कालो चश्मा लाएर दीपाश्री र स्वास्तिमा धान रोप्न गएपछि….

कालो चश्मा लाएर दीपाश्री र स्वास्तिमा धान रोप्न गएपछि….
June 29, 2021 18
काठमाडौ । असार १५ आज नेपालभर धान दिवस मनाइँदैछ । नेपाली चलचित्रका कलाकारहरु पनि धान दिवसको अवसरमा विभिन्न स्थानमा पुगेर रोपाँइमा रमाइरहेका छन् । निर्देशक दीपाश्री निरौला र नायिका स्वस्तिमा खड्काले भक्तपुरमा पुगेर रोपाँई गरेका छन् । दीपाश्रीले धान रोप्दै गरेका तस्बिर सार्वजनिक गरेकी छन् । जसमा अर्की नायीका स्वस्तिमा खड्का पनि देखिन्छिन् ।

दीपाश्रीलाई फेसबुकमा पच्छ्याउने प्रायले दुबै कलाकारको चश्मामा जोड दिँदै प्रतिक्रिया जनाएका छन् । प्रेमेश नेपाल नामक प्रयोगकर्ताले व्यङ्ग्य गर्दै लेखेका छन्,’चश्मा लगाएर धान रोप्न जाने नमूना पनि देखियो।’ त्यस्तै नारायण दाहालले प्रश्न गरेका छन्,’फोटो खिच्नमात्र खेतमा जानेहरुको पोष्टले वास्तविक किसानहरुको अपमान भएजस्तो लाग्दैन र ?

केहीले भने ुकठै कपडामा हिलो लाग्ला है। विचार गरौं, कलाकार महोदयहरू भन्दै व्यङ्ग्य गरेका छन्। उनीहरू भक्तपुरमा रास्ट्रिय युवा संघ नेपालले आयोजना गरेको असार १५ विशेष कार्यक्रममा गएका हुन्।