आइतबार १२ आषाढ २०७९

काठमाडौं । हालै एक अमेरिकी सेना अधिकारीले पूर्वी लद्दाख क्षेत्रको वातावरण तातेको बयान दिएका छन् । यो बयानपछि चीनले सीमापार आफ्नो लडाकु विमानको संख्या बढाएको खबर आएको छ । चीनले भारतीय भूभाग नजिक रहेको आफ्नो मुख्य सैन्य आधारमा लडाकु विमानको संख्या दोब्बर गरेको छ।

सीमा विवादका बेला चीनले आफ्नो सैन्य आधार होटानबाट हवाई सैन्य कारबाही गरिरहेको थियो । अहिले यस बेसमा २५ वटा लडाकु विमान तैनाथ भएको समाचार प्राप्त भएको छ । उच्च सरकारी स्रोतहरूले इन्डिया टुडेसँग यो जानकारी साझा गरेका छन्। लडाकु विमानको संख्या पहिलेको तैनाथीको तुलनामा धेरै रहेको बताइएको छ ।

भारतीय रक्षा एजेन्सीहरूले सीमापार गतिविधिहरूमा लगातार नजर राखिरहेका छन्। सेना जुनसुकै परिस्थितिको सामना गर्न तयार छ । चीनले हाल शेकमा नयाँ फाइटर एयरक्राफ्ट बेस निर्माण गरिरहेको छ । जसले गर्दा एलएसी नजिक चिनियाँ वायुसेनाको शक्ति बढाउन सकिन्छ।

द्वन्द्वको स्थितिमा भारतीय वायुसेना थप सक्रिय हुनसक्छ भन्ने चिनियाँहरूले महसुस गरेको हुनुपर्छ, त्यसैले नयाँ एयरबेसहरू निर्माण गरिरहेको भारतीय पक्षको विश्वास छ। चीनले लडाकु विमानहरूको परिचालन बढाउँदैछ ।

स्रोतका अनुसार चीनको पिपुल्स लिबरेशन आर्मी एयर फोर्सले हालै यस्तो एयरबेसलाई स्तरोन्नति गर्ने काम गरेको छ । विमानका लागि आश्रयस्थल बनाइएको छ । धावनमार्गको लम्बाइ बढाइएको छ । ठूलो संख्यामा चिनियाँ सैनिक तैनाथ गरिएको छ ।

भारतीय सेनाले तीनवटा चिनियाँ एयरबेसमा लगातार नजर राखेको छ। यी हुन् काश्गर, होतान र नगरीगुन्सा। यस बाहेक सिग्त्से, ल्हासा गोन्कर, निङ्ची सार र चम्दो पङ्टा एयरबेसहरू अनुगमन गरिनेछ।

काठमाडौं । आईसीसी यू–१९ महिला टी–ट्वान्टी विश्वकप एसिया छनोटको आफ्नो अन्तिम खेलमा नेपालले घरेलु टोली मलेसियालाई पराजित गरेको छ ।

युकेएम ओभलमा बिहीबार भएको खेलमा नेपालले मलेसियालाई २५ रनले पराजित गरेको हो ।

जितको लागि ८७ रनको विजयी लक्ष्य पछ्याएको मलेसियाले निर्धारित २० ओभरमा ४ विकेट गुमाउँदै ६१ रन मात्र बनायो ।

मलेसियाकी एल्सा हन्टरले सर्वाधिक २८ रन जोडिन् । अन्य ब्याटरले भने राम्रो प्रदर्शन गर्न सकेनन् ।

नेपालकी कृतिका मरासिनीले २ र मनिषा कुमारी उपाध्यायले १ विकेट लिईन् ।

यसअघि टस जितेर पहिले ब्याटिङ गरेको नेपालले २० ओभरमा ७ विकेट गुमाएर ८६ रन बनाएको थियो ।

नेपालका लागि अन्जली विश्वकर्माले सर्वाधिक ३३ रन बनाईन् । यस्तै आश्मा पुलामी मगरले २६, सृष्टि जैशी, सानु राजवंशी र अनु कडायतले समान ३र३ रन जोड्दा कप्तान कृतिका मरासिनीले १ रन जोडिन् ।

मलेसियाकी नुर डानिया अब्दुल सामदले २ तथा एलिस हुन्तरले एक विकेट लिइन् ।

यस जितसँगै नेपालले छनोटमा सुखद अन्त्य गरेको छ । नेपालले छनोटमा ६ अंक जोडेर तेस्रो स्थान हासिल गरेको छ भने मलेसियाले ५ खेलमा ४ अंक जोडेर चौंथो स्थानमा हासिल गरेको छ ।

