शनिबार ०६ कार्तिक २०७८

जेठभर निषेधाज्ञामा कडाई, ‘कर तिर्न’ असारमा खुकुलो
May 24, 2021 0
facebook sharing button Sharetwitter sharing button Tweetemail sharing button Emailsharethis sharing button Sharemessenger sharing button Share
काठमाडौं, १० जेठ । सरकारले उपत्यकासहित मुख्य शहरहरुमा जेठभर निषेधाज्ञा कायमै राख्ने भएको छ । उपत्यकामा थप एक साता लकडाउन गरिने भएको छ ।

आज काठमाडौं, ललितपुर र भक्तपुर गरी तीनवटै जिल्लाका जिल्ला प्रशासन कार्यालयहरुले निषेधाज्ञामा थप कडाईका लागि जरिवानासहितको सूचना जारी गरेका छन् ।

गृह मन्त्रालयले उपत्यकामा नागरिकलाई अत्यावश्यकबाहेक घरबाहिर निस्कन नदिन निर्देशन दिएको छ । कोरोना भाइरसबाट मृत्युदर बढेपछि गृहले त्यस्तो निर्देशन दिएको हो । यसबाट पनि सरकारले अझै निषेधाज्ञा कम्तिमा जेठभर हुने संकेत गरेको छ ।

स्वास्थ्यमन्त्री हृदयश त्रीपाठीले पनि एक महिनामा कोरोना भाइरसको संक्रमण घट्ने आशा व्यक्त गरे । यो अझै एक महिना जस्तो निषेधाज्ञा जारी गर्ने संकेत पनि हो ।

जेठभर निषेधाज्ञा जारी गरेपनि सरकारले असारमा भने खुकुलो गर्ने बुझिएको छ । करको दाखिला गर्नका लागि पनि असारमा निषेधाज्ञा खुकुलो गर्ने लक्ष्यका साथ जेठभर कडाई हुने बुझिएको छ ।


Last Updated on: May 24th, 2021 at 7:00 pm
६६५ पटक हेरिएको

तपाईको प्रतिक्रिया