चिलीमा ६.९ म्याग्निच्युडको भूकम्प, तत्काल ठूलो क्षतिको खबर छैन

१२ जेठ, काठमाडौं । दक्षिण अमेरिकी देश चिलीको उत्तरी क्षेत्रमा ६.९ म्याग्निच्युडको शक्तिशाली भूकम्प गएको छ। अमेरिकी भूगर्भ सर्वेक्षण (USGS) का अनुसार भूकम्प अटाकामा मरुभूमि क्षेत्र नजिकै, कालामा सहरबाट करिब ३१ किलोमिटर दूरीमा आएको हो।भूकम्प जमिनको सतहबाट करिब १०० किलोमिटर गहिराइमा गएको जनाइएको छ। हालसम्म मानवीय क्षति वा ठूलो भौतिक क्षतिको कुनै आधिकारिक विवरण सार्वजनिक भएको छैन।

अमेरिकी भूगर्भ सर्वेक्षणले सार्वजनिक गरेको प्रारम्भिक विवरणअनुसार भूकम्पको धक्का उत्तरी चिलीका अरिका, तारापाका, एन्टोफागास्टा र अटाकामा क्षेत्रसम्म महसुस गरिएको थियो।

चिलीको उत्तरी क्षेत्रमा ६.९ म्याग्निच्युडको शक्तिशाली भूकम्प गएको छ। अमेरिकी भूगर्भ सर्वेक्षणका अनुसार हालसम्म सुनामीको जोखिम वा ठूलो मानवीय क्षतिको विवरण प्राप्त भएको छैन।

राष्ट्रिय विपद् रोकथाम तथा प्रतिक्रिया सेवाले भूकम्पपछि सुनामीको कुनै जोखिम नरहेको स्पष्ट पारेको छ। स्थानीय प्रशासनले अवस्था निगरानीमा राख्दै थप विवरण संकलन गरिरहेको जनाएको छ।चिली विश्वकै बढी भूकम्प प्रभावित मुलुकमध्ये एक मानिन्छ। यहाँ नाज्का, दक्षिण अमेरिकी र अन्टार्कटिक टेक्टोनिक प्लेटहरू आपसमा ठोक्किने भएकाले बारम्बार शक्तिशाली भूकम्प जाने गर्छन्।

यसअघि सन् १९६० मा चिलीको भाल्डिभिया क्षेत्रमा ९.५ म्याग्निच्युडको विनाशकारी भूकम्प गएको थियो, जसलाई इतिहासकै सबैभन्दा शक्तिशाली भूकम्प मानिन्छ। त्यस घटनामा हजारौं मानिसको ज्यान गएको थियो। त्यस्तै, सन् २०१० मा मध्य चिलीमा गएको ८.८ म्याग्निच्युडको भूकम्प र त्यसपछि आएको सुनामीले ५२० भन्दा बढी मानिसको मृत्यु भएको थियो।

यो पनि पढ्नुहोस: राष्ट्रिय सभाले अस्वीकृत गरे संविधान संशोधन विधेयक संयुक्त सदनमा लैजान सकिने प्रस्ताव, भारतमा फेरि बढ्यो पेट्रोल–डिजेलको मूल्य, नेपालमा पनि मूल्यवृद्धिको दबाब,  नेपाली विद्यार्थीले बनाए पानीमुनि स्क्यान गर्ने डुङ्गा, विपद् व्यवस्थापनमा उपयोगी, क्यान्सर उपचारमा संकट : जीवनरक्षक औषधि अभावले बिरामी जोखिममा,  पाँचथरको याङवरकमा बाढी–पहिरोको ठूलो क्षति, मध्यपहाडी लोकमार्ग अवरुद्ध, उच्च प्रशोधित युरेनियम विदेश नपठाउन खामेनीको निर्देशन,    पर्यटन प्रवर्धन र आगन्तुकहरुको लागि Tarevir.com को सुरुवात