ललितपुरको चापागाउँ दोबाटोबाट ६४ हजार नगदसहित ५ जुवाडे पक्राउ

२ भदौ, काठमाडौं ।

ललितपुरको ललितपुर महानगरपालिका–१५ स्थित चापागाउँ दोबाटोबाट तास खेलिरहेको अवस्थामा प्रहरीले पाँच जनालाई नगदसहित पक्राउ गरेको छ। प्रहरी वृत्त सातदोबाटोबाट खटिएको विशेष गस्ती टोलीले सोमबार राति छापा मारी उनीहरूलाई नियन्त्रणमा लिएको हो।

पक्राउ पर्नेमा ओखलढुङ्गाको सिद्धिचरण नगरपालिका–२ घर भई हाल ललितपुरको सातदोबाटो क्षेत्रमा बसोबास गर्दै आएका ६० वर्षीय जयप्रकाश कार्कीसहित पाँच जना रहेका छन्। उनीहरू चापागाउँ दोबाटोस्थित एक स्थानमा कौडा तथा तास खेलिरहेको भन्ने गोप्य सूचनाका आधारमा प्रहरी टोली खटिएको थियो।

प्रहरी टोलीले जुवाको खालबाट नगद ६४ हजार ९ सय रूपैयाँ र जुवातास खेल्न प्रयोग गरिएका साम्रगीहरू बरामद गरेको छ। स्थानीय क्षेत्रमा गैरकानुनी रूपमा जुवातास खेलाइने गरेको गुनासो बढेपछि प्रहरीले निगरानी बढाएको थियो। पक्राउ परेका सबै जनालाई प्रहरी वृत्त सातदोबाटोको हिरासतमा राखी जुवासम्बन्धी कसुरमा थप अनुसन्धान प्रक्रिया अगाडि बढाइएको छ।

काठमाडौँ उपत्यकाभित्र जुवातास, सट्टेबाजी तथा अन्य गैरकानुनी गतिविधिलाई नियन्त्रण गर्न प्रहरीले सूक्ष्म निगरानी र अपरेसनलाई तीव्र बनाएको छ। ललितपुरका विभिन्न स्थानमा प्रहरीले सर्वसाधारणको सुरक्षा र शान्ति सुरक्षा कायम राख्न गस्ती बढाएको छ।

प्रहरीले गैरकानुनी जुवातास जस्ता सामाजिक विकृतिमा संलग्न नहुन सर्वसाधारणमा अनुरोध गरेको छ। साथै, आफ्नो छरछिमेकमा कुनै पनि अवाञ्छित तथा कानुनी रूपमा वर्जित क्रियाकलाप भइरहेको पाइएमा तुरुन्त नजिकैको प्रहरी कार्यालय वा नियन्त्रण कक्षमा खबर गर्न समेत आग्रह गरिएको छ।

यो पनि पढ्नुहोस: मकवानपुरको भीमफेदीमा गाडी दुर्घटना: उच्च अदालतका मुख्य न्यायाधीश डाँगीसहित ६ जना घाइते, दुर्गा प्रसाईंको महाअभियानसँग वार्ता गर्न सरकारद्वारा सहसचिव सुवेदीको संयोजकत्वमा टोली गठन, पत्रकार किशोर श्रेष्ठलाई हाजिरी जमानीमा छाड्न सर्वोच्च अदालतको आदेश, देउवा पक्षलाई गगन थापाको कडा जवाफ: ‘अनुहारका कारण भोट नआएको भए महाधिवेशनमा हराउनुस्’, उदयपुर सिमेन्ट उद्योग पुनः सञ्चालनको तयारी: चुनढुंगा उत्खनन अनुमतिपत्र नवीकरण, ७५ लाख बक्यौता फर्छ्यौट, रास्वपाका सांसदलाई नयाँ नियम: संसद् बैठकमा अनुपस्थित भए अनिवार्य फारम भर्नुपर्ने, एनपीएल ३: सुदूरपश्चिम रोयल्सबाटै लगातार तेस्रो सिजन खेल्ने भए स्कट कुगेलेइन, बागमती प्रदेशका मुख्यमन्त्री इन्द्रबहादुर बानियाँद्वारा पदबाट राजीनामा

पर्यटन प्रबन्धनको लागि tarevir.com,
नागरिक जिम्मेवारीको लागि jimmewari.com,
दक्ष सेवाहरूको लागिskillssewa.com
को सुरुवात गरिएको छ, जसले सेवाको सहज व्यापार र सचेतनाका लागि मञ्च प्रदान गर्नेछन्।