२ साउन, तेह्रथुम । घट्दो जन्मदर, बढ्दो बसाइँसराइ र गाउँ रित्तिँदै जाने समस्यालाई सम्बोधन गर्न तेह्रथुमको छथर गाउँपालिकाले धेरै सन्तान जन्माउने परिवारलाई प्रोत्साहनस्वरूप आर्थिक सहयोग गर्ने योजना सञ्चालन गरेको छ। गाउँपालिकाले ‘बालबालिका जीवन सुरक्षा कार्यक्रम’ अन्तर्गत जन्मिने बालबालिकाको नाममा बचत रकम जम्मा गर्ने व्यवस्था गरेको हो। संशोधित कार्यविधिअनुसार पहिलो सन्तानका लागि ५ हजार रुपैयाँ, दोस्रोका लागि १० हजार रुपैयाँ, तेस्रोका लागि १५ हजार रुपैयाँ तथा चौथो र सोभन्दा माथिका सन्तानका लागि २० हजार रुपैयाँ बचत गरिनेछ।
धेरै सन्तान जन्माउने दम्पतीलाई प्रोत्साहन, ५ हजारदेखि २० हजारसम्म प्रदान | जन्मिनेबित्तिकै भविष्य सुरक्षित गर्ने योजना
यो कार्यक्रम २०८१ साल भदौ २९ गते राष्ट्रिय बाल दिवसको अवसरमा सुरु गरिएको थियो। जन्मिने प्रत्येक बालबालिकाको नाममा बचत गर्दै भविष्यको आर्थिक आधार तयार गर्ने उद्देश्यले कार्यक्रम सञ्चालन गरिएको गाउँपालिकाले जनाएको छ। कार्यक्रमको पहिलो वर्ष ५३ जना नवजात शिशु लाभान्वित भएका थिए। आर्थिक वर्ष २०८२/८३ मा भने लाभग्राहीको संख्या बढेर ७४ जना पुगेको सामाजिक सुरक्षा तथा पञ्जीकरण शाखाले जनाएको छ।
जनसंख्या वृद्धि गर्न प्रोत्साहन
संशोधित व्यवस्थाअनुसार दोस्रो, तेस्रो र चौथो सन्तानका लागि क्रमशः बढी रकम उपलब्ध गराउने नीति लागू गरिएको छ। गाउँपालिकाका अनुसार पछिल्लो समय घट्दो जन्मदरलाई सम्बोधन गर्दै जनसंख्या वृद्धि गर्न प्रोत्साहन दिने उद्देश्यले यस्तो व्यवस्था गरिएको हो।
गाउँपालिका अध्यक्ष सन्तवीर लिम्बूले जन्मिने प्रत्येक बालबालिकाको भविष्य सुरक्षित गर्न सानो बचतले शिक्षा, स्वास्थ्य र अन्य आवश्यकतामा दीर्घकालीन सहयोग पुग्ने विश्वास व्यक्त गरेका छन्। चालु आर्थिक वर्षमा पहिलो सन्तान २५ जना, दोस्रो ३३ जना, तेस्रो १० जना, चौथो ४ जना तथा पाँचौँ र छैटौँ सन्तानका १–१ जना यस कार्यक्रमबाट लाभान्वित भएका छन्।
अन्य सामाजिक सुरक्षा कार्यक्रम पनि सञ्चालन
छथर गाउँपालिकाले बालबालिका जीवन सुरक्षा कार्यक्रमसँगै विभिन्न सामाजिक सुरक्षा कार्यक्रम पनि सञ्चालन गर्दै आएको छ। तीमध्ये प्रमुख कार्यक्रमहरू:
- ज्येष्ठ नागरिक एकल पुरुष सम्मान कार्यक्रम अन्तर्गत वार्षिक १२ हजार रुपैयाँ सहयोग
- घरदैलो स्वास्थ्य उपचार सेवा मार्फत ज्येष्ठ नागरिकलाई घरमै स्वास्थ्य सेवा
- जनता आवास कार्यक्रम मार्फत विपन्न तथा आवासविहीन परिवारलाई सहयोग
- मलामी खाजा सहयोग कार्यक्रम
- भोका नागरिकलाई खाना कार्यक्रम
- खाद्य रोजगारी कार्यक्रम मार्फत श्रमसँगै खाद्यान्न तथा सहयोग उपलब्ध गराउने व्यवस्था
गाउँपालिकाले भौतिक पूर्वाधारसँगै सामाजिक सुरक्षा, जनसंख्या व्यवस्थापन र नागरिकको जीवनस्तर सुधारलाई प्राथमिकता दिँदै यस्ता कार्यक्रम सञ्चालन गरिरहेको जनाएको छ। @image AI
यो पनि पढ्नुहोस:कपनमा मोटरसाइकल दुर्घटना, एक जनाको मृत्यु, साउनमा ६ वाणिज्य बैंकले घटाए ब्याजदर, कन्सल्टेन्सीमा सरकारको कडाइ, २५ लाख रुपैयाँ धरौटी व्यवसायी चरणबद्ध आन्दोलनमा, काठमाडौं उपत्यकाबाट शंकास्पद गतिविधिमा संलग्न ६४ जना पक्राउ, बाढी–पहिरोले मुख्य राजमार्ग प्रभावित, यात्रामा सावधानी अपनाउन आग्रह, कोशी अस्पतालको सरकारी जग्गामा डोजर, २६ व्यावसायिक सटर हटाइयो, बझाङ जिप दुर्घटना : ६ गम्भीर घाइतेलाई हेलिकप्टरमार्फत नेपालगन्ज रिफर, इरानले होर्मुज जलमार्ग बन्द गरेको घोषणा, अमेरिकासँग तनाव थप चुलियो, जडीबुटी क्षेत्रमा यात्रु तानातान गर्ने आरोपमा ३२ जना पक्राउ, चीनको फुजियानमा जुत्ता कारखानामा भीषण आगलागी, गुल्मीमा बँदेलका लागि थापिएको विद्युतीय पासोमा परेर श्रीमतीको मृत्यु, श्रीमान् पक्राउ, , पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply