२५ असार, काठमाडौं । राहदानी विभाग परिसरमा भएको आगलागीको घटनामा गम्भीर घाइते भएका २६ वर्षीय गणेश नेपालीको वीर अस्पतालमा सघन उपचार भइरहेको छ। चिकित्सकका अनुसार उनको शरीरको ठूलो भाग जलेको छ र अवस्था चिन्ताजनक रहेको छ। मुगुको सोरु गाउँपालिका–१ स्थायी घर भएका गणेश हाल भक्तपुरको कमलविनायकमा बस्दै आएका थिए। उनी करिब साढे दुई वर्षदेखि पठाओ चलाएर जीविकोपार्जन गर्दै आएका थिए। कृषि विषयमा जेटी (जुनियर टेक्निसियन) अध्ययन गरेका उनले काठमाडौं आएपछि रोजगारी नपाएपछि राइड-सेयरिङ सेवामार्फत परिवारको खर्च धान्दै आएका थिए।
परिवारका सदस्यका अनुसार गणेशको व्यवहार सामान्य थियो र उनी वैदेशिक रोजगारीमा जाने तयारीमा पनि थिए। दाजु मदन नेपालीले केही दिनअघि भाइले विदेश जाने योजनाबारे आफूहरूसँग छलफल गरेको बताए। मदनका अनुसार घटना भएको दिन बिहान पनि गणेशसँग सामान्य भेटघाट भएको थियो। त्यसबेला उनको व्यवहारमा कुनै अस्वाभाविक परिवर्तन नदेखिएको उनले बताए।
अस्पताल पुगेपछि गणेशले निकै कठिनाइका साथ केही शब्द मात्रै बोल्न सकेको मदनले बताए। उनले आफूले महानगर प्रहरीसँग विवाद भएको संकेत गरेको सुनाए। यद्यपि घटनाको वास्तविक कारणबारे आधिकारिक रूपमा पुष्टि भइसकेको छैन र सम्बन्धित निकायले अनुसन्धान गरिरहेको छ। परिवारका अनुसार गणेश ठूलो आर्थिक ऋण वा पारिवारिक समस्यामा थिएनन्। उनी शान्त स्वभावका, आफ्नो काममा केन्द्रित रहने र अनावश्यक विवादबाट टाढा रहने व्यक्ति भएको दाजु मदनले बताए।
गणेशका श्रीमती, दुई वर्षीया छोरी तथा वृद्ध आमाबुबा गाउँमै बस्दै आएका छन्। परिवारको मुख्य आम्दानीको स्रोत उनी नै भएकाले अहिले उपचार खर्च जुटाउन समेत कठिनाइ भइरहेको परिवारले जनाएको छ। गणेशका जेठान विकास नेपालीले पनि घटनाको वास्तविक कारणबारे आफूहरू अनभिज्ञ रहेको बताए। सञ्चार माध्यमबाट घटना थाहा पाएको उल्लेख गर्दै उनले सम्बन्धित निकायले निष्पक्ष अनुसन्धान गरेर सत्य बाहिर ल्याउनुपर्ने बताए।
चिकित्सक: प्रारम्भिक अवस्था अत्यन्त संवेदनशील | घाइते गणेश नेपालीको अवस्था चिन्ताजनक
उपचारमा संलग्न प्लास्टिक सर्जन डा. पियुष दाहालका अनुसार गणेशको अनुहार, घाँटी, छाती, दुवै हात तथा खुट्टाको केही भागमा गम्भीर जलन भएको छ। चिकित्सकका अनुसार उनको शरीरको करिब ६० प्रतिशत भाग जलेको प्रारम्भिक अनुमान गरिएको छ। उनलाई सघन उपचार कक्ष (आईसीयू)मा राखेर उपचार भइरहेको छ।
विशेषज्ञहरूका अनुसार शरीरको ठूलो भाग जलेका बिरामीमा संक्रमण, श्वासप्रश्वासमा समस्या, शरीरमा तरल पदार्थको कमी तथा अन्य जटिलता देखिन सक्ने भएकाले प्रारम्भिक २४ देखि ७२ घण्टा उपचारका दृष्टिले अत्यन्त महत्वपूर्ण मानिन्छ। यस घटनाबारे सम्बन्धित निकायले अनुसन्धान अघि बढाएको जनाएको छ।
यो पनि पढ्नुहोस:नक्कली भुटानी शरणार्थी प्रकरण: १५ जना दोषी, कसलाई कति सजाय हुन सक्छ?, शिक्षा नियमावली संशोधन: विद्यालय समितिमा दलका सदस्य निषेध, पीआरधारीलाई पेन्सन नपाइने, श्रीमती हत्या आरोपमा फरार रहेका युवक सात वर्षपछि पक्राउ, नेपाल टेलिकमका सिमकार्ड अब हुलाकमार्फत घरमै, साउन १ देखि सेवा सुरु, आज ७ सडक पूर्ण रूपमा बन्द, ४ सडकमा एकतर्फी मात्रै सवारी सञ्चालन, १ करोड भन्दा बढीको क्रिप्टो कारोबार गरेको आरोपमा युवक पक्राउ, बर्डफ्लु संक्रमित भएका कुखुरा, हाँस, बट्टाइल बिक्री गरेमा कारबाही, साउनदेखि सञ्चालनमा आउँदै नागढुंगा सुरुङमार्ग, अन्तिम परीक्षण सफल, गुल्मीमा बँदेलका लागि थापिएको विद्युतीय पासोमा परेर श्रीमतीको मृत्यु, श्रीमान् पक्राउ, , पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply