चैत १६ | सुर्खेत – १६ वर्षीया इनिशा विकको बलात्कार तथा हत्या प्रकरणमा सरकारी वकिल कार्यालयले चार जनाविरुद्ध गम्भीर अभियोगसहित मुद्दा दायर गरेको छ। प्रहरीको अनुसन्धान प्रतिवेदन प्राप्त भएको केही दिनमै जिल्ला अदालत सुर्खेतमा अभियोगपत्र दर्ता गरिएको हो। अदालतका अनुसार अभियुक्तहरूको बयान प्रक्रिया सोमबारदेखि सुरु हुने भएको छ।
सरकारी वकिल कार्यालयले विभिन्न प्रमाण, पोस्टमर्टम रिपोर्ट, घटनास्थलको विवरण तथा बयानका आधारमा इनिशामाथि सामूहिक रूपमा जबरजस्ती करणी गरी हत्या गरिएको निष्कर्ष निकालेको जनाएको छ। यसअघि प्रहरी अनुसन्धानले फरक निष्कर्ष प्रस्तुत गरेको भए पनि अभियोगपत्रमा चारै जनाको संलग्नता देखिएको उल्लेख गरिएको छ। घटनासम्बन्धी फरेन्सिक तथा अन्य प्राविधिक विवरणहरूलाई समेत आधार मानिएको बताइएको छ।
अभियुक्तहरू सबै नाबालिग रहेको उल्लेख गर्दै बालबालिकासम्बन्धी कानुनअनुसार कारबाहीको माग गरिएको छ। साथै पीडित परिवारका लागि क्षतिपूर्तिको माग पनि गरिएको छ।इनिशा विक फागुन २३ गते बिहान ट्युसनका लागि घरबाट निस्केपछि वीरेन्द्रनगर क्षेत्रमा मृत अवस्थामा फेला परेकी थिइन्। घटनापछि परिवारले सामूहिक बलात्कारपछि हत्या गरिएको भन्दै किटानी जाहेरी दिएका थिए।
सम्पत्ति शुद्धीकरण अनुसन्धानमा कांग्रेस नेता दीपक खड्का पक्राउ