शनिबार २८ साउन २०७९

एक भियतनामी पुरुष उनको सुनप्रतिको लगावकै कारण भाइरल भएका छन् । उनी किलो– किलोको गहना आफ्नो गला र हातमा लगाउँछन् । उनी सुनकै जलप लगाइएको कार र मोटरसाइकल हाँक्छन् । भियतनामको एन जियाङ प्रान्तका ३९ वर्षका व्यवसायी ट्रान डुक लोई ले आफ्नो मुलुकमा धेरैको ध्यान आकर्षित गर्नसमेत सफल भएका छन् ।

जिवनयापनका लागि दक्षिण अमेरिकी छेपारो बिक्री गर्ने गरेका उनी विगत ३ वर्षको अन्तरालमा सुनै सुनले घेरिएका छन् । भाग्य र समृद्धिले साथ दिएकाले उनी सुन जम्मा गर्न सफल भएका हुन् । सुनले व्यवसायमा भाग्य आकर्षित गर्ने विश्वास उनीमा छ । त्यसैले उनी बाहिर निक्लँदा सकेसम्म धेरै सुन लगाउने गर्छन् ।

‘सुरुमा म थोरै मात्र गहना लगाउँथे र त्यसपछि थप्दै जान थाले । धेरै गहना लगाएका कारण मलाई भारी महसुस हुन्थ्यो तर पछि बानी पर्न थाल्यो,’ ट्रान डुक लोइले बताए । साना गहनाहरु सहजै टुक्राउन सकिन्छ । तर धेरै तौल भएकाहरु लामो समयसम्म लगाउन सकिने धारणा पनि उनको थियो ।

उनी लोकप्रिय भिडियो सेयरिङ प्लेटफर्म टिकटकमा पनि सुन लगाएर देखिने गरेका छन् । उनको सुुनको मोटरसाइकल पनि छ । यिनीहरु सुनको जलप लगाइएका छन् । आफू बाहिर जाँदा झन्डै २ किलोग्रामको सुुनको गहना लगाउने गरेको उनले बताए । यसमा २५० ग्रामको नेकलेस आकारको ड्रागन जस्तो गहना, १० वटा ठूूला सुनका औँठी र मोटो ब्रासलेट र ठूलो सुनको जलप लगाइएको घडी पनि छन् ।

काठमाडौं २५ फागुन । नेपाली कांग्रेसका नेता प्रकाशमान सिंहले अमेरीकी परियोजना एमसीसीका बारेमा राष्ट्रघाति भनेर गलत प्रचार गरिएको बताएका छन् ।

काठमाडौंको शंखमुलमा आयोजित एक कार्यक्रममा सहभागी भएका उनले देशको हितका पक्षमा एमसीसी रहेकाले कांग्रेसले सरकारमा रहँदा पनि प्रतिपक्षीमा रहँदा पनि यसको वकालत गरेको बताएका हुन् ।

‘एमसीसी नेपालको अर्थतन्त्रलाई टेवा पुर्याउने काममा लगानी हुन थालेका कारण, नेपालको आवश्यकता अनुसार डिजाइन गरेका कारण नेपालको हितमा रहेको हुनाले आवश्यक छ भनेर कांग्रेसले सरकार र विपक्षमा हुँदा वकालत गरेर हिँडेको हो,’ कार्यक्रममा उनले भने ।

एमसीसी राष्ट्रघाति भए संघीय संसदबाट पास नहुने बताएका उनले सरकारमा छदाँ एउटा कुरा बाहिरिएपछि अर्को कुरा गर्न नमिल्ने बताएका छन् । सत्तारुढ दल नेपाली कांग्रेसका नेता प्रकाशमान सिंहले पहिले प्रतिपक्षमा हुँदा पनि पार्टीले अमेरिकी सहायता परियोजना एमसीसीको वकालत गरेको बताएका छन्।

‘नेपालको परराष्ट्र नीति असंलग्न नीतिमा आधारित छ। यसलाई हामीले छाडेका छैनौँ। नेपाल अमेरिकी एक्सिसमा गयो। असंलग्न नीति बिर्सियो भनेको छ, त्यो बिल्कुलै होइन।’उनले अघि थपे ।


Last Updated on: March 10th, 2022 at 11:06 am
२१४ पटक हेरिएको

तपाईको प्रतिक्रिया