आइतबार १२ आषाढ २०७९

पछिल्लो एक महिनाको अवधिमा नेपालमा विपद्का घटनामा परी २६ जनाको मृत्यु भएको छ ।गृह मन्त्रालय अन्तर्गतको राष्ट्रिय आपतकालिन कार्यसञ्चालन केन्द्रका अनुसार २०७९ वैशाख १ गतेदेखि ३१ गतेसम्मको अवधिमा उनीहरूको मृत्यु भएको हो ।

वैशाख महिनामा ४०७ वटा विपद्का घटना रेकर्ड भएको केन्द्रले जनाएको छ । ती घटनामा २६ जनाको मृत्यु र ८९ जना घाइते भएका थिए ।विपद्का घटनाका कारण पछिल्लो एक महिनामा देशभर ५४५ परिवार प्रभावित भएका छन् । विपद्का घटनाले १९९ घरमा आंशिक र १८६ घरमा पूर्ण क्षति गरेको केन्द्रले जनाएको छ ।

विपद्का घटनामध्ये आगलागीमा परी १३, चट्याङ लागेर ७, हावाहुरीका कारण २, जनावरको आक्रमणबाट २, पहिरो परी १ र सर्पको टोकाइबाट १ जनाको मृत्यु भएको छ ।विपद्का घटनाबाट वैशाख महिनामा मात्र ३१ करोड ६४ लाख ११ हजार १०० रुपैयाँ बराबरको आर्थिक क्षति भएको केन्द्रले बताएको छ । सबैभन्दा ठूलो आर्थिक क्षति आगलागीका घटनाले ३० करोड रुपैयाँभन्दा बढीको गरेको छ ।

विपद्का घटनाले नेपालमा वर्षेनी सयौंको ज्यान लिने गरेको छ भने करोडौं रुपैयाँ बराबरको आर्थिक क्षति गर्ने गरेको छ । केन्द्रका अनुसार गत वर्ष २०७८ सालमा विपद्का ३ हजार ९१५ घटनामा ५०८ जनाले ज्यान गुमाएका थिए भने ७७ जना वेपत्ता रहेका छन् ।गतवर्ष विपद्का घटनामा परी १ हजार ७८३ जना घाइते भएका थिए । विपद्का घटनाले २०७८ सालमा २ अर्ब ६१ करोड रुपैयाँभन्दा बढीको आर्थिक क्षति गरेको थियो ।

काठमाडौं : भैरहवास्थित गौतमबुद्ध अन्तर्राष्ट्रिय विमानस्थलमा जजिरा एयरलाइन्सले अन्तराष्ट्रिय उडान गरेको छ। बुद्धपूर्णिमाकै दिन आज कुवेतबाट उडान भरेको हो।

जजिराले आफ्नो जहाजमार्फन यात्रु ल्याई सोमबार बिहान गौतमबुद्ध विमानस्थलमा अवतरण गरेको हो। यो सँगै मुलुककै दोस्रो अन्तर्राष्ट्रिय विमानस्थल औपचारिक रूपमा सञ्चालनमा आएको छ। नेपाल एयरलायन्सको न्यारोबडीले सोमबार नै व्यावसायिक उडान भर्दैछ।

गौतमबुद्ध विमानस्थल सञ्चालनमा आएपछि आपत्कालीन अवस्थामा जहाज भारत वा बंगलादेश डाइभर्ट गर्नुपर्ने अवस्थाको समेत अन्त्य हुने भएको छ। काठमाडौं बाहिर र मुलुकको दोस्रो अन्तर्राष्ट्रिय विमानस्थल गौतमबुद्ध अन्तर्राष्ट्रिय विमानस्थल सञ्चालनमा आएपछि यसले आर्थिक विकासमा समेत सहयोग पुग्ने अपेक्षा छ।

यहाँबाट उडान भर्न श्रीलंकन एयर, फ्लाई दुबई, थाई स्माइल, गल्फ एयर, ओमन एयर, कतार एयर, सलाम एयरलगायत ११ मुलुकका कम्पनीले पनि चासो देखाएका छन्। यसअघि जेठ १४ मा नेपाल वायुसेवा निगमकै वाइडबडी विमानले भैरहवास्थित गौतमबुद्ध अन्तर्राष्ट्रिय विमानस्थलमा डेमोस्ट्रेसन उडान गरेको थियो।

२०७४ साल जेठमै निर्माण सक्ने गरी सुरु भएको विमानस्थल निर्माणमा करिब ३० अर्ब खर्च भएको छ। तर, पहिलो म्याद सकिएको पाँच वर्षपछि मात्रै विमानस्थल सञ्चालनमा आएको हो।

काठमाडौं । २५ सय ६६ औं बुद्ध जयन्ती आज (साेमबार) विभिन्न कार्यक्रम गरि मनाइदै छ ।

लुम्बिनीमा ईसापूर्व ५४३ अर्थात् २५६६ वर्षअघि सिद्धार्थ गौतमको जन्म वैशाख शुक्ल पूर्णिमाकै दिनमा भएको थियो । यसै दिन उहाँले ज्ञान प्राप्त गर्नुभएको थियो भने महापरिनिर्वाण पनि यसै दिन प्राप्त गर्नुभएको थियो । राजा शुद्धोधन र रानी मायादेवीको सुपुत्रका रुपमा जन्मिएका सिद्धार्थ २९ वर्षको उमेरमा घरबार र दरवार त्यागी ज्ञानको खोजीमा लाग्नुभयो ।

६ वर्षको ध्यानपछि ३५ वर्षको उमेरमा भारतको बोधगयामा वैशाख शुक्ल पूर्णिमाकै दिन सिद्धार्थ गौतमलाई बुद्धत्व प्राप्त भएपछि भगवान् बुद्धका रुपमा उहाँले प्रसिद्धि पाउनुभयो । वैशाख शुक्ल पूर्णिमामा हिन्दू र बौद्ध दुवै धर्मावलम्बीले बुद्धको पूजा गरी बुद्ध जयन्ती मनाउने चलन छ ।

कोरोना महामारीबाट बच्न जारी निषेधाज्ञाका कारण बौद्ध धर्मावलम्बीले चैत्य, गुम्बा, विहार लगायत स्थलमा सीमित बौद्ध धर्मगुरु मात्र बसेर परम्परादेखि हुँदै आएको पूजा लगायत विधि मात्र पूरा गरिने जनाइएको छ ।

गत वर्ष पनि लकडाउन जारी गरिएकाले बुद्ध जयन्ती घरघर एवं चैत्य, गुम्बा, बिहारलगायत स्थलमा निश्चित धर्मगुरुमात्र जम्मा भएर पूजा आराधना गरिएको थियो ।


Last Updated on: May 17th, 2022 at 4:18 pm
४७२ पटक हेरिएको

तपाईको प्रतिक्रिया