इरानको नयाँ प्रस्ताव अस्वीकार्य : ट्रम्पको कडा प्रतिक्रिया

१९ वैशाख,काठमाडौं | इरानले अमेरिकासँग जारी तनावबीच नयाँ वार्ता प्रस्ताव पठाएको छ, तर अमेरिकी राष्ट्रपति Donald Trump ले उक्त प्रस्तावलाई अस्वीकार्य बताएका छन्।अन्तर्राष्ट्रिय सञ्चारमाध्यमका अनुसार इरानले पाकिस्तान मार्फत अमेरिकालाई बिहीबार राति नयाँ प्रस्ताव पठाएको हो। प्रस्तावको विवरण सार्वजनिक गरिएको छैन, तर इरानी सञ्चारमाध्यमहरूले यसको पुष्टि गरेका छन्।

फ्लोरिडामा आयोजित कार्यक्रममा ट्रम्पले इरानसँगको विवाद छिट्टै समाधान नहुने संकेत गरेका छन्। उनले विशेषगरी आणविक कार्यक्रम अन्त्य नगरेसम्म कुनै पनि सम्झौता दिगो नहुने बताएका छन्।White House मा पत्रकारहरूसँग कुरा गर्दै ट्रम्पले इरानको प्रस्तावप्रति असन्तुष्टि जनाउँदै भने, “उनीहरू सम्झौता चाहन्छन्, तर प्रस्ताव स्वीकार गर्न मिल्ने खालको छैन।” उनले इरानी नेतृत्वलाई असंगत र विभाजित समेत बताएका छन्।

इरानले पाकिस्तानमार्फत अमेरिकालाई नयाँ प्रस्ताव पठाए पनि राष्ट्रपति डोनाल्ड ट्रम्पले त्यसलाई अस्वीकार्य बताएका छन्। आणविक कार्यक्रम र सैन्य तनाव अझै जारी।

यसअघि पनि Strait of Hormuz खुला गर्ने र युद्ध अन्त्य गर्ने प्रस्ताव इरानले राखेको थियो, जसमा पनि अमेरिका सन्तुष्ट थिएन।हाल अमेरिकाले लगाएको नाकाबन्दीका कारण इरानले तेल निर्यात गर्न नसकेको अवस्था छ। The Wall Street Journal का अनुसार भण्डारण क्षमता भरिँदै गएपछि इरानले पुराना ट्यांकीसमेत प्रयोग गर्न थालेको छ। यदि स्थिति लम्बियो भने तेल उत्पादनमै असर पर्ने खतरा देखिएको छ।

यसबीच Reuters ले जनाएअनुसार इरानले सम्भावित आक्रमणको आशंकामा आफ्नो हवाई प्रतिरक्षा प्रणाली सक्रिय बनाएको छ। अमेरिका तर्फबाट सैन्य शक्ति वृद्धि भइरहेका कारण तनाव झन् चर्किएको छ। इरानले पाकिस्तानमार्फत अमेरिकालाई नयाँ प्रस्ताव पठाए पनि राष्ट्रपति डोनाल्ड ट्रम्पले त्यसलाई अस्वीकार्य बताएका छन्। आणविक कार्यक्रम र सैन्य तनाव अझै जारी।

अमेरिकी रणनीतिमा छोटो तर तीव्र आक्रमण र त्यसपछि Israel को सम्भावित संलग्नता हुनसक्ने अनुमान पनि गरिएको छ।यद्यपि United States Congress का नेताहरूसँगको छलफलमा ट्रम्पले तत्काल सैन्य कारबाही नगर्ने संकेत दिएका छन्। उनले मानवीय दृष्टिकोणले युद्धभन्दा वार्तालाई प्राथमिकता दिने बताए पनि आवश्यक परे विकल्प खुला रहेको उल्लेख गरेका छन्।

यो पनि पढ्नुहोस: धनुषाबाट १३७ किलो गाँजासहित दुई जना पक्राउ,  काठमाडौंमा पेस्तोल र १६ हजार ट्रामाडोलसहित ४ जना पक्राउ,  ई–बिडिङ ह्याक काण्ड: नेपाल टेलिकम सर्भर ह्याकमा समातिएका कर्मचारी फेरि पक्राउ,  मालपोत अधिकृत र वडाध्यक्षसहित ७ जनाविरुद्ध भ्रष्टाचार मुद्दा,  किन कुमारी बैंक र सिद्धार्थ बैंकले ताने सेयर लगानीकर्तालाई?,   पर्यटन प्रवर्धन र आगन्तुकहरुको लागि Tarevir.com को सुरुवात