६ वैशाख, वीरगञ्ज। सडक विस्तार कार्यका कारण वीरगञ्जको मुख्य बजार क्षेत्रमा वीरगञ्जमा विद्युत् अवरुद्ध भएको छ। विद्युत्सँगै इन्टरनेट सेवा पनि प्रभावित हुँदा स्थानीय जनजीवन र व्यापार व्यवसायमा असर परेको छ।सडक डिभिजन कार्यालय हेटौँडाले आज बिहानदेखि मुख्य सडक क्षेत्रका अतिक्रमण गरी निर्माण गरिएका घरटहरा डोजर र एक्साभेटर प्रयोग गरी हटाउन थालेपछि सेवा अवरुद्ध भएको हो।
सडक विस्तारका कारण वीरगञ्जमा विद्युत् र इन्टरनेट सेवा अवरुद्ध , वैशाख ८ गतेसम्म विद्युत् आपूर्ति अनियमित हुन सक्ने
गण्डकचोकदेखि मितेरीपुलसम्मको क्षेत्रमा बिहान ५ बजेदेखि दिउँसो ४:३० बजेसम्म विद्युत् तथा इन्टरनेट सेवा अवरुद्ध भएको स्थानीयले बताएका छन्। सेवा कहिले पूर्ण रूपमा सुचारु हुने भन्नेबारे अन्योल कायम रहेको छ।वीरगञ्ज महानगरपालिका–६ का व्यापारी परशुराम कलवारका अनुसार बिहानैदेखि वीरगञ्ज विद्युत् अवरुद्ध हुँदा व्यापार व्यवसाय प्रभावित भएको छ। “बिजुली नहुँदा मोटर चल्दैन, बोरिङबाट पानी निकाल्न सकिँदैन। गर्मीयाममा पानीको समस्या झन् बढेको छ,” उनले गुनासो गरे।
यसैबीच, नेपाल विद्युत् प्राधिकरण वीरगञ्ज वितरण केन्द्रका प्रमुख विजय महतोले मितेरीपुल–गण्डक नहर सडक विस्तारका क्रममा नियमित विद्युत् आपूर्ति प्रभावित हुने जानकारी दिए।उनका अनुसार आजदेखि वैशाख ८ गतेसम्म विद्युत् आपूर्ति अनियमित हुन सक्ने देखिएको छ। मर्मत तथा सुधार कार्य जारी रहेकाले समय लाग्न सक्ने भन्दै उनले सर्वसाधारणलाई धैर्यता अपनाउन आग्रह गरे।सडक विस्तार जस्तो दीर्घकालीन योजनाले भविष्यमा सहजता ल्याए पनि तत्कालका लागि वीरगञ्ज विद्युत् अवरुद्ध हुँदा स्थानीयले सास्ती खेप्नुपरेको छ।
यो पनि पढ्नुहोस:गोरखामा पहिलो पटक ठाडो भाका प्रतियोगिता हुँदै, रास्वपाले पहिलो पटक विज्ञ र योजनाहरू आह्वान गर्ने तयारी, इन्धनको मूल्य नघटाए नेपाल आयल निगम घेराउ गर्ने चेतावनी, त्रिभुवन अन्तर्राष्ट्रिय विमानस्थलबाट गाँजाको तेलसहित एक अमेरिकी नागरिक पक्राउ, चीन युथ पायोनियर प्रोग्राम नेपाल सुरु: जेनजी युवालाई नेतृत्व तालिम र चीन भ्रमण अवसर, ट्रम्प भेटअघि चीनको कूटनीतिक दौडधुप: इरानलाई मनाउँदै, अमेरिकासँग सन्तुलन खोज्दै बेइजिङ, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply to खैरो हेरोइनसहित ३ जना पक्राउ, ७९ ग्राम लागूऔषध बरामद Cancel reply