सोमबार १० आश्विन २०७९

काठमाडौं ।

पछिल्ला दिनमा काठमाडौं महानगरपालिकाका मेयर बालेन शाह अनाधिकृत संरचना धमाधम हटाउने अभियानमा लागेका छन् । जसअन्र्तगत उनी बिहिबार वीर अस्पताल क्षेत्र वरपर बनेका अनधिकृत संरचना हटाउन पुगेका छन् ।

काठमाडौं महानगरपालिकाका अनुसार आज अस्पतालको भवनदेखि उत्तर तर्फ रहेका अनधिकृत संरचना डोजर लगाएर हटाउन सुरु गरिएको हो ।

काठमाडौं महानगरपालिकाले यसअघि सूचना नै सूचना जारी गरेर सामान सुरक्षीत स्थानमा सार्न अपिल गरेको थियो । डोजर चलाउनु अघिसम्म सो क्षेत्रका टहराहरु अटेर गरेर हटाइएको थिएन । सो क्षेत्रमा औषधि लगायतका पसलहरु सञ्चालनमा छन् ।

काठमाडौं महानगरपालिका मेयर बालेन शाहले नायक फिल्मको शैलीमा अनाधिकृत संरचना हटाउने अभियानलाई तिब्रता दिएका छन् । अजसअन्र्तगत शुक्रबार काठमाडौं महानगरपालिकाले नयाँबानेश्वर क्षेत्रका अनाधिकृत संरचना हटाउन डोजर चलाएको छ ।

सडक सीमा मिचेर बनेका ठूला ठूला महल र पसलहरु समेत हटाउन महानगरपालिकाले डोजर चलाएपछि अवैध संरचना निर्माण गर्ने ब्यक्तिहरुको भागाभागको अवस्था सिर्जना भएको छ ।

यसअघि भूमिगत पार्किङ र पफुटपाथ व्यापार हटाएको महानगरले काठमाडौँका अन्य स्थानका अनाधिकृत संरचनालाई हटाउने अभियानलाई निरन्तरता दिने बताएादै आएको छ ।

महनागरले बिहिबार जय नेपाल हलको पर्खाल खनेर टुकुचा खोलालाई समेत पत्ता लगाइसकेको अवस्था छ ।

पोखरा,

गण्डकी प्रदेशका २६ नगरपालिकामध्ये १३ नगरपालिकाका मेयर र उपमेयरले निर्वाचन खर्च नबुझाएको भेटिएको छ । निर्वाचन आचार संहिता अनुसार उनीहरुले निर्वाचित भएको १ महिनाभित्र खर्च विवरण बुझाउनुपर्ने हो । तर १३ जना मेयर र १३ उपमेयरले विवरण बुझाएका छैनन् ।

यस्तै, नगरपालिका तर्फ मेयरका पराजीत ९६ उम्मेद्वार र उपमेयरका पराजीत ६४ जना उम्मेद्वारले पनि खर्च विवरण बुझाउन बाँकी रहेको निर्वाचन आयोगले जनाएको छ । नवलपुरका सबै नगरपालिकाका मेयर र उपमेयर कारबाहीमा परेका छन् ।

कारबाहीमा परेका सबैलाई ४ लाख ५० हजार जरिवाना तोकिएको छ । आयोगका अनुसार गोरखा नगरपालिकाका २ जना प्रमुख र २ जना उपप्रमुख तथा पालुङटार नगरपालिकाका ७ प्रमुख र १ उपप्रमुखका उम्मेद्वारलाई कारबाही भएको छ ।

बेशीसहरका निर्वाचित मेयर गुमानसिंह अर्याल र उपमेयर पद्या गुरुङ सहित मेयरका ४ उम्मेद्वार र उपमेयरका ३ उम्मेद्वारले जरिवाना तिर्नुपर्ने भएको छ । मध्येनेपाल नगरपालिकाका मेयर रमेश पाण्डे र उपमेयर सीता गुरुङ सहित ६ प्रमुख र ५ उपप्रमुखका उम्मेद्वार कारबाहीमा परेका छन् भने राइनासका निर्वाचित मेयर खड्कबहादुर गुरुङ र उपमेयर पुष्पराज खनाल सहित ५ प्रमुख र ४ उपप्रमुख कारबाहीमा छन् ।

सुन्दरबजारको ३ मेयर र ४ उपमेयरका उम्मेद्वार कारबाहीमा परे । उनीहरु सबै पराजीत भएका हुन् । कुश्माका ३ मेयर र ३ उपमेयर उम्मेद्वारले खर्च विवरण सार्वजनिक गरेका छैनन् । फलेवासका ५ मेयरका उम्मेद्वार र १ उपमेयरका उम्मेद्वार पनि कारबाहीमा परेका छन् ।

गल्याङ नगरपालिकाका २ मेयर र ३ उपमेयर उम्मेद्वार कारबाहीमा छन् भने चापाकोटमा निर्वाचित मेयर देवबहादुर खाँड र उपमेयर इशा राना सहित २ प्रमुख र ३ उपप्रमुखले जरिवाना तिर्नुपर्ने भएको छ । पुतलीबजारमा उपमेयर उम्मेद्वार एकजना कारबाहीमा परे । भीरकोटमा निर्वाचित मेयर गोविन्द कर्माचार्य र उपमेयर भगवती रेग्मीले खर्च विवरण दिएका छैनन् । मेयर उम्मेद्वार नरभुपाल दमाई पनि कारबाहीमा परेका छन् ।

वालिङका २ मेयर तथा १ उपमेयर, बेनीमा २ मेयर र ३ उपमेयर उम्मेद्वार, गल्कोटमा ४ मेयर र १ उपमेयर, जैमिनीमा २ प्रमुख र १ उपप्रमुख तथा ढोरपाटनका २ प्रमुख र १ उपप्रमुखलाई कारबाही भएको छ । बागलुङ नगरपालिकाका मेयर बसन्तकुमार श्रेष्ठ र उपमेयर राजु खड्का सहित ४ प्रमुखका उम्मेद्वार र ३ उपप्रमुखका उम्मेद्वारलाई जनही ४ लाख ५० हजार जरिवाना तोकिएको छ ।

कावासोतीमा निर्वाचित विष्णु भुषाल र उपमेयर फूलकुमारी थनेत सहित मेयरका ९ उम्मेद्वार र उपप्रमुखका ४ उम्मेद्वारले जरिवाना तिर्नुपर्ने भएको छ । गैंडाकोटका मेयर मदनभक्त अधिकारी र उपमेयर शान्ति कोइराला सहित मेयरका ५ उम्मेद्वार र उपमेयरका ५ उम्मेद्वारलाई कारबाही भएको छ । देवचुलीका हरि न्यौपाने र उपप्रमुख पार्वता तिवारी सहित मेयरका ८ उम्मेद्वार र उपमेयरका ६ उम्मेद्वार तथा मध्येविन्दु नगरपालिकाका मेयर भीमलाल अधिकारी र उपमेयर पूर्णकला चौधरी सहित मेयरमा १० र उपमेयरमा उम्मेद्वारी दिएका ६ जना कारबाहीमा परे ।

तनहुँ स्थित भानुका मेयर आनन्दराज त्रिपाठी र उपमेयर उमा गोतामे सहित मेयरमा ५ र उपमेयरमा ५ जनालाई कारबाही भएको छ भने भीमादका मेयर दधिराज सुवेदी र उपमेयर शारदा खनाल सहित मेयरमा ५ र उपमेयरमा ४ जनाको खर्च विवरण बुझाउन बाँकी छ । व्यास नगरपालिकामा ५ प्रमुख र १ उपप्रमुख उम्ेमद्वार र शुक्लागण्डकीमा मेयर कृष्णराज पण्डित र उपमेयर खुमबहादुर विक सहित मेयरमा ५ र उपमेयरमा ४ जनाले खर्च विवरण दिएका छैनन् ।


Last Updated on: September 22nd, 2022 at 4:45 pm
४९ पटक हेरिएको

तपाईको प्रतिक्रिया