१० वैशाख, काठमाडौं | — राष्ट्रिय मानव अधिकार आयोग ले जेनजी आन्दोलनसँग सम्बन्धित घटनामा दोषी देखिएका व्यक्तिहरूलाई कारबाही गर्न सरकारलाई छिट्टै सिफारिस गर्ने तयारी गरेको जनाएको छ।आयोगका प्रवक्ता डा. टीकाराम पोखरेल का अनुसार प्रतिवेदन तयार गर्ने अन्तिम चरणमा काम भइरहेको छ र छिट्टै सरकारलाई औपचारिक सिफारिस गरिनेछ।उनले भने, “हामी छिटोभन्दा छिटो कारबाही सिफारिस गर्ने तयारीमा छौं। मिति निश्चित नभए पनि प्रक्रिया अन्तिम चरणमा पुगेको छ।”आयोगले दोषी ठहरिएका व्यक्तिहरूविरुद्ध कारबाही सिफारिस गरेपछि उक्त प्रतिवेदन सार्वजनिक गरिने जनाएको छ, ताकि आम नागरिकले घटनाबारे विस्तृत जानकारी पाउन सकून्।
जेनजी आन्दोलनका दोषीलाई कारबाही सिफारिस छिट्टै गर्ने तयारीमा मानव अधिकार आयोग। उच्च तहका नेताहरू समेत प्रतिवेदनमा समेटिने संकेत।
उच्च तहका नेताहरू पनि प्रतिवेदनमा
स्रोतका अनुसार प्रतिवेदनमा तत्कालीन प्रधानमन्त्री केपी शर्मा ओली, तत्कालीन गृहमन्त्री रमेश लेखक तथा प्रधानसेनापति अशोकराज सिग्देल लगायत उच्च पदस्थ अधिकारीहरूको नामसमेत समेटिएको छ।जेनजी आन्दोलनका क्रममा सुरक्षा निकायले प्रभावकारी भूमिका निर्वाह गर्न नसकेको र अत्यधिक बल प्रयोग भएको निष्कर्ष आयोगले निकालेको छ।
व्यापक अनुसन्धान र फरेन्सिक अध्ययन
आयोगले ४५ जिल्लामा स्थलगत अध्ययन गर्नुका साथै ७७ वटै जिल्लाको अनुगमन गरेको जनाएको छ। साथै सयौं सीसीटीभी फुटेजको फरेन्सिक विश्लेषण गरिएको थियो।अनुसन्धानका क्रममा सामाजिक सञ्जालहरूमा हिंसात्मक गतिविधि उक्साउने सामग्री, नक्सा सेयर गर्ने र विस्फोटक बनाउने तरिका सिकाउने सामग्री समेत भेटिएको उल्लेख गरिएको छ।
७६ जनाको ज्यान गएको घटना
गत भदौ २३–२४ मा काठमाडौंमा भएको जेनजी आन्दोलन हिंसात्मक बन्दा ७६ जनाको ज्यान गएको थियो। पोस्टमार्टम रिपोर्टअनुसार अधिकांशलाई कम्मरमाथि गोली लागेको पाइएको छ।यस घटनापछि गठन गरिएको छानबिन समितिले सुरक्षा संयन्त्रको कमजोरी र बल प्रयोगको शैलीमाथि गम्भीर प्रश्न उठाएको छ।आयोगले अब तयार पारिएको प्रतिवेदन पारित भएपछि कार्यान्वयनका लागि सरकारलाई सिफारिस गर्नेछ।
यो पनि पढ्नुहोस: कहाँ पुग्यो देउवा दम्पतीविरुद्ध रेड नोटिस प्रक्रिया ?, विवादपछि सुधन गुरुङको राजीनामा, तारकेश्वरमा करेन्ट लागेर युवतीको मृत्यु, व्यवसायीले सोमबारदेखि पूर्ण तौल १४.२ किलो ग्यास सिलिन्डर बेच्ने घोषणा, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply