सोमबार ३० साउन २०७९

धादिङको गंगाजमुना गाउँपालिका–५ की एक गर्भवतीको हेलिकप्टरबाट उद्धार गरिएको छ।

२ दिन देखि लामो प्रशव व्यथाका कारण प्रशुती हुन नसकेकी अप्सरा थापा मगरलाई राष्ट्रपति महिला उत्थान कार्यक्रम अन्तर्गत आज दिउँसो नेपाली सेनाको हेलिकप्टरबाट उद्धार गरी काठमाडौँ पठाईएको गाउँपालिकाका स्वास्थ्य संयोजक दिपक अधिकारीले जानकारी दिनुभयो।

यसअघि गाउँपालिकाका ७ जना गर्भवती महिलालाई हेलिकप्टरबाट उद्धार गरिएको अधिकारीले बताउनुभयो।जसमा गाउँपालिकाको खर्चमा ४ जनाको उद्धार गरिएको छ भने राष्ट्रपति महिला उत्थान कार्यक्रमबाट २ जना र स्वास्थ्य कार्यालय धादिङमार्फत १ जना गर्भवतीको उद्धार गरिएको स्वास्थ्य संयोजक अधिकारीले बताउनुभयो।

गाउँपालिकाले सुरक्षित प्रशुती गराउन कठिनाई भएका गाउँपालिका भित्रका गर्भवती महिलाहरुलाई निशुल्क हेलिकप्टरबाट उद्धार गर्दै आएको छ।

काठमाडौं : पूर्व उपप्रधानमन्त्री तथा नेकपा एमालेका नेता डा. भीमबहादुर रावल यतिबेला पार्टी अध्यक्ष केपी शर्मा ओलीको टाउको दुखाइ बनेका छन् । महाधिवेशनमा अध्यक्षमा ओली विरुद्ध उम्मेदवारी दिएर पार्टीमा झनै प्रभावशाली बन्दै गएका रावल पार्टीले लिएको नीतिविरुद्ध खुलेरै अभिव्यक्त दिन थालेका छन् ।

रावलले संसदमा पार्टी नेतृत्वले लिएको नीतिको आलोचना गरेका छन्। रावलको यो अभिव्यक्तीलाई धेरैले माधव नेपाल नेतृत्वको नेकपा एकीकृत समाजवादीको पक्षमा दिएको अभिव्यक्ती भएको आरोप लगाइरहेका छन् ।

एकातिर माधव नेपालसहित १४ सांसदको कारवाही र सभामुखको राजीनामा मागेर निरन्तर संसद अवरोध गर्ने र अर्कोतिर प्रधानन्यायाधीश चोलेन्द्र शम्शेर जबराविरुद्धको महाभियोग सिफारिस समिति गठनमा संलग्न भएर संसदीय प्रक्रियामा सामेल भएको भन्दै नेतृत्वको आलोचना गरेका हुन्।

यो कुन नीति हो, संसद अवरोधको औचित्य के भनेर प्रश्नसमेत गरेका छन्। एमसीसीमा बोल्दा हिरो बन्यो भनेर बोल्न हुन्न भन्ने र महाभियोग प्रक्रियामा कुन नीतिले सामेल भएको भनेर उनले प्रश्न तेर्स्याएका छन्।

‘नेपाली जनताले देशव्यापी उठाएको र राजनीतिक दलमा सर्वाधिक बहस भएको राष्ट्रिय स्वाधीनतासंग सम्बन्धित एमसीसी सम्झौताबारे संसदमा बोल्न नहुने तर प्रन्या चोलेन्द्रविरूद्ध महाभियोग सिफारिस समिति गठनसमेतको संसदीय प्रक्रियामा सामेल हुने कस्तो नीति हो?’ उनले प्रश्न गरेका छन्, ‘कसरी बुझ्ने?संसद अवरोध के भयो त अब?’


Last Updated on: March 8th, 2022 at 12:08 pm
१५३ पटक हेरिएको

तपाईको प्रतिक्रिया