आइतबार १२ आषाढ २०७९

बर्दिया । बर्दियाको गुलरिया नगरपालिका ४ मा निर्वाचित भएको घोषणा गरिएको चार घण्टापछि पराजित भएको सूचना निकालिएको छ ।

एमालेबाट खुल्ला सदस्य पदमा निर्वाचित भएको घोषणा गरिएका अजमेर अली नाउ पराजित भएको सूचना निकालिएको हो । उनी निर्वाचित भएको थाहा पाएपछि समर्थकले खुसियाली मनाउँदै र्‍याली निकालेका थिए । विजय जुलुस निकालेको ४ घण्टापछि उनी पराजित भएको सूचना निर्वाचन कार्यालयले सार्वजनिक गर्दा एमाले समर्थक आक्रोशित भएका छन्।

उनको ठाउँमा कांग्रेसका इस्राइल नाउलाई निर्वाचित गराइएपछि आफ्नो बेइज्जती भएको ठहर अजमेरले गरेका छन्। यसबारे छलफल गर्न अहिले निर्वाचन कार्यालयमा सबै पक्षको बैठक बसिरहेको छ। एमालेले मतगणनामा लापरबाही भएको भन्दै मतगणनाका कर्मचारी फेर्न माग गरेको छ।

बालेनको नाउँमा २८ किलोको खसी बाजी राख्ने दुई युवक पक्राउ

काठमाडौं । काठमाडौं महानगरपालिकाको प्रमुखमा बालेन शाहको हारजितको विषयमा २८ किलोको खसी बाजी राख्ने खोटाङका दुई युवकलाई प्रहरीले पक्राउ गरेको छ।

खोटाङको दिक्तेल रुपाकोट मझुवागढी नगरपालिका– ५ रमेश खड्का र विजय फुयाललाई प्रहरीले सोमबार पक्राउ गरेको हो। उनीहरुले लिखित‍ कागज गरेर २८ किलोको खसी बाजी राखेको कागज सामाजिक सञ्जालमा छ्यालब्याल भएपछि प्रहरीले उनीहरुलाई पक्राउ गरेको हो।

खाेटाङ प्रहरीका अनुसार बाजी राखेका कारण युवकहरुलाई समातिएको हो। काठमाडौँ महानगरबाट बालेन शाहले अग्रता बनाउन थालेपछि खोटाङका यी दुई युवकले बाजी राखेका थिए।

काठमाडौं : भैरहवास्थित गौतमबुद्ध अन्तर्राष्ट्रिय विमानस्थलमा जजिरा एयरलाइन्सले अन्तराष्ट्रिय उडान गरेको छ। बुद्धपूर्णिमाकै दिन आज कुवेतबाट उडान भरेको हो।

जजिराले आफ्नो जहाजमार्फन यात्रु ल्याई सोमबार बिहान गौतमबुद्ध विमानस्थलमा अवतरण गरेको हो। यो सँगै मुलुककै दोस्रो अन्तर्राष्ट्रिय विमानस्थल औपचारिक रूपमा सञ्चालनमा आएको छ। नेपाल एयरलायन्सको न्यारोबडीले सोमबार नै व्यावसायिक उडान भर्दैछ।

गौतमबुद्ध विमानस्थल सञ्चालनमा आएपछि आपत्कालीन अवस्थामा जहाज भारत वा बंगलादेश डाइभर्ट गर्नुपर्ने अवस्थाको समेत अन्त्य हुने भएको छ। काठमाडौं बाहिर र मुलुकको दोस्रो अन्तर्राष्ट्रिय विमानस्थल गौतमबुद्ध अन्तर्राष्ट्रिय विमानस्थल सञ्चालनमा आएपछि यसले आर्थिक विकासमा समेत सहयोग पुग्ने अपेक्षा छ।

यहाँबाट उडान भर्न श्रीलंकन एयर, फ्लाई दुबई, थाई स्माइल, गल्फ एयर, ओमन एयर, कतार एयर, सलाम एयरलगायत ११ मुलुकका कम्पनीले पनि चासो देखाएका छन्। यसअघि जेठ १४ मा नेपाल वायुसेवा निगमकै वाइडबडी विमानले भैरहवास्थित गौतमबुद्ध अन्तर्राष्ट्रिय विमानस्थलमा डेमोस्ट्रेसन उडान गरेको थियो।

२०७४ साल जेठमै निर्माण सक्ने गरी सुरु भएको विमानस्थल निर्माणमा करिब ३० अर्ब खर्च भएको छ। तर, पहिलो म्याद सकिएको पाँच वर्षपछि मात्रै विमानस्थल सञ्चालनमा आएको हो।


Last Updated on: May 16th, 2022 at 7:25 pm
१२८ पटक हेरिएको

तपाईको प्रतिक्रिया