बुधबार ०४ जेठ २०७९

अछाम। अछामका ९१ वडामध्ये १९ वडाको नतिजा सार्वजनिक भएको छ । १९ मध्ये कांग्रेसले ९, एमालेले पाँच, माओवादी चार र एक जना स्वतन्त्र उम्मेदवार विजयी भएका छन् ।

कांग्रेसले कहाँ कहाँ जित्याे ?

-तुर्माखाँद गाउँपालिका-१ वडाध्यक्ष उपेन्द्र रावल

-मंगलसेन नगरपालिका-१३ वडाध्यक्ष हिक्मत बोगटी

-कमलबजार नगरपालिका -१० वडाध्यक्ष भीमबहादुर विष्ट

-बान्नीगढी जयगढ गाउँपालिका-१ गजेन्द्र खड्का

-ढकारी गाउँपालिका-८ वडाध्यक्ष उद्ववराज उपाध्याय

-रामारोशन गाउँपालिका-३ वडाध्यक्ष गणेश साउँद

-कमलबजार नगरपालिका-२ वडाध्यक्ष दीर्घ टमट्टा

-ढकारी गाउँपालिका-५ वडाध्यक्ष कर्णबहादुर साउद

-चौरपाटी गाउँपालिका-१ वडाध्यक्ष वीरबहादुर थापा

एमालेले जितेका वडा

-कमलबजार नगरपालिका-१० वडाध्यक्ष कमल बजगाई

-ढकारी गाउँपालिका-७ वडाध्यक्ष राम थापा

-तुर्माखाँद गाउँपालिका-८ वडाध्यक्ष निरकबहादुर शाही

-कमलबजार नगरपालिका-८ वडाध्यक्ष- प्रजाबहादुर बोगटी

-बान्नीगढी जयगढ गाउँपालिका-५ वडाध्यक्ष टंक साउद

माओवादी केन्द्रले जितेका वडा

-रामारोशन गाउँपालिका-१ वडाध्यक्ष चक्र साउद

-रामारोशन गाउँपालिका-२ वडाध्यक्ष मीनबहादुर परियार

-बान्नीगढी जयगढ गाउँपालिका-६ वडाध्यक्ष जगत थापा

-मेल्लेख गाउँपालिका-१ वडाध्यक्ष दिलबहादुर धामी

स्वतन्त्र उम्मेदवार

कमलबजार नगरपालिका-१ वडाध्यक्ष भक्तबहादुर बोहरा

 

बाँकेमा स्थानीय तहको निर्वाचनका लागि कर्मचारी र सुरक्षाकर्मीसहित करिब छ हजार २०० परिचालन भएका छन् ।

शुक्रवार हुने निर्वाचनका लागि जिल्लाका आठ पालिकामा निजामती र संस्थानका गरी दुई हजार २०० कर्मचारी र चार हजार बढी सुरक्षाकर्मी परिचालन गरिएको प्रमुख जिल्ला अधिकारी सूर्यबहादुर खत्रीले जानकारी दिए । बाँकेमा १३६ मतदान केन्द्र र ३७९ मतदानस्थल रहेका छन् ।

जिल्लाका १३६ मतदान केन्द्रमध्ये १०६ मतदान केन्द्र अत्यन्तै संवेदनशील भएको र ३० मतदान केन्द्र संवेदनशील रहेको सुरक्षा विश्लेषण गरी सोअनुरुप सुरक्षा प्रबन्ध मिलाइएको छ ।

सुरक्षाका लागि नेपाली सेना, सशस्त्र प्रहरी र नेपाल प्रहरीको छुट्टाछुट्टै सुरक्षा निकायलाई जिम्मेवारीअनुसार परिचालन गरिएको छ । प्रजिअ खत्रीले भारतसँग खुला सीमा जोडिएको जिल्ला भएकाले पनि यहाँको सुरक्षा संवेदनशीलतालाई ध्यानमा राखेर मतदान केन्द्रलाई अतिसंवेदनशील र संवेदनशिलको रूपमा वर्गीकरण गरी सुरक्षा प्रबन्ध मिलाएको उल्लेख गर्दै भारतसँग सीमा जोडिएका पालिकाको वडामा रहेका मतदान केन्द्र अत्यन्तै संवेदनशीलको रुपमा लिइएको बताए।

निर्वाचनलाई शान्तिपूर्ण रूपमा सम्पन्न गर्न नेपाल–भारत सीमा ७२ घण्टाका लागि बन्द गर्ने द्विपक्षीय सहमति भइसकेकाले यही वैशाख २७ गते राति १२ बजेदेखि ३० गते राति १२ बजेसम्मका लागि सीमाक्षेत्रबाट हुने आवागमन पूर्णरूपले बन्द गरिएको छ । एक उपमहानगरपालिका, एक नगरपालिका र छ गाउँपालिका रहेको जिल्लामा कूल तीन लाख २९ हजार ४७३ ले मतदानमा भाग लिँदै छन् ।

सुर्खेत। स्थानीय तहको निर्वाचन हुन दुई दिन बाँकी रहँदा सहर बजार खाली हुन थालेका छन्। स्थानीय तहका नयाँ जनप्रतिनिधि चुन्न नागरिकहरू सहर छाडेर गाउँतिर लागेका हुन्। सुर्खेतको वीरेन्द्रनगर बजारमा दुई दिनदेखि गाउँमा जानेको ताँती लागेको छ । कर्णालीका सबै बजार क्षेत्र र सदरमुकाम खाली हुन थालेका छन्।

सुर्खेतदेखि बाहिर जिल्लामा जानेकोख संख्या निकै वृद्धि भएको अहिले बस काउन्टरमा टिकट पाउन नै गाह्राे भएको सुर्खेत बसपार्कमा टिकट काउन्टरमा काम गर्ने अक्कल कार्कीले बताए । ‘गाउँ जानेको संख्या निकै वृद्धि भएको छ,’ उनले भने, ‘यात्रुको चाप बढी हुँदा यातायातको टिकट पाउन मुस्किल परेकाे छ।’

सहरमा रहेका मतदातालाई उम्मेदवारहरूले गाडी रिजर्भ गरेर गाउँगाउँ लैजाने गरेको सुर्खेत बसपार्कमा भेटिएका जुम्ला कनकासुन्दरी गाउँपालिकाका राजकुमार बुढाले बताए । ‘हाम्रो गाउँपालिकाका उम्मेदवारले गाडी रिजर्भ गरेका छन् रे,’ उनले भने, ‘त्यो गाडी कतिबेला आउँछ भनेर पर्खेर बसेको छु।’

मतदाताहरू गाउँगाउँमा जाँदा सुर्खेत बजारको व्यापार व्यवसायमा कमी आएको व्यापारी रामबहादुर मगरले बताए। ‘सुर्खेत बजारमा प्रायः पसल बन्द छन्,’ उनले भने,‘मतदाताहरू गाउँमा गएका कारणले व्यापारमा कमी आएकाे छ।’

निर्वाचन नजिकएपछि गाउँमा गाउँमा मानिसहरु भरिभराउ हुन थालेको र आ-आफ्नो पक्षमा मत माग्न थालेको कालीकोट नरहरिनाथ गाउँपालिका-९ लालुका रोहन बिष्टले बताए । ‘अहिले गाउँमा मानिसहरूकाे चहलपहल निकै बढेको छ,’ उनले भने, ‘मतदान गर्न बाहिरबाट आएका कारणले चहलपहल निकै बढेको छ।’


Last Updated on: May 15th, 2022 at 8:52 am
६० पटक हेरिएको

तपाईको प्रतिक्रिया