१७ असार, गुल्मी । जंगली बँदेलबाट बाली जोगाउने उद्देश्यले बारीमा राखिएको विद्युतीय पासोले आफ्नै परिवारमा दुःखद घटना निम्त्याएको छ। गुल्मीको धुर्कोट गाउँपालिकामा करेन्ट प्रवाह गरिएको पासोमा परेर एक महिलाको मृत्यु भएपछि उनका श्रीमान् पक्राउ परेका छन्। जिल्ला प्रहरी कार्यालय गुल्मीका अनुसार धुर्कोट गाउँपालिका–५ मन्टारीका ६६ वर्षीय भेषराज भण्डारी ले आफ्नो बारीमा बँदेलबाट बाली जोगाउन विद्युतीय तारमार्फत करेन्ट प्रवाह गरेका थिए। उक्त बारी घरबाट करिब १५० मिटर टाढा रहेको प्रहरीले जनाएको छ।
सोही पासोमा परेर उनकी ६० वर्षीया पत्नी हुमकला भण्डारी गम्भीर घाइते भएकी थिइन्। उपचारका लागि तत्काल जिल्ला अस्पताल तम्घास पुर्याइए पनि चिकित्सकले बिहान ३:२५ बजे उनलाई मृत घोषणा गरेका थिए। घटनालगत्तै प्रहरीले करेन्ट प्रवाह गर्ने भेषराज भण्डारीलाई नियन्त्रणमा लिएर अनुसन्धान सुरु गरेको छ। घटनास्थलमा पुगेको प्रहरी टोलीले आवश्यक कानुनी प्रक्रिया पनि अघि बढाएको जनाएको छ।
गुल्मीसहित पहाडी जिल्लाका धेरै क्षेत्रमा बँदेल, बाँदर, नीलगाईलगायत जंगली जनावरले खेतीबालीमा ठूलो क्षति पुर्याउने समस्या छ। यही कारण केही किसानले बाली जोगाउन विद्युतीय तार वा अन्य जोखिमपूर्ण पासो प्रयोग गर्ने गरेका छन्। प्रहरीले यस्ता विद्युतीय पासोले जंगली जनावर मात्रै होइन, मानिसको ज्यानसमेत जोखिममा पार्ने भएकाले यस्तो विधि प्रयोग नगर्न र सुरक्षित तथा वैकल्पिक उपाय अपनाउन सबैलाई आग्रह गरेको छ।
यो पनि पढ्नुहोस: मनसुनको जोखिम बढेपछि बेँसीसहर–चामे र सुन्दरबजार–भोर्लेटार सडकमा राति सवारी सञ्चालन बन्द, ३४ भन्दा बढी जिल्लाका साना नदीमा आकस्मिक बाढीको जोखिम, सतर्क रहन आग्रह, युरोपमा गर्मीको कहर, तातो लहरका कारण १,३०० भन्दा बढीको मृत्यु, आठ विश्वविद्यालयका उपकुलपति छनोट प्रक्रिया सुरु, अन्तर्वार्ता र कार्ययोजना प्रस्तुतीकरण हुँदै, हुरीबाट शुक्लाफाँटका ८० परिवार प्रभावित, ६० घर र २० गोठमा क्षति, तीन वर्षदेखि कोमामा रहेकी थाइल्याण्डकी राजकुमारी बजरकितियाभाको निधन, केन्द्रले कर्णालीमा अनुदान बढायो, प्रमुख चुनौती कार्यान्वयन, अमेरिका पठाउने बहानामा ३८ लाख ठगी गर्ने महिला पक्राउ, फ्लाई दुबईलाई पोखरा–दुबई सिधा उडान अनुमति, पर्यटन व्यवसायी उत्साहित, इरानले अमेरिकी अपाचे हेलिकोप्टर खसाल्यो, अमेरिकाद्वारा केशम टापुमा प्रतिआक्रमण, बीवाईडी प्रकरणमा एमालेको घोटाला आरोप, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply