सोमबार २३ साउन २०७९

जोमसोम : मुस्ताङको वारागुङ मुक्तिक्षेत्र-३ तेताङको प्याङ लेकमा भेटिएको बम डिस्पोज गरिएको छ।

बुधबार इलाका प्रहरी कार्यालय छुसाङको प्रहरी टोलीले सो स्थानमा संकास्पद वस्तु देखेपछि नारायण दल गण जोमसोमबाट करिब २५ जनाको बम डिस्पोजल टोली तेताङ लेकमा गएको थियो।

प्रमुख जिल्ला अधिकारी नेत्रप्रसाद शर्माका अनुसार डिस्पोजल टोलीले शुक्रबार नै बम डिस्पोज गरेको छ। बम पुरानो भएको र पुरै खिया लागेको अवस्थामा पाइएको थियो।

मंगलबार साँझ करिव ५ बजेको समयमा वारागुङ मुक्तिक्षेत्रको तेताङ स्थित प्याङ लेकमा म्याग्दीका ४ जना युवा संकास्पद वस्तु पड्किएर घाइते भएका थिए।

लेकमा बन्दोबस्तीका सामाना लिएर डेढ महिना अघिदेखि जिम्बु टिप्दै गरेका युवाहरूले त्यहाँको ओढार मुनि ढुङ्गामा करिब एक दर्जन संकास्पद वस्तु देखेका थिए। जसमध्ये उनीहरूले ३ वटा संकास्पद वस्तु आफू बसेको ठाउँ लिएर आइ के रहेछ भनी खोली हेर्दा अचानक सो वस्तु पड्किएको थियो।

संकास्पद वस्तु पड्किएर म्याग्दीको मालिका गाउँपालिका-३ का २२ वर्षीय रेस रोक्कामगर, १९ वर्षीय टिका बुढामगर,२५ वर्षीय तेजेन्द्र रोक्कामगर र २५ वर्षीय दिलिप रोक्कामगर घाइते भएका थिए। घाइते जिम्बु टिप्ने युवाहरूलाई जोमसोममा सामान्य उपचारपछि थप उपचारका लागि बुधबार पोखरा लगिएको थियो।

जिम्बु खोज्ने क्रममा संकास्पद वस्तु पड्किएर घाइते भएका मध्ये २५ वर्षीय तेजेन्द्र रोक्कामगरको दुबैतर्फको हातको औलामा क्षति पुगेको थियो। उनको बाँयातर्फको हातको ३ वटा औलासमेत नरहेको अस्पतालले जनाएको छ। रेश रोक्कागमरको दुबै खुट्टाको घुडाँको तलको भाग जलेको थियो। यस्तै,टिका बुढामगरको गर्दन र बाँया खुट्टा जलेको थियो भने दिलिप रोक्कामगरको अनुहारदेखि तलसम्मको भाग जलेको थियो।

बेसीशहर नगरपालिकाले आर्थिक वर्ष ०७८/०७९ मा करिब ६ करोड राजश्व संकलन गरेको छ । २०७८ साउनदेखि ०७९ असार मसान्तसम्म नगरपालिकाले विभिन्न शिर्षकमा कुल ५ करोड ७९ लाख ३२ हजार नौ सय ३४ रुपैया राजश्व संकलन गरेको हो ।

गत आर्थिक वर्षमा नगरपालिकाको आन्तरिक आयतर्फ सम्पत्ति कर ३२ लाख ६५ हजार सात सय ४२ रुपैयाँ संकलन भएको नगरपालिका राजश्व शाखा अधिकृत शुशिला श्रेष्ठले जानकारी दिइन् । राजश्व आम्दानी हुने मुख्य शिर्षकहरू मध्ये घरबहाल कर ५५ लाख २३ हजार ४ सय १७ रुपैयाँ संकलन भएको छ । नगरपालिकाले गत वर्ष ३० लाख घर वहाल कर संकलनको अनुमानित लक्ष्य लिएकोमा लक्ष्यभन्दा ४० प्रतिशत बढी व्यवसाय कर संकलन भएको श्रेष्ठले बताइन् ।

