१८ वैशाख, काठमाडौं । उपत्यकामा डेरा खोज्ने नाटक गर्दै महिलालाई लक्ष्य बनाएर सुनका गरगहना लुट्ने गिरोह सक्रिय रहेको खुलासा भएको छ। पछिल्ला केही सातामा एकै शैलीका घटनाहरू बढेपछि प्रहरीले विशेष अनुसन्धान गरी समूहलाई पक्राउ गरेको हो। चन्द्रागिरि नगरपालिका क्षेत्रलाई केन्द्र बनाएर यो गिरोहले वृद्ध तथा एक्लै हिँडिरहेका महिलालाई लक्षित गर्ने गरेको पाइएको छ। उनीहरू मोटरसाइकलमा पुगेर “यहाँ डेरा पाइन्छ?” भन्दै कुरा सुरु गर्थे र अवसर पाउनेबित्तिकै सुनको सिक्री झिकेर फरार हुने गर्थे।
चैत १९ गते मितेरी चोकमा ७० वर्षीया महिलामाथि भएको लुटपाटपछि घटना सार्वजनिक भएको थियो। त्यसअघि पनि मातातीर्थ र घुमाउने क्षेत्रमा समान तरिकाबाट सिक्री लुटिएको थियो। लगातार घटना दोहोरिएपछि प्रहरीले अनुसन्धान तीव्र बनाएको थियो। जिल्ला प्रहरी परिसर काठमाडौंका अनुसार वैशाख ११ गते उक्त गिरोहका चार जनालाई तारकेश्वर नगरपालिकाबाट पक्राउ गरिएको हो। पक्राउ पर्नेमा सविन तामाङ, विमल तामाङ, सुजन तामाङ र सतिश अमात्य रहेका छन्।
थप अनुसन्धानका क्रममा उपत्यका अपराध अनुसन्धान कार्यालयले सुमन तामाङ र विजय तामाङलाई पनि पक्राउ गरेको जनाएको छ।प्रहरीका अनुसार यो समूहले काठमाडौंका कम्तीमा ७ स्थानमा महिलामाथि लुटपाट गरेको पुष्टि भएको छ। स्वयम्भू, कीर्तिपुर, बालाजु, सुकेधारा, थानकोट, नैकाप र मातातीर्थ क्षेत्रमा यस्ता घटना भएको खुलेको छ।
काठमाडौंमा डेरा खोज्ने निहुँमा महिलामाथि सुनका गरगहना लुट्ने गिरोह पक्राउ । ७ ठाउँमा लुटपाट, ६ जना नियन्त्रणमा, चोरीका मोटरसाइकल बरामद।
लुटपाटका लागि उनीहरूले चोरीका मोटरसाइकल प्रयोग गर्ने र केही दूरी पार गरेपछि ती सवारी छाडेर फरक साधन प्रयोग गरी भाग्ने रणनीति अपनाउने गरेका थिए। प्रहरीले उनीहरूको साथबाट दुई वटा चोरीका मोटरसाइकल समेत बरामद गरेको छ।अनुसन्धानबाट दिउँसो १२ बजेदेखि ५ बजेसम्म उनीहरू बढी सक्रिय हुने गरेको देखिएको छ। मानिसहरूको चहलपहल कम हुने समय रोजेर उनीहरूले अपराध गर्ने गरेका थिए।प्रहरीले सर्वसाधारणलाई अपरिचित व्यक्तिसँग सतर्क रहन, विशेषगरी सुनका गरगहना लगाएर एक्लै हिँड्दा सावधानी अपनाउन आग्रह गरेको छ।
यो पनि पढ्नुहोस: विश्वभर २५८८औँ बुद्ध जयन्ती मनाइँदै, यस्तो छ यसको विशेष महत्व, त्रिविका शीर्ष पदाधिकारीको राजीनामा घोषणा, सरकारलाई मार्ग खुला गर्ने निर्णय, सरकारले ल्याएका अध्यादेशबारे छलफल गर्न विपक्षी दलको बैठक बस्दै, मालपोत अधिकृत र वडाध्यक्षसहित ७ जनाविरुद्ध भ्रष्टाचार मुद्दा, किन कुमारी बैंक र सिद्धार्थ बैंकले ताने सेयर लगानीकर्तालाई?, बुटवल स्कुटर दुर्घटनामा २ जनाको मृत्यु, एक जना सख्त घाइते, पहुँचका आधारमा कर्मचारीले लिएको चारपांग्रे सुविधा खोस्दै सरकार, ७ निर्माण कम्पनी कालोसूचीमा (सूचीसहित), कांग्रेसले संसदीय दलको नेता चयन गर्ने तयारी गरेको छ, लागुऔषधसहित विभिन्न स्थानबाट ४१ जना पक्राउ, छिटो मल आयातले टऱ्यो ठूलो संकट, अहिले के छ नेपालको अवस्था?, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply