सुर्खेतमा भएको मिनी बस दुर्घटनामा दुई जनाएको मृत्यु भएको छ।
दैलेखको बेस्तडाबाट सुर्खेत जाँदै गरेको कर्णाली प्रदेश ००१ ख ०१६६ नम्बरको बस सुर्खेतको लादे ओरालोमा दुर्घटना हुँदा दुई जनाको मृत्यु भएको जिल्ला प्रहरी कार्यालय सुर्खेतले जनाएको छ।
प्रहरीका अनुसार मृत्यु हुनेमा दैलेखको नारायण नगरपालिका–११ का सुशील राउत र भगवती गाउँपालिका–१ की ३४ वर्षीया शान्ता थापा आचार्य छन्। दुर्घटनामा गम्भीर घाइते उनीहरुको अस्पताल पुर्याउँदै गर्दा बाटोमै मृत्यु भएको प्रहरीले जनाएको छ।
मृतक शान्ता बस चालककी श्रीमती रहेको र चालक फरार छन्। बस भने साहुले चलाएको प्रहरीले जनाएको छ। बसमा ३४ यात्रु रहेको र घाइतेहरूलाई उपचारका अस्पताल पठाइएको प्रहरीले जनाएको छ।
ड्रग्सको केसमा जेलमा बसिरहेका बलिउड अभिनेता शाहरुख खानका छोरा आर्यन खान यतिबेला तनाबमा रहेका छन् । उनी अहिले पनि मुम्बईको आर्थर रोड जेलमा नै रहेका छन् । परिवार संग समेत भेट गर्न नपाईरहेका उनलाई पिता शाहरुख खानले भिडियो कल गरेका छन् । भिडियो कलमा बोल्दै उनले आर्यनको अवस्था बारे जानकारी लिएका थिए । परिवारको सदस्यहरुलाई समेत भेट्न प्रतिबन्ध लागेको बेला शाहरुखले भिडियो कल मार्फत आर्यन संग बोलेका थिए ।
उनले छोरा आर्यन संग ३ दिन अघि भिडियो कल गरेको भारतीय संचारमाध्यम इन्डियन एक्सप्रेसले जनाएको छ । त्यस्तै शाहरुखले छोराका लागि केही पैसा समेत पठाएका छन् । उनले मनी अर्डरको माध्यमबाट आर्यनलाई ४५ सय भारु पठाएका छन् । उनले सो रकम आर्यनको खानाको खर्चको लागि पठाएका हुन् । आर्यन यतिबेला घरको खाना बाट बञ्चित रहेका छन् । उनले जेल भित्रकै क्यान्टिनको खाना खाईरहनु परेको छ । २३ वर्षीय आर्यन भारतको लागूऔषध नियन्त्रण ब्युरोबाट ३ अक्टोबरमा समातिएका थिए ।
