१५ असार, काठमाडौं । युरोपमा यस वर्षको गर्मीयाम सुरु भएसँगै फैलिएको भीषण तातो लहरले ठूलो मानवीय क्षति पुर्याएको छ। विश्व स्वास्थ्य संगठन (डब्ल्यूएचओ) का अनुसार गत जुन २१ यता उच्च तापक्रमका कारण कम्तीमा १ हजार ३ सय जनाले ज्यान गुमाइसकेका छन्। डब्ल्यूएचओका महानिर्देशक टेड्रोस अधानोम गेब्रेयसस ले सामाजिक सञ्जाल एक्समार्फत सार्वजनिक गरेको जानकारीअनुसार अत्यधिक गर्मीका कारण हुने स्वास्थ्य समस्या अपेक्षाभन्दा गम्भीर बन्दै गएको छ। उनले उच्च तापक्रमलाई “मौन हत्यारा” को संज्ञा दिँदै धेरै मृत्यु प्रत्यक्ष रूपमा गर्मीसँग जोडिए पनि त्यसबारे पर्याप्त चर्चा नहुने बताए।
उनका अनुसार युरोपका अधिकांश घर, विद्यालय र कार्यस्थल अहिले देखिएको चरम तापक्रम सामना गर्न आवश्यक पूर्वतयारीमा छैनन्। जलवायु परिवर्तनका कारण युरोप अन्य महादेशको तुलनामा धेरै तीव्र गतिमा तातिरहेको र यहाँ तापक्रम वृद्धि विश्व औसतभन्दा झन्डै दोब्बर रहेको उनले उल्लेख गरेका छन्। बीबीसीका अनुसार आइतबार जर्मनी, पोल्यान्ड र चेक गणतन्त्रमा तापक्रमले नयाँ रेकर्ड कायम गरेको छ। मौसमविद्हरूले यो गर्मीको लहर पूर्वी युरोपतर्फ थप फैलिने चेतावनी दिएका छन्।
युरोपमा जारी भीषण तातो लहरका कारण १,३०० भन्दा बढी मानिसको मृत्यु भएको डब्ल्यूएचओले जनाएको छ। उच्च तापक्रमले जर्मनी, पोल्यान्ड, चेक गणतन्त्रलगायत देश प्रभावित भएका छन्।
उता, फ्रान्सको स्वास्थ्य मन्त्रालयले पनि पछिल्ला केही दिनमा देशभर अपेक्षाभन्दा करिब एक हजार बढी अतिरिक्त मृत्यु भएको जनाएको छ। तीमध्ये अधिकांश ६५ वर्षभन्दा माथिका ज्येष्ठ नागरिक रहेको मन्त्रालयले जानकारी दिएको छ।
फ्रान्समा घरमै हुने मृत्युको संख्या पनि उल्लेखनीय रूपमा बढेको छ। मन्त्रालयका अनुसार सामान्य अवस्थाको तुलनामा घरमा हुने मृत्यु करिब ४० प्रतिशतले वृद्धि भएको छ। स्वास्थ्य विज्ञहरूले अत्यधिक गर्मीका बेला पर्याप्त पानी पिउन, दिउँसोको चर्को घामबाट जोगिन र ज्येष्ठ नागरिक तथा दीर्घरोगीको विशेष हेरचाह गर्न आग्रह गरेका छन्.
यो पनि पढ्नुहोस:आठ विश्वविद्यालयका उपकुलपति छनोट प्रक्रिया सुरु, अन्तर्वार्ता र कार्ययोजना प्रस्तुतीकरण हुँदै, हुरीबाट शुक्लाफाँटका ८० परिवार प्रभावित, ६० घर र २० गोठमा क्षति, तीन वर्षदेखि कोमामा रहेकी थाइल्याण्डकी राजकुमारी बजरकितियाभाको निधन, केन्द्रले कर्णालीमा अनुदान बढायो, प्रमुख चुनौती कार्यान्वयन, अमेरिका पठाउने बहानामा ३८ लाख ठगी गर्ने महिला पक्राउ, फ्लाई दुबईलाई पोखरा–दुबई सिधा उडान अनुमति, पर्यटन व्यवसायी उत्साहित, इरानले अमेरिकी अपाचे हेलिकोप्टर खसाल्यो, अमेरिकाद्वारा केशम टापुमा प्रतिआक्रमण, बीवाईडी प्रकरणमा एमालेको घोटाला आरोप, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply