शनिबार १८ मंसिर २०७८

झापाको कनकाई नगरपालिकाका लेखा अधिकृत भूपेन्द्र दाहालको निधन भएको छ ।

मेचीनगरको बाहुनडाँगी निवासी दाहालको आज बिहान ९:४५ बजे सुरुंगास्थित अस्थायी निवास (डेरा)मा ४२ वर्षको उमेरमा मृत्यु भएको हो ।

उनले केही महिना अघि मात्रै भारतको दिल्लि पुगेर मृर्गौला प्रत्यारोपण गरेको कनकाई नगरपालिकाका प्रमुख प्रशासकीय अधिकृत मोहन प्रासाद न्यापानेले जानकारी दिए ।

उनका अनुसार दाहालाई उनकी आमाले एउटा मृर्गौला दिएकी थिइन् ।

मृर्गौला प्रत्यारोपण सफल भएपछि उनी स्वस्थ भएर नियमित कामकाजमा फर्किसकेका थिए । तर अचानक उनको स्वास्थ्यमा समस्या आएपछि मंगलबार अस्पतालमा उनको स्वास्थ्य परीक्षण गरिएको थियो ।

आज बिहान पुन: अस्पताल लैजाने तयारी गर्दागर्दै उनको आकस्मिक निधन भएको हो ।

उनले करिब ३ बर्षदेखि कनकाई नगरपालिकामा लेखा अधिकृतको रुपमा काम गर्दै आएका थिए ।

उनी लेखक तथा पूर्व शिक्षक समेत हुन् ।

उनको आजै दिउँसो साढे २ बजे निजी निवास नजिकै रहेको निन्दा खोलामा दाहसंस्कार गरिने न्यापानेले बताएका छन् ।

 

कोरोना भाइरसका कारण बालबालिकालाई समेत सबैलाई सुरक्षित रहन सरकारको आग्रह…?
पछिल्ला प्रमाणहरूले बालबालिका कोभिड १९ बाट संक्रमित हुन सक्छन् र एकअर्का तथा वयस्कहरूलाई पनि संक्रमित गर्न सक्दछन् भनेर देखाउँदछ । यद्यपि, उनीहरू संक्रमणबाट गम्भीर रुपमा विरामी पर्ने जोखिम कम छ र साना बालबालिकाले ठूलाहरूलाई भाइरस सार्ने सम्भावना कम हुन्छ ।

बालबालिकालाई कोभिड १९ को कुनै लक्षण नभएको अवस्थामा पनि सार्वजनिक स्थलमा रहँदा अनुहारमा मास्क लगाएर उनीहरूले कोभिड १९ सार्नबाट रोक्न मद्दत गर्न सक्छन् र आफ्नो परिवार, आफ्नो समुदायसँगै आफ्नो सुरक्षा गर्न सक्दछन् ।

हामीले बालबालिकालाई उनीहरूले दैनिक जीवनमा मास्क कसरी लगाउनुपर्दछ भनेर मुख्य सुझावहरू प्राप्त गर्न युनिसेफका स्वास्थ्य विशेषज्ञ श्रीहरि दत्तसँग कुरा गरेका थियौं ।

मास्कले कसरी काम गर्दछ?
कोभिड १९ मानिसहरूले कुरा गर्दा, गाउँदा, खाँदा वा खोक्दा बन्ने श्वासप्रश्वासका थोप्लाहरू मार्फत फैलिन्छ । व्यक्तिहरूको शरीरभित्र कुनै पनि लक्षणविना पनि भाइरस रहेको हुन सक्दछ । यसको मतलब तपाईं र तपाईंका बालबालिकाले रोग सार्न सक्नुहुन्छ र तपाईंहरुलाई यो थाहा नहुन पनि सक्दछ ।

मास्कले कोभिड १९ का छिटाहरु फैलिन नदिइ अन्य व्यक्तिमा सर्नबाट रोक्ने काम गर्दछ । मास्कले लगाउने व्यक्तिलाई सासको थोपाहरू लिन र संक्रमित हुनबाट पनि जोगाउन सक्दछ ।

बालबालिकाले कहिले मास्क लगाउनुपर्दछ?

तपाईंको बालबालिकाले मास्क लगाउनु पर्छ कि पर्दैन भन्ने कुरा धेरै कुराहरूमा निर्भर हुन्छ । उनीहरूको उमेर, सुरक्षित रूपमा मास्क प्रयोग गर्ने क्षमता र उनीहरू बिरामी भएका कोहीसँगको भौतिक सम्पर्कमा छन् की छैनन् भन्ने कुरा प्रमुख हुन्छन् । दक्षिण एसियाभरि, केहि सरकारहरूले सार्वजनिक र उमेरमा आधारमा मास्क प्रयोगका थप आवश्यकताहरू निर्धारण गरेका छन् । तपाईंको स्थानीय निकायहरुको निर्देशहरूको बारेमा जानकारी लिनुहोस् ।

विश्व स्वास्थ्य संगठन र युनिसेफको यस्तो सल्लाह छः

५ वर्ष र सोभन्दा कम उमेरका बालबालिका
सामान्यतया, ५ वर्ष र सोभन्दा कम उमेरका बालबालिकाले मास्क लगाउनु पर्दैन । यो सल्लाह साना बालबालिकाको सुरक्षा र समग्र हितमा आधारित छ ।

केही देशहरूले धेरै साना बालबालिकाको लागि मास्क प्रयोगको बारेमा थप स्थानीय मार्गदर्शनहरु जारी गरेका छन् । उदाहरणको लागि, यदि बालबालिका कोही बिरामी भएकाहरुसँग भौतिक रूपबाट नजिक छन् भने । यदि तपाईंको ५ वर्ष भन्दा कम उमेरका बालबालिकालाई मास्क लगाउनु आवश्यक छ भने, उनीहरु सधैं तपाईंले सुपरिवेक्षण गर्न सक्ने गरि प्रत्यक्ष निगरानीमा भएको सुनिश्चित गर्नुहोस् ।

 


Last Updated on: September 30th, 2021 at 10:45 am
१२६ पटक हेरिएको

तपाईको प्रतिक्रिया