२८ वैशाख , काठमाडौं । करिब ३४ लाख रुपैयाँ बराबरका सुनका गरगहना चोरी गरेको आरोपमा तीन जना आरोपीलाई प्रहरीले २२ लाख नगदसहित पक्राउ गरेको छ। जिल्ला प्रहरी परिसर ललितपुरको टोलीले उनीहरूलाई नियन्त्रणमा लिएको हो।
पक्राउ पर्नेहरूमा सप्तरीको खडक नगरपालिका–१० का २४ वर्षीय समीर चौधरी, ललितपुर कुपन्डोलकी ४८ वर्षीया पूजा शर्मा जोशी, तथा भारतको बिहार घर भई काठमाडौं न्यूरोडमा बस्दै आएका ४५ वर्षीय श्रवण कुमार रहेका छन्।
काठमाडौंमा ३४ लाख बराबरका गहना चोरी गर्ने ३ जना पक्राउ परेका छन्। प्रहरीले २२ लाख नगदसहित सुनका गहना बरामद गरेको छ।
प्रहरीका अनुसार:
- समीर चौधरीले चोरी गर्ने काम गर्थे
- पूजा शर्मा जोशीले चोरीका गहना बिक्री गर्थिन्
- श्रवण कुमारले ती गहना किन्ने काम गर्थे
ललितपुरका एसपी गौतम मिश्रका अनुसार उनीहरूबाट २२ लाख रुपैयाँ नगद, करिब ८० ग्राम सुनका दुई ढिक्का, साथै सुनका चुरा, रिङ, तिलहरी र चन्द्रमा बरामद गरिएको छ।
प्रहरी अनुसन्धान अनुसार चौधरीले सानेपामा डेरा गरी बस्ने मिनु झाको कोठाबाट करिब १८ लाख ५० हजार रुपैयाँ बराबरका गहना चोरी गरेका थिए भने सोही क्षेत्रकी वविता छिनाल परियारको कोठाबाट करिब १५ लाख ३५ हजार बराबरका गहना चोरी गरेको आरोप छ।
प्रहरीले घटनाबारे थप अनुसन्धान जारी राखेको जनाएको छ।
यो पनि पढ्नुहोस:एसईई नतिजा आज सार्वजनिक: ९ बजेपछि विद्यार्थीले नतिजा हेर्नसक्ने देउवा दम्पतीविरुद्ध रेड नोटिस प्रक्रिया अगाडि बढ्यो, इन्टरपोललाई थप कागजात पठाइयो, मञ्जुश्री सेभिङ एन्ड क्रेडिट कोअपरेटिभ लिमिटेडका अध्यक्ष पक्राउ, सुशीला कार्कीको आक्रोश– अब मलाई होइन, बालेनकी श्रीमतीलाई ‘आमा’ भन्नू, हर्मुजमा नयाँ नियम लागू गर्दै इरान, भेसल इन्फरमेसन डिक्लेरेसन’ फाराम भर्नुपर्ने, साफ महिला च्याम्पियनसिप जित्ने नेपालको लक्ष्य, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply