सोमबार १० आश्विन २०७९

काठमाडौँ :

फिल्म ‘प्रेमगीत ३’को हिन्दी संस्करणको टिजर ट्रेलर रिलिज भएको छ । टिजरले मुख्य पात्र प्रेम (प्रदीप खड्का)को चरित्रले गीत वा राजगद्दीमध्ये एक चुन्नुपर्ने बाध्यतालाई दर्शाइएको छ ।भारतीय फिल्म समीक्षकहरुले शनिबार बिहानै सामाजिक सञ्जालमार्फत टिजर सार्वजनिक गरेका हुन् ।

टिजरमा प्रेम र रोमान्सका दृश्यभन्दा द्वन्द्वलाई प्राथमिकता दिएको छ । टिजरमा हिउँले भरिएको मुस्ताङी दृश्य देखाइएको छ । १ मिनेट लामो टिजरमा प्रदीप छाएका छन् । टिजरमा प्रदीपबाहेक कृष्टिना गुरुङ, शिव श्रेष्ठ, मनिष राउत, सुनिल थापा, लक्ष्मी बर्देवा आदि पनि अटाएका छन् ।

छेतेन गुरुङ र सन्तोष सेन निर्देशित फिल्म नेपाल र भारतमा असोज ७ गते रिलिज तयारी छ । । ट्रेलर ५ दिनपछि सार्वजनिक हुने निर्माण टिमले जनाएको छ । फिल्मलार्ई हिन्दीमा डबिङ गरेर हलमा प्रदर्शन गर्न लागेको पहिलो फिल्मको रुपमा प्रचारप्रसार सुरु गरिसकेको छ ।

बैतडी । भम्ता-खोरडा मुख्यमन्त्री नमुना कृषि गाउँमा भएको अनियमितताको ढाकछोप गर्न रातारात संरचना दुरुस्त पार्ने र जग्गा आवादी रहेको देखाउने प्रयास गरिएको छ । तर चार दिनको प्रयासमा पनि ढाकछोपको कार्य पूरा भएको छैन ।

बैतडीको मेलौली नगरपालिका–८, कोटीगाउँको भम्ता–खोरडा मुख्यमन्त्री नमुना कृषि गाउँ तीन वर्षदेखि बाँझो रहेको र आर्थिक अनियमितता भएको विषयमा बिभिन मिडियामा समाचार प्रकाशित भएको थियो ।

त्यसको भोलिपल्ट नै सुदूरपश्चिम प्रदेशका मुख्यमन्त्री त्रिलोचन भट्टले अनियमितताको छानबिन गर्न भूमि व्यवस्था तथा कृषिमन्त्री विनिता चौधरीलाई निर्देशन दिएका थिए ।

मन्त्री चौधरीले पनि कृषि ज्ञानकेन्द्र बैतडीलाई स्थलगत अनुमगन गरेर प्रतिवेदन पेस गर्न निर्देशन दिएपछि बिहीबार कृषि ज्ञान केन्द्रका निमित्त प्रमुख गोपालदत्त भट्टलगायतको टोलीले स्थलगत अनुगमन गर्दा नमुना गाउँ दुरुस्त गराउने प्रयास भइरहेको पाइएको थियो ।

बैतडी सदरमुकामबाट करिब छ घण्टा गाडीमा र दुई घण्टा पैदल यात्रापछि पुगिने दुर्गम भम्ता खोरडा मुख्यमन्त्री नमुना कृषि गाउँ पुग्दा खिया लागेका फलामका खम्बामा धमाधम पाल ओढाउने काम भइरहेको थियो ।

कृषि ज्ञानकेन्द्र बैतडीका कार्यालय प्रमुख र सञ्चारकर्मीलगायतको टोली आउने थाहा भएपछि जग्गा खनजोत गरिएको र भौतिक संरचना पनि दुरुस्त बनाउने प्रयास गरिएको हो। अनुगमन हुने हल्ला चलेपछि छ हल गोरु लगाई रातारात जोतेर झार उखेलेको कृषि समूहका सचिव धनीराम लोहारले बताए ।

अनुगमन हुने भएपछि निकै कष्ट गरेर बाँझो खेतको झार उखेलेर पोलिहाउसमा कागज ओढाउने काम चलिरहेको छ । लिफ्ट सिँचाइ र तरकारी खेतीका लागि तीन आर्थिक वर्षमा कृषि ज्ञान केन्द्र र सिँचाइ डिभिजन कार्यालय पाटन बैतडीबाट दुई करोड ४३ लाख रुपियाँ खर्च भए पनि तरकारी खेती हुनु त कता हो कता खरिद गरिएका कृषि सामग्रीसमेत अलपत्र परेको समाचार आएको थियो ।

कृषि ज्ञान केन्द्रबाट मुख्यमन्त्री नमुना कृषि कार्यक्रम सञ्चालन हुने बेलामा स्थानीय कुलोबाट सिँचाइ गरेर सुरुको वर्ष तरकारी फलाए पनि बाढीले कुलो बगाएपछि खेत बाँझो रहेको लोहरले दाबी गरे । कुलोबाट सिँचाइ हुने बेलामा पनि तरकारी फलाएर आम्दानी भएको समूहसँग कुनै अभिलेख भने छैन ।

मुख्यमन्त्री नमुना कृषि गाउँ बनाउन कृषि ज्ञानकेन्द्र बैतडीमार्फत आर्थिक वर्ष २०७६/७७ मा ५० लाख, २०७७/७८ मा ५० लाख र २०७८/७९ मा पाँच लाख गरेर एक करोड पाँच लाख रुपियाँ खर्च गरेर कार्यक्रम सम्पन्न भएको कागज बनाइएको थियो । त्यस्तै लिफ्ट सिँचाइका लागि सिँचाइ डिभिजन कार्यालय पाटन, बैतडीबाट आव २०७६/७७ मा ७२ लाख, २०७७/७८ मा ३६ लाख, २०७८/७९ मा ३० लाख र चालू आव २०७९/८० मा थप २० लाख रुपियाँ बजेट आए पनि काम पूरा नभएको सिँचाइ उपभोक्ता समितिका अध्यक्ष बहादुरसिंह ठगुन्नाले बताए ।


Last Updated on: August 13th, 2022 at 2:12 pm
९२ पटक हेरिएको

तपाईको प्रतिक्रिया