२२ चैत, काठमाडौं । सानुभाइ युवराज गुरुङ पक्राउ परेका छन्। गुण्डागर्दीमा संलग्न रहेको आरोपमा उनलाई प्रहरीले काठमाडौंको सामाखुसी क्षेत्रबाट नियन्त्रणमा लिएको हो। जिल्ला प्रहरी परिसर काठमाडौंका एसएसपी रमेश थापाका अनुसार गुरुङलाई गएराति पक्राउ गरिएको हो। उनी यसअघि पनि विभिन्न आपराधिक घटनामा संलग्न हुँदै पटक–पटक पक्राउ पर्ने र छुट्ने गरेका व्यक्ति हुन्।
यसअघि २०८० साल असारमा ठमेलस्थित क्लब ओम्नियाका सञ्चालकमाथि कुटपिट गरेको आरोपमा पक्राउ परेका गुरुङलाई प्रहरीले सार्वजनिक रूपमा हत्कडीसहित बजार घुमाएको थियो। पछि जिल्ला प्रशासन कार्यालय काठमाडौंले अभद्र व्यवहारको कसुरमा १० हजार रुपैयाँ धरौटीमा रिहा गरेको थियो। प्रहरी रेकर्डअनुसार सानुभाइ युवराज गुरुङ पक्राउ हुनु अगाडि पनि उनी कुटपिट, असुली तथा अन्य आपराधिक गतिविधिमा संलग्न रहेको आरोप लाग्दै आएको छ। उनी कुनै समय कुमार घैंटे समूहसँग नजिक मानिन्थे।
२०७२ सालमा नुवाकोटबाट हतियारसहित पक्राउ परेका गुरुङमाथि त्यसबेला पनि विभिन्न मुद्दा चलेका थिए। साथै, विगतमा धारिलो हतियार प्रहार, बैंकिङ कसूर तथा धम्की र कुटपिटसम्बन्धी घटनामा उनको संलग्नता रहेको प्रहरी स्रोत बताउँछ। हाल सानुभाइ युवराज गुरुङ पक्राउ प्रकरणमा थप अनुसन्धान भइरहेको प्रहरीले जनाएको छ।
सानुभाइ युवराज गुरुङ पक्राउ , यसैबीच चैत २१ मा एकै रातमा ११५ जनालाई नियन्त्रणमा लिइएको प्रहरीले जनाएको छ
यसैबीच, २१ चैत, राति काठमाडौं मा प्रहरीले व्यापक सर्च अपरेशन सञ्चालन गरेको थियो। उक्त अपरेशनका क्रममा एकै रातमा ११५ जनालाई नियन्त्रणमा लिइएको प्रहरीले जनाएको छ। गुण्डागर्दी, ठगी तथा शंकास्पद गतिविधिमा संलग्न रहेको आशंकामा उनीहरूलाई नियन्त्रणमा लिइएको हो। प्रहरीका अनुसार राजधानीका संवेदनशील क्षेत्रहरूमा निगरानी बढाउँदै यस्तो अपरेशनलाई निरन्तरता दिइनेछ र पक्राउ परेकामाथि थप अनुसन्धान भइरहेको छ।
थप समाचार : काठमाडौंमा रातभर प्रहरीको सर्च अपरेशन, १९५ जना नियन्त्रणमा
Read our other useful Articles also 1. How to Control Your Anger – 7 Life-Saving Strategies That Work
