सोमबार ३० साउन २०७९

रूसले बम खसालेर दक्षिणी युक्रेनको मारिउपोलस्थित प्रसूति अस्पताल ध्वस्त बनाएको युक्रेनी अधिकारीहरूले बताएका छन् । सामाजिक सञ्जालमा पनि बमबारीका कारण आगो लागिरहेको प्रसूति अस्पतालको भिडियो फूटेजहरू सार्वजनिक भएका छन् ।

लडाकु विमानबाट रूसले सो प्रसूति अस्पतालमा बम लगातार बर्साएको बताइएको छ । रूसले खसालेको बमले शिशुहरू राखिएको अस्पतालको चिकित्सा सुविधा नै ध्वस्त भएको छ । मारिउपोल सिटी काउन्सिलले मानव हताहती पुष्टि गरेको छ ।

‘शहरको केन्द्रमा रहेको प्रसूति अस्पतालको शिशु कक्ष र आन्तरिक चिकित्सा विभाग रूसी बमबारीमा ध्वस्त भएको छ,’ दोनेत्स क्षेत्रीय प्रशासनका प्रमुख पाभ्लो क्यारिलेन्कोले भनेका छन् ।

राष्ट्रपति जेलेन्स्कीले अमेरिका नेतृत्वको उत्तर एटलान्टिक सन्धि गठबन्धन (नाटो) प्रति युक्रेनको आकाशलाई नो फ्लाइ जोन घोषणा नगरेकोप्रति कडा आक्रोश पनि पोखेका छन् । तत्कालै आकाश बन्द गरी हत्या रोक्न भन्दै उनले नाटोसँग शक्ति भएको, तर मानवता गुमेको हेरिरहेको आरोप लगाएको हुन् । सीएनएन

काठमाडौं २५ फागुन । नेपाली कांग्रेसका नेता प्रकाशमान सिंहले अमेरीकी परियोजना एमसीसीका बारेमा राष्ट्रघाति भनेर गलत प्रचार गरिएको बताएका छन् ।

काठमाडौंको शंखमुलमा आयोजित एक कार्यक्रममा सहभागी भएका उनले देशको हितका पक्षमा एमसीसी रहेकाले कांग्रेसले सरकारमा रहँदा पनि प्रतिपक्षीमा रहँदा पनि यसको वकालत गरेको बताएका हुन् ।

‘एमसीसी नेपालको अर्थतन्त्रलाई टेवा पुर्याउने काममा लगानी हुन थालेका कारण, नेपालको आवश्यकता अनुसार डिजाइन गरेका कारण नेपालको हितमा रहेको हुनाले आवश्यक छ भनेर कांग्रेसले सरकार र विपक्षमा हुँदा वकालत गरेर हिँडेको हो,’ कार्यक्रममा उनले भने ।

एमसीसी राष्ट्रघाति भए संघीय संसदबाट पास नहुने बताएका उनले सरकारमा छदाँ एउटा कुरा बाहिरिएपछि अर्को कुरा गर्न नमिल्ने बताएका छन् । सत्तारुढ दल नेपाली कांग्रेसका नेता प्रकाशमान सिंहले पहिले प्रतिपक्षमा हुँदा पनि पार्टीले अमेरिकी सहायता परियोजना एमसीसीको वकालत गरेको बताएका छन्।

‘नेपालको परराष्ट्र नीति असंलग्न नीतिमा आधारित छ। यसलाई हामीले छाडेका छैनौँ। नेपाल अमेरिकी एक्सिसमा गयो। असंलग्न नीति बिर्सियो भनेको छ, त्यो बिल्कुलै होइन।’उनले अघि थपे ।


Last Updated on: March 10th, 2022 at 12:26 pm
१९० पटक हेरिएको

तपाईको प्रतिक्रिया