काठमाडौं। प्रतिनिधिसभा र राष्ट्रियसभा सदस्य हुँदाहुँदै गैरसांसदलाई मन्त्री बनाउने होड चलेको छ। संविधानको धारा ७८ मा टेकेर ६ महिनासम्मका लागि गैरसांसदलाई मन्त्री बनाउने होड चलेको हो।

पछिल्लो पटक प्रधानमन्त्री शेरबहादुर देउवाले आइतबार गैरसांसद शेरबहादुर कुँवरलाई श्रम, रोजगार तथा सामाजिक सुरक्षामन्त्री नियक्तु गरे।

नेकपा (एकीकृत समाजवार्दी) पार्टीका अध्यक्ष माधवकुमार नेपालको सिफारिसको आधारमा प्रधानमन्त्री देउवाले कुँवरलाई मन्त्री नियुक्त गरेका हुन्। नेपालकै सिफारिसमा यसअघि २४ चैतमा गोविन्दप्रसाद शर्मा (बन्दी) कानुन, न्याय तथा संसदीय मामिलामन्त्री नियुक्त भए।

वरिष्ठ अधिवक्ता बन्दी प्रतिनिधिसभा विघटनविरुद्ध सर्वोच्च अदालतमा १० जेठमा दायर रिटको पक्षबाट बहस गर्नेमध्येका एक जना कानुन व्यवसायी हुन्। अन्ततः २९ असार २०७८ मा बन्दीसहितले बहस गरेका मुद्दाको पक्षले जितेपछि गठित देउवा सरकारमा बन्दी पनि मन्त्री हुन सफल भए।

उनलाई मुद्दा जिताएवापत ‘मन्त्री’ उपहार दिइएको रुपमा अहिले पनि चर्चा हुने गरेको छ। त्यसअघि २२ असोज २०७८ मा देउवाले कांग्रेस पृष्ठभूमि भएका गजेन्द्रबहादुर हमाललाई उद्योगमन्त्री नियुक्त गरेका थिए।

नातामा उनी प्रधानन्यायाधीश चोलेन्द्रशम्शेर जबराका जेठान हुन्। जबराले कार्यपालिकासँग साँठगाँठ गर्दै जेठान हमाललाई मन्त्री बनाउन सिफारिस गरेको अझैसम्म चर्चा हुने गरेको छ । तर, सर्वत्र विरोध भएपछि हमालले २ दिनमै राजीनामा दिए। हाल बन्दी र कुँवर मन्त्री छन्।

संविधानविद्हरूले संविधानको धारा ७८ मा सांसद नभएका व्यक्तिलाई पनि मन्त्री बनाउन पाइने व्यवस्थालाई स्वार्थ पूर्ती गर्न प्रयोग गरेको भन्दै बारम्बार आलोचना गर्दै आएका छन्। तर, संविधान, विधि र लोकतन्त्रको पक्षमा रहेको बताउने सरकारले २२ असोज २०७८ यता तीन जना गैरसांसदलाई मन्त्री नियुक्त गरेको हो।

त्यसअघि तत्कालीन प्रधानमन्त्री केपी शर्मा ओलीले पनि पटकपटक गैरसांसदलाई मन्त्री नियुक्त गरिरहे। ७ जेठ २०७८ मा माओवादी परित्याग गरेका रामबहादुर थापालाई गृह, टोपबहादुर रायमाझीलाई ऊर्जा, लेखराज भट्टलाई उद्योग, प्रभु साहलाई शहरी, गौरीशंकर चौधरीलाई श्रम तथा, दावा लामा तामाङलाई युवा तथा खेलकुद र मणिचन्द्र थापालाई खानेपानीमन्त्री नियुक्त गरे।

दावा र मणिचन्द्रबाहेककाहरू पहिले सांसद थिए। तर, उनीहरूलाई माओवादीको सिफारिसमा संसद् सचिवालयले पदमुक्त गरेको थियो। माओवादीले डन्डा चलाए पनि ओलीले उनीहरूलाई मन्त्री पद उपहार दिएका थिए।

त्यसअघि अघि ओलीले राष्ट्रियसभा सदस्यको कार्यकाल पूरा भएपछि गैरसांसद भएका डा. युवराज खतिवडालाई पनि मन्त्री बनाएका थिए। प्रतिनिधिसभाको पाँच वर्षे कार्यकालमध्ये साढे चार वर्ष बित्दासम्म १० जना गैरसांसद मन्त्री भएको पाइएको छ । त्यसमध्ये देउवाले तीन र सात जना गैरसासदलाई मन्त्री बनाएका हुन्।


Last Updated on: June 11th, 2022 at 1:51 pm
७१ पटक हेरिएको

तपाईको प्रतिक्रिया