८ साउन, काठमाडौं । प्रहरी महानिरीक्षक (आइजिपी) दानबहादुर कार्कीले खुला सीमाका कारण भारत हुँदै पाकिस्तानी, सोमालियाली तथा रोहिंग्या शरणार्थीहरू अवैध रूपमा नेपाल प्रवेश गर्ने क्रम बढेको बताएका छन्। उनले सीमा सुरक्षा, अन्तरदेशीय अपराध र मानव तस्करी नेपालका लागि प्रमुख सुरक्षा चुनौती बनेको उल्लेख गरे।
खुला सीमाले बढायो सुरक्षा चुनौती
शुक्रबार सिंहदरबारमा आयोजित संघीयता सबलीकरण तथा राष्ट्रिय सरोकार समितिको बैठकमा बोल्दै आइजिपी कार्कीले खुला सीमाको फाइदा उठाएर विभिन्न प्रकारका अपराध बढिरहेको जानकारी दिए।उनका अनुसार हातहतियार तथा लागुऔषध तस्करी, अन्तरदेशीय संगठित अपराध, साइबर ठगी, अनलाइन स्क्यामिङ, मानव बेचबिखन, अवैध वैदेशिक रोजगारी, बैंकिङ ठगी र अनलाइन सट्टेबाजीजस्ता गतिविधि नियन्त्रण गर्नु प्रहरीका लागि ठूलो चुनौती बनेको छ।
ड्रोन, स्क्यानर र के–९ कुकुरबाट निगरानी
कार्कीले सीमा सुरक्षालाई प्रभावकारी बनाउन नेपाल प्रहरीले नियमित गस्तीका साथै ड्रोन, स्क्यानर र तालिमप्राप्त के–९ (केनाइन) कुकुरको प्रयोग गर्दै निगरानी बढाएको बताए।उपकरण सीमित भए पनि संवेदनशील सीमावर्ती क्षेत्रमा आधुनिक प्रविधि प्रयोग गरेर सुरक्षा व्यवस्था सुदृढ बनाइएको उनको भनाइ थियो।
रोहिंग्यासहित विदेशी नागरिकमाथि निगरानी
आइजिपी कार्कीका अनुसार भारतबाट नेपाल प्रवेश गरी विभिन्न स्थानमा बसोबास गर्ने प्रयास गर्ने रोहिंग्या, पाकिस्तानी तथा सोमालियाली नागरिकहरूलाई पहिचान गरी नियन्त्रणमा लिई सम्बन्धित निकायलाई बुझाउने काम भइरहेको छ।उनले केही विदेशी नागरिक लागुऔषध कारोबारलगायत सुरक्षा संवेदनशील गतिविधिमा संलग्न रहेको पनि जानकारी दिए।
वैदेशिक रोजगारीको नाममा ठगी बढ्दो
श्रम स्वीकृति नलिई भारत हुँदै तेस्रो मुलुक जाने प्रवृत्तिले मानव तस्करीको जोखिम बढाएको आइजिपी कार्कीले बताए।उनका अनुसार वैदेशिक रोजगारीको प्रलोभन देखाएर हुने ठगी, ओटिपीमार्फत बैंकिङ फ्रड तथा साइबर अपराधका कारण सर्वसाधारणले अर्बौं रुपैयाँ गुमाइरहेका छन्।
भारतीय हिरासतमा रहेका नेपालीबारे पहल
बैठकमा उनले दक्षिणी सीमामा मल खरिद–बिक्रीसँग सम्बन्धित तस्करी प्रकरणमा पक्राउ परेका केही नेपाली भारतीय प्रहरीको हिरासतमा रहेको जानकारी पनि दिए।उनका अनुसार ‘पुलिस टु पुलिस’ समन्वय र कूटनीतिक पहलमार्फत कानुनी प्रक्रिया अघि बढाइएको छ र आवश्यक प्रक्रिया पूरा भएपछि उनीहरू रिहा हुने अपेक्षा गरिएको छ।
यो पनि पढ्नुहोस: बंगलादेशका राष्ट्रपति शाहावुद्दिनले दिए राजीनामा, आन्दोलित छन् भक्तपुर क्यान्सर अस्पतालका कर्मचारी, विदेशीसँग बिहे गरेकै कारण वंशजको नागरिकता रोक्न नमिल्ने सर्वोच्चको व्याख्या–, काठमाडौंको माकालबारीमा युवतीले युवतीले आगो लगाएर गरिन् आत्मदाह प्रयास, कीर्तिपुरमा उपचार हुँदै, कञ्चनपुरमा च्याउ खोज्न जंगल गएका १४ महिला सम्पर्कविहीन, , धेरै सन्तान जन्माउने दम्पतीलाई प्रोत्साहन, ५ हजारदेखि २० हजारसम्म प्रदान, कपनमा मोटरसाइकल दुर्घटना, एक जनाको मृत्यु, साउनमा ६ वाणिज्य बैंकले घटाए ब्याजदर, कन्सल्टेन्सीमा सरकारको कडाइ, २५ लाख रुपैयाँ धरौटी व्यवसायी चरणबद्ध आन्दोलनमा, कोशी अस्पतालको सरकारी जग्गामा डोजर, गुल्मीमा बँदेलका लागि थापिएको विद्युतीय पासोमा परेर श्रीमतीको मृत्यु, श्रीमान् पक्राउ, , पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply