बिहिबार ११ कार्तिक २०७८

रातिदेखि बालाजु औद्योगिक क्षेत्रमा भी’षण आ’गलागी, पानी खसाउँदै सिम्रिक एयर
August 7, 2021 5
facebook sharing button Sharetwitter sharing button Tweetemail sharing button Emailsharethis sharing button Sharemessenger sharing button Share
काठमाडौं महानगरपालिका–१६ स्थित बालाजु औद्योगिक क्षेत्रमा भीषण आगलागी भएकाे छ । शुक्रबार रातिदेखि लागेको आगो अझै नियन्त्रणमा आउन नसकेको बताइएकाे छ ।

शनिबार बिहानसम्म शहरकाे टाढाटाढाबाट समेत त्यहाँकाे आकाशमाथि धुवाँकाे बाक्लाे मुस्लाे उडिरहेकाे देखिन्थ्याे ।

प्रहरीका अनुसार उक्त औद्योगिक क्षेत्रभित्र रहेको नेबिको बिस्कुट उद्योगमा आगलागी भएकाे हाे । राति करिब पौने दुई बजेदेखि आगो लागिरहेको र नियन्त्रणकाे प्रयास जारी रहेकाे प्रहरीले बताएको छ ।

आगाे नियन्त्रणका लागि प्रहरी र स्थानीयहरू सक्रिय छन् । अहिले ८ वटा वारुणयन्त्र र डेढ दर्जन बढी पानी ट्यांकरका साथै हेलिकप्टरकाे सहायताले समेत आगो निभाउने प्रयास भइरहेको जनाइएको छ ।

आगलागीकाे कारण तथा क्षतिकाे विवरण समेत खुल्न सकेकाे छैन । बालाजु प्रहरीका अनुसार गएरातिदेखि औद्योगिक क्षेत्रको बिस्कुट उद्योगमा आगलागी भएको हो।

प्रहरीका अनुसार पानी ट्यांकर, दमकलसहित नेपाल आर्मी, नेपाल प्रहरी, सशस्त्र प्रहरी र स्थानीयले पनि आगो नियन्त्रणमा लिने प्रयास गरिरहेका छन्।

रातिदेखि लागेको आगो बारुणयन्त्रले पनि निभाउन नसकेपछि अहिले हेलिकप्टरको प्रयोग गरिएको हो। आगलागीको कारण अझै खुल्न नसकेको प्रहरीले जनाएको छ।

 


Last Updated on: August 7th, 2021 at 12:28 pm
१५४ पटक हेरिएको

तपाईको प्रतिक्रिया