१७ असार, काठमाडौं । नेपालको पहिलो सडक सुरुङमार्गका रूपमा निर्माण गरिएको नागढुंगा सुरुङमार्ग आगामी साउन महिनादेखि सञ्चालनमा ल्याउने तयारी अन्तिम चरणमा पुगेको छ। सुरुङ सञ्चालनअघि आवश्यक सबै प्राविधिक परीक्षणहरू तीव्र रूपमा भइरहेको आयोजनाले जनाएको छ। हालै सुरुङभित्र प्रयोग हुने उद्धार, निरीक्षण, मर्मतसम्भार र आपत्कालीन सेवाका सवारीसाधनको परीक्षण सफलतापूर्वक सम्पन्न गरिएको छ। परीक्षणका क्रममा सुरुङभित्रको नियमित सञ्चालन, दुर्घटना व्यवस्थापन, सरसफाइ तथा आकस्मिक उद्धारका लागि प्रयोग हुने उपकरण र सवारीसाधनको कार्यक्षमता जाँच गरिएको थियो।
यससँगै सुरुङ सञ्चालनका लागि आवश्यक भेन्टिलेसन प्रणाली, विद्युत् आपूर्ति, अग्नि नियन्त्रण, सञ्चार सेवा, सीसीटीभी निगरानी तथा ट्राफिक व्यवस्थापन प्रणालीको अन्तिम परीक्षण पनि जारी रहेको छ। जापान सरकारको सहुलियतपूर्ण ऋण सहयोगमा निर्माण भएको यस परियोजनाको लागत करिब २२ अर्ब रुपैयाँ रहेको छ। परियोजनाको अधिकांश वित्तीय व्यवस्थापन जापान अन्तर्राष्ट्रिय सहयोग नियोग (जाइका) को ऋणमार्फत गरिएको हो। निर्माणको जिम्मा जापानी कम्पनी हाज्मा–आन्दो कर्पोरेशन ले लिएको थियो।
नागढुंगा सुरुङमार्ग साउनदेखि सञ्चालनमा आउने तयारीमा छ। सुरक्षा प्रणाली, उद्धार सवारी र सञ्चालन उपकरणको अन्तिम परीक्षण सफलतापूर्वक सम्पन्न भएको छ।
सुरुङमार्गको मुख्य सुरुङ करिब २.६८ किलोमिटर लामो छ। यससँगै आकस्मिक उद्धारका लागि छुट्टै आपत्कालीन सुरुङ, पहुँच सडक, फ्लाइओभर, पुल तथा अन्य आवश्यक पूर्वाधार पनि निर्माण गरिएको छ। यो परियोजनाको शिलान्यास तत्कालीन प्रधानमन्त्री केपी शर्मा ओली ले २०७६ कात्तिक ४ गते गरेका थिए। सोही वर्ष निर्माण सुरु भए पनि कोभिड–१९ महामारी, जग्गा अधिग्रहणमा भएको ढिलाइ तथा विभिन्न प्राविधिक चुनौतीका कारण परियोजनाको समयावधि लम्बिएको थियो।
सञ्चालनपछि सुरुवाती चरणमा तोकिएका मापदण्डअनुसार मात्रै सवारीसाधनलाई सुरुङभित्र प्रवेश दिइनेछ। सुरुङभित्र गति सीमा, सवारीबीचको सुरक्षित दूरी, लेन अनुशासन तथा अन्य सुरक्षा नियम कडाइका साथ लागू गरिनेछ। सम्पूर्ण सञ्चालन र निगरानी अत्याधुनिक नियन्त्रण केन्द्रमार्फत गरिने व्यवस्था गरिएको छ। नागढुंगा सुरुङमार्ग सञ्चालनमा आएपछि काठमाडौं उपत्यका भित्रिने र बाहिरिने सवारीको यात्रा थप सहज, सुरक्षित र छिटो हुने अपेक्षा गरिएको छ। यसले नागढुंगा सडकखण्डमा हुने ट्राफिक जाम कम गर्नुका साथै यात्राको समय, इन्धन खपत र ढुवानी लागत घटाउन महत्वपूर्ण योगदान पुर्याउने विश्वास गरिएको छ।
यो पनि पढ्नुहोस: गुल्मीमा बँदेलका लागि थापिएको विद्युतीय पासोमा परेर श्रीमतीको मृत्यु, श्रीमान् पक्राउ, मनसुनको जोखिम बढेपछि बेँसीसहर–चामे र सुन्दरबजार–भोर्लेटार सडकमा राति सवारी सञ्चालन बन्द, ३४ भन्दा बढी जिल्लाका साना नदीमा आकस्मिक बाढीको जोखिम, सतर्क रहन आग्रह, युरोपमा गर्मीको कहर, तातो लहरका कारण १,३०० भन्दा बढीको मृत्यु, आठ विश्वविद्यालयका उपकुलपति छनोट प्रक्रिया सुरु, अन्तर्वार्ता र कार्ययोजना प्रस्तुतीकरण हुँदै, हुरीबाट शुक्लाफाँटका ८० परिवार प्रभावित, ६० घर र २० गोठमा क्षति, तीन वर्षदेखि कोमामा रहेकी थाइल्याण्डकी राजकुमारी बजरकितियाभाको निधन, केन्द्रले कर्णालीमा अनुदान बढायो, प्रमुख चुनौती कार्यान्वयन, अमेरिका पठाउने बहानामा ३८ लाख ठगी गर्ने महिला पक्राउ, फ्लाई दुबईलाई पोखरा–दुबई सिधा उडान अनुमति, पर्यटन व्यवसायी उत्साहित, इरानले अमेरिकी अपाचे हेलिकोप्टर खसाल्यो, अमेरिकाद्वारा केशम टापुमा प्रतिआक्रमण, बीवाईडी प्रकरणमा एमालेको घोटाला आरोप, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply