सोमबार १० आश्विन २०७९

काठमाडौं । गरिबीका कारण आमा छोरी दयनीय जीवन बिताउन बाध्य छन् । उनीहरुको विवशता यो कुराले पनि बुझ्न सकिन्छ कि भोक नलागोस् भनेर आमा छोरी दुबैले पेटमा इँटा बाँधेका छन् । दुवै आफ्नो मिर्गौला बेच्न तयार छन् । पाकिस्तानको लाहोरमा बस्ने यी आमा छोरीको भिडियो युट्युबमा भाइरल भइरहेको छ ।

हालै पाकिस्तानी युट्युबर सैयद बासित अलीले यस परिवारसँग कुरा गरे। जब सैयद आमा र छोरीसँग कुरा गर्दै थिए, दुवै धेरै पटक रोए। सैयदले परिवारको आर्थिक अवस्था पनि देखाएका छन् । घरमा भाँडाकुँडा खाली थिए । खानलाई केही नभएकाले आमा छोरी दुवैले पेटमा इँटा बाँधेर बसेको सैयदले बताए । उनले छिमेकीहरूबाट यस परिवारको बारेमा जानकारी पाएका हुन् ।

महिलाले सैयद बसितलाई आफू बिरामी भइरहने बताइन् । उनले आफू सेतो मोतियाबिन्दुबाट पीडित भएको बताइन् । उनकी छोरीले जागिर पाएकी थिइन् तर उनी कामका लागि जहाँ गए पनि मानिसहरूले गलत नजरले हेरे । त्यसपछि उनीहरूले भोक सहने तर कुनै गलत काम नगर्ने सोच बनाए ।

महिलाले छोरीको इन्गेजमेन्ट भइसकेको तर बिहे गर्ने पैसा नभएको बताइन् । भिडियोमा आमा छोरीले मिर्गौला बेच्न पनि तयार रहेको बताएका छन् । ताकि उनीहरूले आफ्नो परिवारको लागि केहि पैसाको व्यवस्था गर्न सकुन् ।

सैयद बासितले भिडियोमा तीन दिनदेखि परिवारले खाना नपाएको बताएका छन् । महिलाले इँटा बाँध्नुको कारण पनि बताइन् । उनले भनिन्- ‘भोक लाग्दैन, त्यसैले यस्तो गरेको हो।’ यति भन्दै ती महिला रोइन् । छोरा पनि जवान भए पनि जागिर नपाएको महिलाले बताइन् ।

भिडियोमा कुरा गर्दा महिला धेरै पटक भक्कानिइन् । पाकिस्तानमा नयाँ सरकार आएपछि अवस्था झन् बिग्रिएको महिलाले बताइन् । इमरान खानको सरकारमा अवस्था अझै राम्रो थियो। भिडियोमा महिलाले आफ्नी छोरीको विवाहलाई लिएर निकै चिन्तित रहेको बताएकी छिन् ।

प्रतिक्रिया

पोखरा,गण्डकी प्रदेशका २६ नगरपालिकामध्ये १३ नगरपालिकाका मेयर र उपमेयरले निर्वाचन खर्च नबुझाएको भेटिएको छ । निर्वाचन आचार संहिता अनुसार उनीहरुले निर्वाचित भएको १ महिनाभित्र खर्च विवरण बुझाउनुपर्ने हो । तर १३ जना मेयर र १३ उपमेयरले विवरण बुझाएका छैनन् ।

यस्तै, नगरपालिका तर्फ मेयरका पराजीत ९६ उम्मेद्वार र उपमेयरका पराजीत ६४ जना उम्मेद्वारले पनि खर्च विवरण बुझाउन बाँकी रहेको निर्वाचन आयोगले जनाएको छ । नवलपुरका सबै नगरपालिकाका मेयर र उपमेयर कारबाहीमा परेका छन् ।

कारबाहीमा परेका सबैलाई ४ लाख ५० हजार जरिवाना तोकिएको छ । आयोगका अनुसार गोरखा नगरपालिकाका २ जना प्रमुख र २ जना उपप्रमुख तथा पालुङटार नगरपालिकाका ७ प्रमुख र १ उपप्रमुखका उम्मेद्वारलाई कारबाही भएको छ ।

