१५ साउन, काठमाडौं । विवादित पृष्ठभूमिका नेपाली कांग्रेससँग आबद्ध अभिषेक गिरीविरुद्ध २१ करोड ३२ लाख ७६ हजार ५ रुपैयाँ बराबरको बिगो मागदाबी गर्दै ठगी मुद्दा दायर गरिएको छ।
प्रहरीको केन्द्रीय अनुसन्धान ब्यूरो (सीआईबी) को अनुसन्धान प्रतिवेदनका आधारमा सरकारी वकिल कार्यालयले जिल्ला अदालत काठमाडौंमा मुद्दा दायर गरेको हो।
व्यवसायीको जाहेरीपछि अनुसन्धान
व्यवसायी सुभाष श्रेष्ठले दिएको जाहेरीका आधारमा सीआईबीले गिरीलाई पक्राउ गरी अनुसन्धान अघि बढाएको थियो। अनुसन्धानका क्रममा गिरीले व्यवसायी श्रेष्ठलाई विभिन्न व्यक्तिसँग आफ्नो पहुँच रहेको भन्दै ठेक्का मिलाइदिने आश्वासन दिएर ठगी तथा आपराधिक विश्वासघात गरेको आरोप लागेको छ।
घरजग्गा र सवारीसाधन कब्जा गरेको आरोप
सीआईबीका अनुसार गिरीले व्यवसायी श्रेष्ठको बूढानीलकण्ठस्थित घरजग्गा, विभिन्न सवारीसाधन तथा निर्माण उपकरण कब्जा गरेको आरोप छ।
अनुसन्धानमा:
- ना १ क १७३७ नम्बरको स्काभेटर करिब ३० लाख रुपैयाँमा कवाडीमा बिक्री गरिएको,
- लु १ क १५०६ नम्बरको टिपर ४० लाख रुपैयाँमा बिक्री गरिएको भन्ने भिडियो प्रमाण फेला परेको प्रहरीले जनाएको छ।
बैंक चेक र जग्गा कारोबारमा पनि आरोप
अनुसन्धान प्रतिवेदनअनुसार गिरीले:
- श्रेष्ठ कन्स्ट्रक्सन प्रालिको नबिल बैंकको खाली चेक जबरजस्ती लिई ५ करोड ४५ लाख ६० हजार ५०५ रुपैयाँ उल्लेख गरी दुरुपयोग गर्न खोजेको,
- हेटौंडास्थित जग्गाको बैनाबापत १ करोड ३० लाख रुपैयाँ कब्जा गरेको,
- विश्वासघातका कारण १३ करोड ८७ लाख १५ हजार ५ सय रुपैयाँ बराबरको फोर्स लोनको भार कम्पनीमाथि परेको आरोप छ।
त्यसैगरी करिब ३ करोड ८७ लाख रुपैयाँ मूल्यको बूढानीलकण्ठस्थित घरजग्गा तथा पानी ट्यांकर, ट्रिपर र ग्रेडरसमेत कब्जा गरेको आरोप अनुसन्धानमा उल्लेख गरिएको छ।
विगतमा पनि कैद सजाय भोगेका थिए
अभिषेक गिरी यसअघि अपहरण तथा शरीर बन्धक सम्बन्धी मुद्दामा दोषी ठहर भई ९ वर्ष कैद सजाय भोगेका थिए। उनी २०७९ चैत ५ गते कारागारबाट रिहा भएका थिए। रिहाइपछि पनि धम्की र ठगीका गतिविधिमा संलग्न भएको आरोप लागेपछि उनीमाथि पुनः अनुसन्धान भएको हो।
राजनीतिक गतिविधिमा पनि सक्रिय
गिरी पछिल्लो समय राजनीतिक गतिविधिमा पनि सक्रिय देखिएका थिए। उनी गत निर्वाचनमा कांग्रेस महामन्त्री गुरुराज घिमिरेको चुनावी अभियानमा मोरङ–४ मा सक्रिय रहेका थिए। साथै, आफू कांग्रेसको विराटनगर महानगर समिति सभापतिको दाबेदार रहेको दाबी पनि गर्दै आएका थिए।हाल उनीविरुद्ध दायर भएको मुद्दामाथि काठमाडौं जिल्ला अदालतमा कानुनी प्रक्रिया अघि बढिरहेको छ।
यो पनि पढ्नुहोस:एक वर्षभित्र म्याद सकिने लाइसेन्स नजिकको कार्यालयबाट नवीकरण गर्न विभागको आग्रह, एनसेल र स्मार्ट टेलिकम प्रकरणमा व्यवसायी उपेन्द्र महतोसँग सीआईबीको सोधपुछ, अमेरिका र साउदीले इराकमा हवाई हमला, इरान समर्थित समूहलाई लक्ष्य बनाएको दाबी, देवानगञ्ज घटनापछि सिंहदरबारमा सर्वदलीय बैठक सुरु, शीर्ष नेताहरू सहभागी, रासायनिक मल लिन गएका दुई नेपाली भारतीय जेलमा, रिहाइमा सहजीकरण गर्न कांग्रेसको माग, झापाको बोर्डिङ स्कुलमा शिक्षिकाको शव फेला, श्रीमान् सम्पर्कविहीन, टिकटकमा देखिएको ९ हजारको चाँदीको हार किन्न खोज्दा यसरी लुटियो ९७ हजार रुपैयाँ, युरोपमा भीषण वनडढेलो: फ्रान्स र स्पेनमा ३ लाखभन्दा बढी विस्थापित पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply