२० वैशाख, काठमाडौं । लगातारको वर्षाका कारण देशका विभिन्न स्थानमा पहिरो खस्दा प्रमुख राजमार्गहरूमा यातायात सेवा प्रभावित भएको छ। नेपाल प्रहरी का अनुसार बागमती, गण्डकी र कोशी प्रदेशका महत्वपूर्ण सडक खण्डहरूमा अवरोध सिर्जना भएको हो। काठमाडौंलाई हेटौँडासँग जोड्ने छोटो दूरीको वैकल्पिक मार्ग कान्ति लोकपथ पूर्ण रूपमा अवरुद्ध भएको छ। ललितपुरको बागमती गाउँपालिका–३ पाण्डुर र मकवानपुरको भीमफेदी गाउँपालिका–८ भन्ज्याङडाँडामा बिहान करिब ५:५५ बजे पहिरो खसेपछि सडक बन्द भएको हो।
त्यसैगरी, अरनिको राजमार्ग पनि सिन्धुपाल्चोकको भोटेकोशी गाउँपालिका–२ कोदारीस्थित इकु क्षेत्रमा आएको पहिरोका कारण पूर्ण रूपमा ठप्प भएको छ। यो सडक केही समयदेखि निरन्तर प्रभावित रहँदै आएको छ।
यसैबीच, मध्यपहाडी लोकमार्ग अन्तर्गत लमजुङको मध्यनेपाल नगरपालिका–१० बिमिरेभन्ज्याङमा बिहान ६:५० बजे पहिरो खसेपछि सडक पूर्ण रूपमा बन्द भएको छ। म्याग्दीको बेनी–जोमसोम सडकखण्ड अन्तर्गत अन्नपूर्ण गाउँपालिका–३ जलथले क्षेत्रमा पनि पहिरो खस्दा सडक एकतर्फी रूपमा मात्रै सञ्चालन भइरहेको छ।
निरन्तर वर्षाका कारण कान्ति लोकपथ, अरनिको राजमार्गसहित नेपालका विभिन्न सडक अवरुद्ध। पहिरो र बाढीले यातायात सेवा प्रभावित, वैकल्पिक मार्ग प्रयोगको सुझाव।
कोशी प्रदेशको भोजपुर नगरपालिका–५ बोखिम क्षेत्रमा बाढीका कारण मध्यपहाडी लोकमार्ग प्रभावित भए पनि वैकल्पिक मार्ग प्रयोग गरी यातायात एकतर्फी रूपमा सञ्चालन गरिएको प्रहरीले जनाएको छ।
यो पनि पढ्नुहोस:रवि लामिछाने र ट्रम्पका दूत सर्जियो गोरबीच भेट, आर्थिक सहकार्यमा छलफल, धनुषाबाट १३७ किलो गाँजासहित दुई जना पक्राउ, काठमाडौंमा पेस्तोल र १६ हजार ट्रामाडोलसहित ४ जना पक्राउ, ई–बिडिङ ह्याक काण्ड: नेपाल टेलिकम सर्भर ह्याकमा समातिएका कर्मचारी फेरि पक्राउ, मालपोत अधिकृत र वडाध्यक्षसहित ७ जनाविरुद्ध भ्रष्टाचार मुद्दा, किन कुमारी बैंक र सिद्धार्थ बैंकले ताने सेयर लगानीकर्तालाई?, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply