१६ चैत काठमडौं | सेयर बजार लगातार दोस्रो दिन पनि ओरालो लागेको छ। सोमबार कारोबारको दिन सेयर बजार परिसूचक नेप्से ४७.७१ अंकले घटेको छ। नयाँ सरकार गठनपछि मात्र दुई दिनमै सेयर बजारले कुल ११९ अंक गुमाएको छ। अघिल्लो दिन ७१ अंक घटेको बजार आज थप घटेर २८३१ अंकमा झरेको छ। सरकार गठनअघि सेयर बजार २९५० अंकको आसपासमा रहेको थियो।दिनको सुरुवातमा केही समय सम्हालिएको सेयर बजार मध्य समयपछि तीव्र रूपमा घट्न थाल्यो। कारोबार रकम पनि घटेको छ। अघिल्लो दिन १५ अर्ब ३ करोड रुपैयाँको कारोबार भएकोमा आज १२ अर्ब ९६ करोड रुपैयाँमा सीमित भएको छ।
आजको सेयर बजारमा २६ कम्पनीको शेयर मूल्य बढ्दा २३७ कम्पनीको मूल्य घटेको छ भने ५ कम्पनीको मूल्य स्थिर रहेको छ। यसले बजारमा व्यापक दबाब रहेको संकेत गर्दछ। समूहगत रूपमा हेर्दा सेयर बजारका सबै सूचक घटेका छन्। व्यापार समूह सबैभन्दा धेरै २.५६ प्रतिशतले घट्दा बैंकिङ १.८६ प्रतिशत, विकास बैंक १.२४ प्रतिशत, फाइनान्स २.०० प्रतिशत र हाइड्रोपावर १.९३ प्रतिशतले घटेका छन्।यसैगरी जीवन बीमा १.४० प्रतिशत, माइक्रोफाइनान्स १.३० प्रतिशत, निर्जीवन बीमा १.८२ प्रतिशत र अन्य समूह २.१३ प्रतिशतले घटेका छन्। यसले समग्र सेयर बजार कमजोर अवस्थामा रहेको देखाउँछ।
यद्यपि केही कम्पनीको मूल्य बढेको पनि देखिएको छ। ६ कम्पनीको शेयर मूल्य १० प्रतिशतसम्म बढेको छ भने सप्तकोशी विकास बैंकको मूल्य ९.८३ प्रतिशतले बढेको छ। तर सोलु हाइड्रोपावर, युनिक नेपाल लघुवित्त, सीवाईसी लघुवित्त र मल्टिपर्पज फाइनान्स लगायतका कम्पनीहरूको शेयर मूल्य उल्लेख्य रूपमा घटेको छ। धेरै कारोबार भएका कम्पनीहरूमा रिडी पावर, ङादी ग्रुप, शिवम् सिमेन्ट, अपी पावर र नेसनल हाइड्रोपावर कम्पनी रहेका छन्।
सम्पत्ति शुद्धीकरण अनुसन्धानमा कांग्रेस नेता दीपक खड्का पक्राउ
