२६औँ आहा रारा पोखरा गोल्डकप माघ ५ देखि सुरु हुने

२४ माघ, काठमाडौं ।

मोफसलको प्रतिष्ठित तथा निरन्तर आयोजना हुँदै आएको ‘आहा रारा पोखरा गोल्डकप’ फुटबल प्रतियोगिताको २६औँ संस्करण आगामी माघ ५ गतेदेखि सञ्चालन हुने भएको छ। आयोजक सहारा क्लब पोखराले एक विज्ञप्ति जारी गर्दै प्रतियोगिता आगामी माघ १६ गतेसम्म पोखरा रंगशालामा सञ्चालन हुने औपचारिक घोषणा गरेको हो।

पोखरालाई खेलकुद पर्यटनको सहरका रूपमा स्थापित गर्न महत्त्वपूर्ण योगदान पुर्‍याउँदै आएको यस प्रतियोगितामा यस पटक पनि राष्ट्रिय तथा अन्तर्राष्ट्रिय स्तरका नामी फुटबल क्लबहरूको सहभागिता रहने आयोजकले जनाएको छ। प्रतियोगितालाई साबिकझैँ हिमश्री फुड्स प्रा.लि.को उत्पादन ‘आहा रारा’ तयारी चाउचाउले मुख्य प्रायोजन गर्नेछ भने पोखरा महानगरपालिकाको संरक्षकत्व रहनेछ।

सहारा क्लब पोखराले विगत साढे दुई दशकभन्दा बढी समयदेखि यो प्रतियोगितालाई बिना अवरोध निरन्तरता दिँदै आएको छ। प्रतियोगिताबाट सङ्कलन हुने बचत रकम सामाजिक कार्यमा प्रयोग गरिँदै आएको छ। विशेष गरी कठिन परिस्थिति र विपन्न वर्गका बालकहरूलाई नि:शुल्क शिक्षा, आवास र फुटबल प्रशिक्षण प्रदान गर्ने उद्देश्यले सञ्चालित ‘सहारा फुटबल एकेडेमी’को सञ्चालन खर्च यसै प्रतियोगिताको आम्दानीबाट जुटाइने गरिन्छ।

प्रतियोगितामा सहभागी हुने टोलीहरूको नामावली, खेल तालिका तथा नगद पुरस्कार राशिको विवरण भने केही दिनपछि पत्रकार सम्मेलन आयोजना गरी सार्वजनिक गरिने सहारा क्लबले जनाएको छ। आयोजकले प्रतियोगितालाई भव्य र रोमाञ्चक बनाउन सम्पूर्ण खेलप्रेमी, सञ्चारकर्मी तथा सरोकारवाला निकायहरूसँग सहयोगको अपिलसमेत गरेको छ।

यो पनि पढ्नुहोस: रसुवाका बाढीप्रभावितलाई काठमाडौंका होल्डिङ सेन्टरबाटै नागरिकताको प्रतिलिपि वितरण सुरु, पोखरा–दुबई उडानको एक महिना: ६ हजारभन्दा बढी यात्रुले लिए सेवा, हानि-नोक्सानी कोषबाट नेपालले पाउने भयो तीन अर्ब अनुदान, भोटेकोशी बाढी प्रभावितको पुनर्निर्माणमा खर्च गरिने, आहा रारा पोखरा गोल्डकपको २६औं संस्करण आगामी माघ ५ गतेदेखि सञ्चालन हुने, स्याङ्जा स्कुटर दुर्घटना: बिरुवामा सडकबाट खसेर चालक महिलाको मृत्यु, नेपाल प्रिमियर लिग (एनपीएल): सुदूरपश्चिम र लुम्बिनीबीचको पहिलो खेलका सबै टिकट ‘सोल्ड आउट’, तिब्बतमा ७ म्याग्निच्युडको शक्तिशाली भूकम्प: १६ जनाको मृत्यु, ३२ भन्दा बढी घाइते, थोरङला पास हुँदै दुई सातामा ७७२ विदेशी पर्यटक मुस्ताङ प्रवेश

पर्यटन प्रबन्धनको लागि tarevir.com,
नागरिक जिम्मेवारीको लागि jimmewari.com,
दक्ष सेवाहरूको लागिskillssewa.com
को सुरुवात गरिएको छ, जसले सेवाको सहज व्यापार र सचेतनाका लागि मञ्च प्रदान गर्नेछन्।