शुक्रबार १४ माघ २०७८

काठमाडौ । राष्ट्रिय जनमोर्चा पार्टीका अध्यक्ष चित्रबहादुर केसीले सबैभन्दा बढी तितोपिरो कम्युनिष्ट आन्दोलनमा रहेको बताएका छन् । नेकपा एमालेको १० औँ राष्ट्रिय महाधिवेशनको शुभारम्भ कार्यक्रमलाई सम्बोधन गर्दै पूर्वउपप्रधानमन्त्री समेत रहेका अध्यक्ष केसीले वाम आन्दोलनका लागि एकतावद्ध हुनका लागि आग्रह समेत गरेका छन् ।

कार्यक्रमलाई सम्बोधन गर्दै अध्यक्ष केसीले भने, ‘राजनीतिक गर्ने व्यक्तिहरु नसुध्रिकन नेपाली जनताले यस्तो अवस्था देखिरहन्छ । हामी झगडा गरेपछि बाहिरका शक्तिहरु खेल्छन् । सबैभन्दा बढी तितोपिरो कम्युनिष्ट आन्दोलनमा छ । हामी हाम्रो आन्तरिक कुरा अरुलाई सुनाउँछौँ अनि बाहिरीले खेल्छ ।’

साथै उनले अहिले मुलुक जसरी जानुपर्ने हो त्यसरी मुलुक जान नसकेको बताएका छन् । उनले सबै राजनीतिक पार्टीले एउटाले अर्कोलाई दो ष लगाइरहेका बताएका छन् । नेकपा एमालेको महाधिवेशनमा शुभकामना मन्तव्य राख्न चितवन पुगेका राष्ट्रिय जनमोर्चाका अध्यक्ष चित्रबहादुर केसीलाई मञ्चमा पुग्न ३ घण्टा लागेको छ ।

बिहान ११ बजे नारायणी किनारा पारि आइपुगेका नेता केसी भीडका कारण साढे २ बजे एमालेको मञ्चमा पुगेका थिए । मञ्चमा ढिलो गरी पुगेका केसीले महन्थ ठाकुर, उपेन्द्र यादव र माओवादी केन्द्रका प्रतिनिधिले बोलेपछि शुभकामना मन्तव्य राखेका थिए । ‘बिहान ११ बजे गैँडाकोट आएको थिएँ, जेनतेन यहाँ आउन सफल भएँ,’ सम्बोधनका क्रममा केसीले भने ।

उनले महाधिवेशनमा ढिलो पुगेकोमा माफी माग्दै आफ्ुले भोगेको कुरा सुनाएका थिए । गैडाकोटवाट मञ्चमा पुग्न ३ घण्टा लाग्यो यस अघि बोल्ने बक्ताको कुरा मैले सुन्न पाइन माफी चाहन्छु केसीले भने ।


Last Updated on: November 26th, 2021 at 4:38 pm
१८८ पटक हेरिएको

तपाईको प्रतिक्रिया