्त परिमाणमा सुन फेला पारिएको हो ।

विमानस्थलका विभिन्न स्थानहरुमा खटिएको प्रहरी टोलीले शंका गरिएका यात्रुहरुलाई पछ्याउँदा सुन फेला परेको थियो । प्रहरीले नियन्त्रणमा लिएपछि ती व्यक्तिहरुले सुन आफूहरुको नभएको बयान दिएका छन् । मलेसियाको विमानस्थल र आसपासबाट नामथर नखुलाएकाहरुले ती सुन दिएर पठाएको उनीहरुले बताएका छन् ।

ती सामान काठमाडौं विमानस्थल आसपास र होटलहरुमा आउनेलाई दिनु भनेर अह्राएको खुलेको छ । उनीहरुको साथबाट ५७ लाख २२ हजार बराबरको १४ वटा बाला र एउटा सिक्री बरामद भएको छ । ब,रा,म,द सुन र पक्राउ परेका व्यक्तिलाई थप अनुसन्धानका लागि लागि त्रिभुवन विमानस्थल भन्सार कार्यालय गौचर पठाइएको अन्तर्राष्ट्रिय बिमानस्थल सुरक्षा कार्यालयले जनाएको छ ।

 


Last Updated on: September 28th, 2021 at 5:14 pm
१३६ पटक हेरिएको

तपाईको प्रतिक्रिया