सोमबार १८ मंसिर २०८०

चीनले स्थल र जल दुबैतर्फको सीमा क्षेत्रमा बढ्दो गम्भीर चुनौतीहरुको सामना गरिरहेको छ। चिनियाँ सैन्य अनुसन्धानकर्ताका अनुसार चीनलाई सबैतिरबाट चुनौती सिर्जना गरिएको छ र विशेषगरी तत्कालीनरुपमा आफ्नो सीमा रक्षाका लागि सुरक्षा कडाइ गर्नुपर्ने बताएका छन्।

पीएलए नेशनल डिफेन्स युनिर्भसिटीका अवकाशप्राप्त प्रोफेसर ओउयाङ वेइले अमेरिकाले साउथ चाइना सीमा र ताइवान स्ट्रेटमा सेनाको संख्या बढाएको र भारत, अफगानिस्तान, म्यानमार र उत्तर कोरियाले स्थल सीमा क्षेत्रमा आफ्नो सेनाको संख्या बढाएको बताएका छन्।

बेइजिङस्थित थिंक ट्यांकले सार्वजनिक गरेको एक प्रतिवेदनका अनुसार सीमा क्षेत्रमा मुलुकले अतिक्रमण, घुसपैठ र आतंकवादको सामना गर्नुपर्ने उल्लेख गरिएको छ। चीनले सीमा क्षेत्रमा आतंकवाद र पृथकतावादविरुद्ध लडेर राष्ट्रिय एकता र भौगोलिक अखण्डतालाई सुरक्षित गर्नका लागि निकै ठूलो संघर्ष गर्नुपर्ने बताइएको छ।

उनले उक्त समस्यालाई सम्बोधन गर्नका लागि चीनले कोस्ट, हवाई रक्षा र जल क्षेत्र र स्थल सीमा क्षेत्रमा सैन्य उपस्थिति बढाउनुपर्ने र रक्षा उपकरणका वृद्धि गर्नुपर्ने सुझाएका छन्।

उत्तर कोरियाको मिसाइल परीक्षण, फेब्रुअरीमा म्यानमारमा भएको सैन्य कूपछि बढेको आन्दोलन र प्रदर्शनहरु र अफगानिस्तनमा तालिबान कब्जापछि चीनमा सुरक्षा चुनौतीहरु बढेको उक्त प्रतिवेदनमा उल्लेख गरिएको छ।

एकीकृत समाजवादीका नेता राजेन्द्र पाण्डे आज बिहीबार बागमती प्रदेशको मुख्यमन्त्री बन्दैछन् ।

अष्टलक्ष्मी शाक्यले बुधबार प्रदेश प्रमुख यादवचन्द्र शर्मालाई राजीनामा बुझाएसँगै गठबन्धनले पाण्डेलाई मुख्यमन्त्रीमा दाबी पेस गरेको छ । गठबन्धनले पाण्डेलाई मुख्यमन्त्री नियुक्त गर्न दाबी गर्दै ५९ जनाको हस्ताक्षर हिजै साँझ बुझाइ सकेको छ ।

प्रदेश प्रमुखको कार्यालयले पनि आज दिउँसो ३ बजेभित्र मुख्यमन्त्रीमा दाबी गर्न समय दिएको छ ।

बागमती प्रदेशसभामा रहेका १०९ सांसदमध्ये सरकार बनाउन ५५ जना आवश्यक पर्छ । पाण्डेलाई आफ्नै पार्टी एकीकृत समाजवादीको १३, नेकपा माओवादी केन्द्रका २३, कांग्रेसको २२ र जसपाको १ गरी ५९ जना सांसदको समर्थन छ । एमालेमा भने पार्टी विभाजनपछि अहिले जम्मा ४३ जना सांसद छन् । मुख्यमन्त्रीमा पाण्डे आज दिउँसो ३ बजेपछि नियुक्त हुने सम्भावना रहेको छ ।

को-को बन्लान् मन्त्री ?
मुख्यमन्त्रीमा पाण्डेको नियुक्ति हुने तयारी भइरहँदा गठबन्धनबाट नयाँ बन्ने सम्भावित मन्त्रीको नामबारे चर्चा भइरहेको छ । सम्भावित नाममा नेकपा माओवादी केन्द्रकी कुमारी मोक्तान,नेपाली काँग्रेसका कृष्ण भँडेल र नेकपा (एकीकृत समाजवादी) का कृष्ण खनाल छन् ।

चर्चामा आए अनुसार माओवादी केन्द्रकी मोक्तानले आन्तरिक तथा मामिला मन्त्रालय पाउने सम्भावना छ । यो मन्त्रालय माओवादी केन्द्रले लिने सहमति बनेमा पूर्वमन्त्री शालिकराम जम्मकट्टेल नै सरकारमा सहभागी हुने पनि स्रोतको भनाइ छ ।

अर्थ मन्त्रालय कांग्रेसका भँडेलले पाउने चर्चा छ भने एकीकृत समाजवादीका खनालले सामाजिक विकास मन्त्रालय पाउने सम्भावना रहेको स्रोत बताउँछ । तर मन्त्रालय भागबन्डाका विषयमा गठबन्धनको बैठक बसिरहेकाले टुंगो भने अझै लाग्न बाँकी रहेको एकीकृत समाजवादीकी केन्द्रीय सदस्य एवं बागमती प्रदेश संसदीय दलकी प्रमुख सचेतक मुनु सिग्देलले बताइन् ।

दिउँसो साढे ३ बजे सपथको तयारी
मुख्यमन्त्रीसहित मन्त्री नियुक्तपछि आज दिउँसो साढे ३ बजे सपथको तयारी छ । प्रदेश प्रमुखको कार्यालयले सरकारको नेतृत्वका लागि दाबी गर्न ३ बजेसम्मको समय दिइसकेकाले त्यसपछि नियुक्ति र सपथ ग्रहण गराइने तयारी छ । सपथको आवश्यक तयारी पुग्न नसकेकमा साढे ३ देखि अपराह्न ५ बजेभित्र बागमतीमा नयाँ सरकारका मुख्यमन्त्री तथा मन्त्रीले सपथ खाइसक्ने छन् ।

 


Last Updated on: October 28th, 2021 at 2:56 pm
४०७ पटक हेरिएको

तपाईको प्रतिक्रिया