पोखरा विमानस्थलमा RNP-AR प्रविधि: न्यून भिजिबिलिटीमा पनि उडान सहज हुने

२९ असोज, काठमाडौं ।

पोखरा अन्तर्राष्ट्रिय विमानस्थलमा प्रतिकूल मौसम र कम भिजिबिलिटीका कारण हुने उडान अवरोधलाई स्थायी रूपमा न्यूनीकरण गर्न नेपाल नागरिक उड्डयन प्राधिकरणले भूउपग्रहमा आधारित अत्याधुनिक नेभिगेसन प्रणाली कार्यान्वयनको प्रक्रिया अघि बढाएको छ। विमानस्थलमा ‘आरएनपी-एआर’ (Required Navigation Performance Authorization Required) अवतरण प्रक्रिया लागू गर्न प्राधिकरणले प्रारम्भिक प्राविधिक अध्ययन पूरा गरी थप कार्य अगाडि बढाएको हो।

हाल पोखरा विमानस्थलमा पारम्परिक भीओआर/डीएमई (VOR/DME) र आईएलएस (ILS) प्रणालीमा आधारित भएर उडान तथा अवतरण सञ्चालन हुँदै आएको छ। तर, पोखराको जटिल भौगोलिक बनावट, वरपरका पहाडी भूभाग र हिउँदमा लाग्ने बाक्लो हुस्सु तथा कुहिरोका कारण उडान सञ्चालनमा बारम्बार समस्या पैदा हुने गरेको छ। न्यून भिजिबिलिटीका कारण उडानहरू रद्द हुने, लामो समय ढिलाइ हुने वा अन्य विमानस्थलतर्फ मोड्नुपर्ने (डाइभर्सन) बाध्यता रहँदै आएको छ।

यो समस्या समाधानका लागि प्राधिकरणले प्राथमिकताका साथ अघि बढाएको नयाँ ‘आरएनपी-एआर’ प्रविधिले उडानका लागि आवश्यक न्यूनतम भिजिबिलिटीको सीमालाई उल्लेखनीय रूपमा घटाउनेछ। यस प्रविधिको सफल कार्यान्वयनपछि प्रतिकूल मौसममा पनि जहाजहरू सुरक्षित रूपमा अवतरण गर्न सक्नेछन्। प्राधिकरणका अनुसार यस प्रणालीलाई पूर्ण रूपमा सञ्चालनमा ल्याउन विस्तृत डिजाइन, प्रमाणीकरण, सुरक्षा मूल्याङ्कन तथा नियमनकारी निकायबाट आवश्यक स्वीकृति लिने कामहरू भइरहेका छन्।

नेपालको पर्यटकीय राजधानी पोखरामा हवाई सेवालाई थप सुरक्षित, नियमित र भरपर्दो बनाउन यो प्रविधि कोशेढुङ्गा सावित हुने अपेक्षा गरिएको छ। उडान डाइभर्सन र रद्द हुने क्रम घट्दा एकातिर वायुसेवा कम्पनीहरूको सञ्चालन खर्च घट्नेछ भने अर्कोतिर यात्रुहरूले झन्झटरहित र समयमै आफ्नो यात्रा पूरा गर्न पाउनेछन्। प्राधिकरणले आधुनिक प्रविधिको प्रयोगमार्फत देशका अन्य विमानस्थलहरूमा पनि हवाई सुरक्षा र सेवाको गुणस्तर अभिवृद्धि गर्दै लैजाने लक्ष्य राखेको छ।

यो पनि पढ्नुहोस: म्याक्स टाइगर ‘दशैं धमाका’: तीन भाग्यशाली उपभोक्ताले जिते यामाहाको मोटरसाइकल र स्कुटर, नेपाली समाजमा वर्गीय रूपान्तरण भए पनि जातीय विभेदका अवशेष कायमै : डा. युवराज खतिवडा, रसुवाका बाढी प्रभावित विद्यार्थीलाई शैक्षिक सामग्री र पाठ्यपुस्तक वितरण, सार्वजनिक निर्माण ठेक्कामा मूल्य समायोजन निर्णय: कुन आयोजनामा के-कस्ता सर्त?, नेपाली कांग्रेस महामन्त्रीमा प्रदीप पौडेल सर्वाधिक मतसहित विजयी, उदय र डिला पनि निर्वाचित, नेपाली कांग्रेस उपसभापतिमा चन्द्र भण्डारी सर्वाधिक मतसहित विजयी, मधु र विनोद पनि चुनिए, ब्रह्मचारिणी देवीको पूजा आराधना गरिँदै: नवरात्रको दोस्रो दिनको धार्मिक महत्व र विधि, बूढीगण्डकी पहिरो र भूक्षयले स्यारखोला क्षेत्रमा निम्त्यायो गम्भीर संकट

पर्यटन प्रबन्धनको लागि tarevir.com,
नागरिक जिम्मेवारीको लागि jimmewari.com,
दक्ष सेवाहरूको लागिskillssewa.com
को सुरुवात गरिएको छ, जसले सेवाको सहज व्यापार र सचेतनाका लागि मञ्च प्रदान गर्नेछन्।