बेशीसहरका निर्वाचित मेयर गुमानसिंह अर्याल र उपमेयर पद्या गुरुङ सहित मेयरका ४ उम्मेद्वार र उपमेयरका ३ उम्मेद्वारले जरिवाना तिर्नुपर्ने भएको छ । मध्येनेपाल नगरपालिकाका मेयर रमेश पाण्डे र उपमेयर सीता गुरुङ सहित ६ प्रमुख र ५ उपप्रमुखका उम्मेद्वार कारबाहीमा परेका छन् भने राइनासका निर्वाचित मेयर खड्कबहादुर गुरुङ र उपमेयर पुष्पराज खनाल सहित ५ प्रमुख र ४ उपप्रमुख कारबाहीमा छन् ।

सुन्दरबजारको ३ मेयर र ४ उपमेयरका उम्मेद्वार कारबाहीमा परे । उनीहरु सबै पराजीत भएका हुन् । कुश्माका ३ मेयर र ३ उपमेयर उम्मेद्वारले खर्च विवरण सार्वजनिक गरेका छैनन् । फलेवासका ५ मेयरका उम्मेद्वार र १ उपमेयरका उम्मेद्वार पनि कारबाहीमा परेका छन् ।

गल्याङ नगरपालिकाका २ मेयर र ३ उपमेयर उम्मेद्वार कारबाहीमा छन् भने चापाकोटमा निर्वाचित मेयर देवबहादुर खाँड र उपमेयर इशा राना सहित २ प्रमुख र ३ उपप्रमुखले जरिवाना तिर्नुपर्ने भएको छ । पुतलीबजारमा उपमेयर उम्मेद्वार एकजना कारबाहीमा परे । भीरकोटमा निर्वाचित मेयर गोविन्द कर्माचार्य र उपमेयर भगवती रेग्मीले खर्च विवरण दिएका छैनन् । मेयर उम्मेद्वार नरभुपाल दमाई पनि कारबाहीमा परेका छन् ।

वालिङका २ मेयर तथा १ उपमेयर, बेनीमा २ मेयर र ३ उपमेयर उम्मेद्वार, गल्कोटमा ४ मेयर र १ उपमेयर, जैमिनीमा २ प्रमुख र १ उपप्रमुख तथा ढोरपाटनका २ प्रमुख र १ उपप्रमुखलाई कारबाही भएको छ । बागलुङ नगरपालिकाका मेयर बसन्तकुमार श्रेष्ठ र उपमेयर राजु खड्का सहित ४ प्रमुखका उम्मेद्वार र ३ उपप्रमुखका उम्मेद्वारलाई जनही ४ लाख ५० हजार जरिवाना तोकिएको छ ।

कावासोतीमा निर्वाचित विष्णु भुषाल र उपमेयर फूलकुमारी थनेत सहित मेयरका ९ उम्मेद्वार र उपप्रमुखका ४ उम्मेद्वारले जरिवाना तिर्नुपर्ने भएको छ । गैंडाकोटका मेयर मदनभक्त अधिकारी र उपमेयर शान्ति कोइराला सहित मेयरका ५ उम्मेद्वार र उपमेयरका ५ उम्मेद्वारलाई कारबाही भएको छ । देवचुलीका हरि न्यौपाने र उपप्रमुख पार्वता तिवारी सहित मेयरका ८ उम्मेद्वार र उपमेयरका ६ उम्मेद्वार तथा मध्येविन्दु नगरपालिकाका मेयर भीमलाल अधिकारी र उपमेयर पूर्णकला चौधरी सहित मेयरमा १० र उपमेयरमा उम्मेद्वारी दिएका ६ जना कारबाहीमा परे ।

तनहुँ स्थित भानुका मेयर आनन्दराज त्रिपाठी र उपमेयर उमा गोतामे सहित मेयरमा ५ र उपमेयरमा ५ जनालाई कारबाही भएको छ भने भीमादका मेयर दधिराज सुवेदी र उपमेयर शारदा खनाल सहित मेयरमा ५ र उपमेयरमा ४ जनाको खर्च विवरण बुझाउन बाँकी छ । व्यास नगरपालिकामा ५ प्रमुख र १ उपप्रमुख उम्ेमद्वार र शुक्लागण्डकीमा मेयर कृष्णराज पण्डित र उपमेयर खुमबहादुर विक सहित मेयरमा ५ र उपमेयरमा ४ जनाले खर्च विवरण दिएका छैनन् ।


Last Updated on: September 20th, 2022 at 2:31 pm
३२७ पटक हेरिएको

तपाईको प्रतिक्रिया