१७ जेठ, काठमाडौं । आर्टिफिसियल इन्टेलिजेन्स (एआई) चिप निर्माणमा अग्रणी कम्पनी एनभिडिया(NVIDIA) र विश्वप्रसिद्ध प्रविधि कम्पनी माइक्रोसफ्टले नयाँ पुस्ताका विन्डोज कम्प्युटर सार्वजनिक गर्ने तयारी गरेका छन्। आगामी हप्तादेखि बजारमा आउने अपेक्षा गरिएका यी कम्प्युटरहरूमा पहिलो पटक एनभिडियाकै चिपलाई मुख्य प्रोसेसर (सीपीयू) का रूपमा प्रयोग गरिने भएको छ।
अमेरिकी सञ्चारमाध्यम एक्सियोस का अनुसार नयाँ कम्प्युटरहरू माइक्रोसफ्टको सर्फेस ब्रान्डका साथै डेललगायत अन्य प्रमुख कम्प्युटर उत्पादक कम्पनीमार्फत उपलब्ध हुनेछन्। यस कदमलाई विन्डोज पीसी बजारमा महत्वपूर्ण परिवर्तनका रूपमा हेरिएको छ।एनभिडियाले सन् २०२३ देखि माइक्रोसफ्टको विन्डोज अपरेटिङ सिस्टमका लागि आर्म (ARM) आधारित प्रोसेसर विकास गर्ने योजना अघि बढाएको थियो। हाल विन्डोज ल्यापटप बजारमा क्वालकमका आर्म-आधारित चिप प्रयोग भइरहेका छन् भने इन्टेल र एएमडीले परम्परागत पीसी प्रोसेसर बजारमा वर्चस्व कायम राखेका छन्।
एप्पललाई टक्कर दिने रणनीति
माइक्रोसफ्टले लामो समयदेखि कम ऊर्जा खपत गर्ने, उच्च कार्यक्षमता दिने र लामो ब्याट्री लाइफ भएका कम्प्युटर विकासमा ध्यान केन्द्रित गर्दै आएको छ। यस क्षेत्रमा एप्पलले आफ्नै चिपसेट प्रयोग गरेर उल्लेखनीय सफलता हासिल गरिसकेको छ।एप्पलले हालै एम५ सिरिज चिपयुक्त नयाँ म्याकबुक सार्वजनिक गरेपछि प्रतिस्पर्धा अझ तीव्र बनेको छ। यही प्रतिस्पर्धालाई ध्यानमा राख्दै माइक्रोसफ्टले एनभिडियासँगको सहकार्यलाई नयाँ चरणमा पुर्याएको विश्लेषकहरूको भनाइ छ।
‘पीसीको नयाँ युग’ सुरु हुने संकेत
यी नयाँ कम्प्युटरहरू ताइवानमा आयोजना हुने कम्प्युटिक्स ट्रेड शो र अमेरिकाको स्यान फ्रान्सिस्कोमा हुने माइक्रोसफ्ट बिल्ड डेभलपर सम्मेलन मा औपचारिक रूपमा सार्वजनिक गरिने अपेक्षा गरिएको छ।विन्डोज, एनभिडिया र आर्म कम्पनीका आधिकारिक सामाजिक सञ्जाल खाताहरूले ताइपेईलाई लोकेसन राख्दै “पीसीको नयाँ युग” सुरु हुने संकेत दिइसकेका छन्।
इन्टरनेटबिनै चल्ने एआई एजेन्ट
नयाँ कम्प्युटरहरूको अर्को विशेषता भनेको अत्याधुनिक एआई एजेन्ट प्रणाली हुनेछ। यस प्रविधिले इन्टरनेट वा क्लाउड सेवाको आवश्यकता बिना नै धेरै जटिल कार्यहरू स्थानीय रूपमा सम्पन्न गर्न सक्ने अपेक्षा गरिएको छ।विशेषज्ञहरूका अनुसार यसले उत्पादकता, सुरक्षा र गोपनीयतामा सुधार ल्याउनेछ। साथै, एआई आधारित कम्प्युटिङलाई दैनिक प्रयोगकर्तासम्म सहज रूपमा पुर्याउन मद्दत गर्ने विश्वास गरिएको छ।एनभिडिया, माइक्रोसफ्ट र आर्मबीचको यो सहकार्यले विन्डोज कम्प्युटर बजारमा नयाँ प्रतिस्पर्धा सिर्जना गर्ने र एआई केन्द्रित कम्प्युटिङको विकासलाई थप तीव्र बनाउने अपेक्षा गरिएको छ।
यो पनि पढ्नुहोस: अमेरिका, बेलायत र अस्ट्रेलियाले समुद्रमुनि चल्ने ड्रोन प्रविधि विकास गर्ने, आज यी प्रदेशमा वर्षाको सम्भावना, तराई र पहाडी क्षेत्रमा हावाहुरीको चेतावनी, बैंकमा निष्क्रिय रहेको कोषको रकम सरकारले चलाउने, हकवालाले दाबी गरे फिर्ता हुने, विश्वकप खेल्ने इरानको टोलीलाई अझै अमेरिकाले दिएन भिसा | २०२६ FIFA World Cup, आर्थिक वर्ष २०८३/८४ को बजेट संसद्मा सार्वजनिक हुँदै, मुग्लिन–पोखराको सडक खण्ड आगामी असारसम्म पूरा नहुने, आज बकर इद मनाइँदै, देशभर सार्वजनिक बिदा, कसरी चल्दैछ विज्ञान, प्रविधि, अनुसन्धान तथा नवप्रवर्तन मन्त्रालय ?, पाल्पा मिसन अस्पतालकी डाक्टर हुँ भन्दै फेसबुकबाट नग्न तस्बिर माग्ने पक्राउ, पछिल्लो इजरायली आक्रमणमा कम्तीमा ३१ लेबनानीको मृत्यु, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply