१७ वैशाख, काठमाडौं । त्रिभुवन विश्वविद्यालयका उपकुलपति, शिक्षाध्यक्ष र रजिस्ट्रारले सामूहिक रूपमा पदबाट राजीनामा दिने निर्णय गरेका छन्।हाल उपकुलपतिमा रहेका प्रा.डा. दीपक अर्याल, शिक्षाध्यक्ष प्रा.डा. खड्ग केसी र रजिस्ट्रार प्रा.डा. केदार रिजालले आजै राजीनामा बुझाउने तयारी गरेका हुन्। शिक्षाध्यक्ष केसीका अनुसार नयाँ अध्यादेशमार्फत विश्वविद्यालय व्यवस्थापनमा परिवर्तन ल्याउन सरकारले प्रक्रिया अघि बढाइरहेका बेला काम गर्न सहज वातावरण बनाउने उद्देश्यले यस्तो निर्णय गरिएको हो।सरकारले विश्वविद्यालयसम्बन्धी अध्यादेश राष्ट्रपतिसमक्ष पेश गरिसकेको छ। यही परिवेशमा त्रिविका शीर्ष नेतृत्वले जिम्मेवारीबाट अलग हुने निर्णय लिएका हुन्।
उनीहरूले कुलपतिका हैसियतमा रहेका प्रधानमन्त्री बालेन शाहसमक्ष राजीनामा बुझाउनेछन्। नेपालमा विश्वविद्यालयको कुलपति प्रधानमन्त्री रहने व्यवस्था छ।उपकुलपति अर्याल २०८२ असार २५ गते तत्कालीन प्रधानमन्त्री केपी शर्मा ओलीद्वारा नियुक्त भएका थिए। त्यस्तै, शिक्षाध्यक्ष केसी र रजिस्ट्रार रिजाल २०८० चैतमा तत्कालीन प्रधानमन्त्री पुष्पकमल दाहालको कार्यकालमा नियुक्त भएका थिए।
त्रिभुवन विश्वविद्यालयका उपकुलपति दीपक अर्यालसहित शीर्ष पदाधिकारीले सरकारलाई सहज बनाउन राजीनामा दिने निर्णय गरेका छन्।
त्रिविका यी पदाधिकारीहरूको कार्यकाल चार वर्षको हुने व्यवस्था भए पनि वर्तमान परिस्थितिमा उनीहरूले कार्यकाल पूरा नगरी पद त्याग्ने निर्णय गरेका हुन्।उनीहरूले आफ्नो कार्यकालमा विश्वविद्यालय सुधारका विभिन्न प्रयास अघि बढाएका थिए। अब नयाँ व्यवस्थाअनुसार विश्वविद्यालय नेतृत्वमा परिवर्तन आउने सम्भावना बढेको छ।
यो पनि पढ्नुहोस: सरकारले ल्याएका अध्यादेशबारे छलफल गर्न विपक्षी दलको बैठक बस्दै, मालपोत अधिकृत र वडाध्यक्षसहित ७ जनाविरुद्ध भ्रष्टाचार मुद्दा, किन कुमारी बैंक र सिद्धार्थ बैंकले ताने सेयर लगानीकर्तालाई?, बुटवल स्कुटर दुर्घटनामा २ जनाको मृत्यु, एक जना सख्त घाइते, पहुँचका आधारमा कर्मचारीले लिएको चारपांग्रे सुविधा खोस्दै सरकार, ७ निर्माण कम्पनी कालोसूचीमा (सूचीसहित), कांग्रेसले संसदीय दलको नेता चयन गर्ने तयारी गरेको छ, लागुऔषधसहित विभिन्न स्थानबाट ४१ जना पक्राउ, छिटो मल आयातले टऱ्यो ठूलो संकट, अहिले के छ नेपालको अवस्था?, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply