३१ जेठ, काठमाडौं । जापान सरकारले ‘बिजनेस म्यानेजर’ भिसासम्बन्धी नयाँ नियम लागू गर्ने निर्णय गरेपछि नेपालीसहित विदेशी साना व्यवसायीहरू गम्भीर संकटमा परेका छन्। आगामी अक्टोबर २७ देखि लागू हुने नयाँ मापदण्डले साना लगानीमा सञ्चालन भइरहेका व्यवसायहरू टिक्नै कठिन हुने संकेत देखिएको छ। जापानको अध्यागमन सेवा एजेन्सी ले भिसाका लागि आवश्यक न्यूनतम पूँजी अत्यधिक बढाएको छ। अब ‘बिजनेस म्यानेजर’ भिसा पाउन कम्तीमा तीन करोड येन (करिब १ लाख ९० हजार अमेरिकी डलर) लगानी अनिवार्य हुनेछ। यसअघि भने पाँच मिलियन येन भए पुग्थ्यो। यही परिवर्तनले साना तथा मध्यम व्यवसायमा प्रत्यक्ष असर पारेको छ।
जापानले बिजनेस म्यानेजर भिसासम्बन्धी नयाँ नियम कडा गरेपछि विदेशी साना व्यवसायीहरू संकटमा परेका छन्। ३ करोड येन पूँजी अनिवार्य भएपछि धेरै रेस्टुरेन्ट बन्द हुने खतरा।
विशेषगरी रेस्टुरेन्ट, खाद्यान्न आयात र खुद्रा व्यापार सञ्चालन गर्ने विदेशी व्यवसायीहरू सबैभन्दा बढी प्रभावित भएका छन्। जापानी सञ्चारमाध्यमका अनुसार धेरैले व्यवसाय बन्द गरेर स्वदेश फर्किनुपर्ने अवस्था आउन थालेको छ। टोकियोको नेरिमा क्षेत्रमा रेस्टुरेन्ट सञ्चालन गर्दै आएकी ४७ वर्षीया चान का यीले पनि नयाँ नियम पूरा गर्न नसक्दा आफ्नो व्यवसाय बन्द गर्ने निर्णय गरेकी छन्। उनले सञ्चालन गर्दै आएको ‘सान माई सान नेरिमा’ नामक रेस्टुरेन्ट मे २० पछि बन्द हुने बताइएको छ। कोभिड–१९ जस्तो कठिन समय पार गरेर नाफामा पुगेको व्यवसाय पनि नयाँ पूँजी मापदण्डका कारण टिक्न नसकेको उनको गुनासो छ।
नेपाली र भारतीय व्यवसायीमा चिन्ता
टोकियो को एडोगावा क्षेत्रमा ठूलो भारतीय र नेपाली समुदाय बसोबास गर्छ, जसलाई ‘लिटिल इन्डिया’ भनेर चिनिन्छ। यही क्षेत्रमा धेरै नेपालीहरूले पनि रेस्टुरेन्ट सञ्चालन गरिरहेका छन्।
स्थानीय व्यवसायीहरूका अनुसार अधिकांश साना उद्यमीले तीन करोड येन जुटाउन सक्ने अवस्था छैन। ‘हामीले वर्षौँदेखि मेहनत गरेर व्यवसाय चलाएका छौं, तर नयाँ नियमले सबै जोखिममा परेको छ,’ एक व्यवसायीले बताएका छन्।
एडोगावा इन्डियन एसोसिएसन का अध्यक्ष जगमोहन एस चन्द्रानीका अनुसार अक्टोबरयता नेपाली र भारतीय व्यवसायीहरूमा डर र अनिश्चितता बढ्दै गएको छ। उनका अनुसार यस्ता व्यवसायहरू समुदायका लागि अत्यन्त महत्वपूर्ण भएकाले बन्द हुँदा सामाजिक असर पनि पर्नेछ।
विशेषज्ञको चेतावनी
टोकियोस्थित कानुनी विज्ञ काजुहिको यामादाले नयाँ पूँजी मापदण्ड अत्यन्त कडा भएको बताएका छन्। उनका अनुसार जापानी नागरिककै लागि पनि यस्तो ठूलो लगानी सहज छैन।
अर्का व्यवसाय विश्लेषक अत्सुशी कोन्डोका अनुसार धनी व्यक्तिहरूले नियम सजिलै पार गर्न सक्ने भए पनि साना, इमानदार व्यवसायीहरू विस्थापित हुने खतरा बढेको छ। ‘नियमले गलत अभ्यास रोक्नुपर्छ, तर वास्तविक व्यवसायीलाई हटाउने होइन,’ उनले टिप्पणी गरेका छन्।
कूटनीतिक सन्तुलनको चुनौती
नयाँ नियमले जापानमा विदेशी लगानीको स्वरूप नै परिवर्तन हुनसक्ने देखिएको छ। यदि साना व्यवसायहरू बन्द हुन थाले भने यसले पर्यटन, श्रम बजार र बहुसांस्कृतिक समाजमा समेत असर पार्न सक्ने विश्लेषण गरिएको छ।
यो पनि पढ्नुहोस: प्रधानमन्त्री कार्यालय झन् शक्तिशाली: मन्त्रालय घटाउँदै सरकारको ठूलो पुनर्संरचना, इरानमाथि साउदी अरबले गोप्य आक्रमण खुलासा, गण्डकीमा राइड सेयरिङ नियम संशोधन, निजी चारपांग्रे बाहिर, धादिङ गल्छीमा भीषण दुर्घटना : ३४ घाइते काठमाडौं रिफर, राष्ट्रपतिको सम्बोधनकै बीचमा उठेर हिँडे बालेन, एसईई नतिजा आज सार्वजनिक: ९ बजेपछि विद्यार्थीले नतिजा हेर्नसक्ने, ३४ लाखका गहना चोरी प्रकरण: २२ लाख नगदसहित ३ जना पक्राउ, , देउवा दम्पतीविरुद्ध रेड नोटिस प्रक्रिया अगाडि बढ्यो, इन्टरपोललाई थप कागजात पठाइयो, मञ्जुश्री सेभिङ एन्ड क्रेडिट कोअपरेटिभ लिमिटेडका अध्यक्ष पक्राउ, सुशीला कार्कीको आक्रोश– अब मलाई होइन, बालेनकी श्रीमतीलाई ‘आमा’ भन्नू, हर्मुजमा नयाँ नियम लागू गर्दै इरान, भेसल इन्फरमेसन डिक्लेरेसन’ फाराम भर्नुपर्ने, साफ महिला च्याम्पियनसिप जित्ने नेपालको लक्ष्य, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply