बुधबार ०४ जेठ २०७९

काठमाडौं – विश्वका विभिन्न देशमा विज्ञान प्रविधिको विकास भइरहेको छ । यस्तो विकाशले अनौठा तथ्यहरु पत्ता लाग्नुका साथै अनेक यन्त्र तथा उपकरण पनि बनिरहेका छन् । हामिले गाउँघरमा सामान्य साइकल चलाइरहेका छन् ।

साइकल चलाउन सजिलो पनि हुन्छ । एक ठाउँबाट अर्को ठाउँमा पुग्न साइकल सजिलो र सुरक्षित साधन मानिन्छ । साइकलमा हिड्न ठुलो बाटो पनि चाहिदैन ।

बाटोमा हुने कुनै अवरोधबाट पनि साइकल रोकिदैन । तर विश्वमा यस्तो साइकल पनि छ, जुन चलाउन मुस्किल पनि पर्छ । मुस्कील भन्नाले चलाउन नसकिने होइन, यो साइकलको पाङग्रा निकै ठुलो छ ।

सबैभन्दा ठूलो साइकलको तौल ९६० किलो रहेको छ । जर्मनीका फ्रेंक डोस नामका व्यक्तिले बनाएको यो साइकल चाडो पनि हिड्छ । साइकलको लागत मात्रै ३५ सय पाउन्ड खर्च भएको डोस बताउँछन् । । यो साइकलको निर्माण स्क्रैप मैटलमा भएको हो । फ्रेंक डोसले आफुले बनाएको ठुलो साइकल प्रदर्शन गर्दै आइरहेका छन् ।

 

काठमाडौं, बैशाख २१। काठमाडौं । नयाँ युगको शुभारम्भ भन्दै तत्कालीन केपी शर्मा ओली नेतृत्वको सरकारले ल्याएको योगदानमा आधारित सामाजिक सुरक्षा कोषमा १ वर्षमा १० अर्ब ७८ करोड रुपैयाँ थपिएको छ । पोहोर वैशाख १९ गते ५ अर्ब ४५ करोड रहेको योगदान रकम यसपालि वैशाख १८ गतेसम्ममा १६ अर्ब २३ करोड रुपैयाँ पुगेको हो ।

सामाजिक सुरक्षा कोषको लगानीसम्बन्धी कार्यविधिअनुसार कोषमा जम्मा भएको रकम सरकारी ऋणपत्र, शेयर, डिबेन्चर, म्युचुअल फन्ड तथा स्थिर सम्पत्तिमा लगानी गर्न सकिन्छ । योगदानकर्ताको रकम मुद्दती खाता, डिबेन्चर, म्युचुअल फन्डलगायतमा लगानी भइसकेको कोषका निर्देशक विवेक पन्थीले जानकारी दिए ।

उनका अनुसार मुद्दती खातामा जम्मा गरेको रकममा कोषले वार्षिक ८ प्रतिशतसम्मका दरले ब्याज पाइरहेको छ । निर्देशक पन्थीका अनुसार यस अवधिमा ३ हजार २६७ प्रतिष्ठानमा कार्यरत १ लाख ३० हजार ५४७ योगदानकर्ता कोषमा थपिएका छन् । आर्थिक अभिया दैनिकबाट

कर्णाली, वैशाख २१ । कर्णाली प्रदेश सरकारले विसं २०७९ सालमा राष्ट्रियबाहेक प्रदेशभर थप आठ दिन सार्वजनिक बिदा दिने भएको छ । प्रदेश सरकारको विसं २०७८ चैत्र २९ गते बसेको मन्त्रिपरिषद् बैठकले सार्वजनिक बिदा दिने निर्णय गरेको बताइएको छ ।

सरकारले सार्वजनिक बिदा गरेको निर्णय यही वैशाख ७ गते प्रदेशको राजपत्रमा प्रकाशित गरेको छ । राजपत्रका अनुसार धान दिवसका अवसरमा दुई दिन सार्वजनिक बिदा दिने भएको हो । ऐतिहासिक दिनका रुपमा चैत्र १२ गते जुम्लालाई मात्र र असार १५ गते जुम्लाबाहेक नौ जिल्लामा धान दिवसका अवसरमा बिदा दिने सरकारले निर्णय गरेको छ ।

त्यस्तै, साउन १ गतेलाई साउने सङ्क्रान्ति तथा देउडा पर्व भनेर सार्वजनिक बिदा दिने निर्णय भएको आन्तरिक मामिला तथा कानुन मन्त्रालयका सचिव दिनेशसागर भुसालले जानकारी दिनुभयो । साउन १७ गते साउन शुक्ल पञ्चमी (नाग पञ्चमी), भदौ ४ गते प्रदेश स्थापना तथा सहिद दिवस, असोज २३ गते शुक्ल (कोजाग्रत) पूर्णिमा, चैत्र १६ गते चैत्र शुक्ल नवमी (रामनवमी) प्रदेशभर बिदा दिइने सचिव भुसालले बताउनुभयो ।

उहाँका अनुसार असोज कृष्ण त्रयोदशीका दिन भने चन्दननाथ बाबा मेलाको सार्वजनिक बिदा दिने निर्णय भएको छ । यस दिनमा भने जुम्ला जिल्लामा प्रादेशिक तथा स्थानीय तहका कार्यालयहरुमा बिदा हुने प्रदेश आन्तरिक मामिला तथा कानुन मन्त्रालयले जनाएको छ ।

 


Last Updated on: May 4th, 2022 at 1:24 pm
५९ पटक हेरिएको

तपाईको प्रतिक्रिया