यसैगरी भूमि तथा मालपोत कर ३१ लाख ६० हजार आठ सय ५१, नक्सापास दस्तुर २१ लाख ६६ हजार चार सय ७६, सिफारिस दस्तुर ३१ लाख ६७ हजार ६ सय १५, अन्य प्रशासनिक सेवा शुल्कबाट १६ लाख ६८ हजार दुई सय ४९ रुपैयाँ राजश्व संकलन भएको छ ।

सरकारी सम्पत्तिको बहालबाट प्राप्त आय ११ लाख ५३ हजार ५८ रुपैया छ भने व्यवसाय कर २० लाख ७३ हजार १ सय ५० रुपैयाँ प्राप्त भएको छ ।नगरपालिकाले प्राकृतिक श्रोत बाँडफाँट उपयोग कर मात्र २ करोड ९८ लाख ५२ हजार दुई २१ रुपैया संकलन गरेकोको संकलित कर मध्ये ६० प्रतिशत उपयोग गर्न पाउने प्रावधानअनुसार एक करोड ७९ लाख ११ हजार ३ सय ७५ रुपैया मात्र पालिकाको राजश्व आम्दानीमा समावेश भएको छ ।

यस्तै नगरपालिकाले घरजग्गा रजिष्ट्रेशन दस्तुर ६९ लाख ४३ लाख दुई सय चार र प्रदेश राजश्वतर्फ सवारीसाधन कर ८० लाख ६५ हजार तीन सय ३० रुपैयाँ प्राप्त गरेको छ ।

सोबाहेक आन्तरिक आयतर्फ न्यायिक दस्तुर, नाता प्रमाणित, व्यक्तिगत घटना दर्ता, वहाल विरौटी कर, पटके तथा साना सवारीसाधान कर, प्रशासनिक दण्ड जरिवाना र जफत, पार्किङ शुल्क, विज्ञापन कर लगायतका अन्य विविध शिर्षकमा राजश्व संकलन भएको नगरपालिकाले जनाएको छ ।

गत आर्थिक वर्षमा बेसीशहर नगरपालिकाले प्रदेश र घरजग्गा रजिष्ट्रेशन (स्थानीय) गरी कुल पाँच करोड ७० लाख ७३ हजार राजश्व संकलन गर्ने लक्ष्य राखेको थियो । लक्ष्यभन्दा करिब ९ लाख बढी राजश्व संकलन संकलन भएको छ ।

नगरपालिकाको आन्तरिक आयतर्फ अधिकांश शिर्षकमा अनुमानित लक्ष्यभन्दा धेरै राजश्व आम्दानी भए पनि मालपोत कर, प्रदेश राजश्व आम्दानी अनुमान गरेअनुसार नभएको नगरपालिकाले जनाएको छ ।

आन्तरिक आयको क्षेत्र पहिचानका साथै क्षमताको आधारमा सबैलाई करको दायरामा ल्याउन प्रयासरत रहेको नगपालिकाले आर्थिक ऐन २०७९ पारित गरी १ साउनबाट लागुसमेत गरेको छ । उक्त ऐनमा करसम्बन्धी व्यवस्था तथा विभिन्न शिर्षकमा करको दर रेट उल्लेख गरिएको छ । एने बमोजिम कर तिर्ने दायित्व भएका व्यक्ति वा सस्थालाई कुनै पनि किसिमको कर छुट नदिनेसमेत उल्लेख छ ।

बेसीशहर नगरपालिकाले चालु आर्थिक वर्ष ०७९/८० मा ६ करोड ६८ लाख ८९ हजार राजश्व आम्दानीको अनुमानित लक्ष्य राखेको छ ।


Last Updated on: August 6th, 2022 at 4:50 pm
८२ पटक हेरिएको

तपाईको प्रतिक्रिया