२४ जेठ, काठमाडौं । पोखरा महानगरपालिकाको बसपार्क क्षेत्रमा रहेका अतिक्रमित घर तथा अन्य भौतिक संरचनाहरू स्थानीयवासीले आफैं हटाउन थालेका छन्।महानगरपालिकाले उक्त क्षेत्रमा रहेका संरचनाहरू हटाउन १५ दिनको समयसीमा सहित सूचना जारी गरेको थियो। सो समयसीमा आइतबार सकिन लाग्दा स्थानीयले स्वेच्छाले आफ्ना घर, टहरा तथा अन्य संरचना हटाउने काम सुरु गरेका हुन्। व्यवस्थित र आधुनिक बसपार्क निर्माणको योजनालाई सहयोग पुर्याउने उद्देश्यले जग्गाधनी तथा स्थानीय बासिन्दाले घर भत्काउने, सामग्री व्यवस्थापन गर्ने तथा सामान सुरक्षित स्थानमा सार्ने काम गरिरहेका छन्।
पोखरा बसपार्क क्षेत्रमा महानगरको १५ दिने सूचनापछि स्थानीयवासीले आफैं घर–टहरा हटाउन थालेका छन्। व्यवस्थित बसपार्क निर्माणका लागि सहयोग गर्दै स्थानीयले सामान सुरक्षित स्थानमा सारिरहेका छन्।
स्थानीयवासीका अनुसार विकास निर्माणका योजनालाई सफल बनाउन महानगरपालिकासँग सहकार्य गर्नु आवश्यक रहेको भन्दै बसपार्क निर्माणका लागि सहज वातावरण तयार पार्न आफूहरू सकारात्मक रहेको बताएका छन्। बसपार्क निर्माणका लागि विसं २०३० मा अधिग्रहण गरिएको जग्गासम्बन्धी सट्टापट्टा, बिक्री–वितरण तथा क्षतिपूर्ति वितरण प्रक्रियामा उठेका गुनासा र विवादबारे अध्ययन गर्न तीन सदस्यीय छानबिन समिति पनि गठन गरिएको छ।
पोखरा उपत्यका नगर विकास समितिले पूर्वन्यायाधीश शंकरराज बरालको संयोजकत्वमा जेठ १३ गते समिति गठन गरेको हो। समितिलाई १५ दिनभित्र प्रतिवेदन पेश गर्ने जिम्मेवारी दिइएको छ। महानगरपालिकाको बसपार्क निर्माण योजना अगाडि बढ्दै जाँदा स्थानीयको स्वस्फूर्त सहयोगले परियोजना कार्यान्वयनमा सहजता आउने अपेक्षा गरिएको छ।
यो पनि पढ्नुहोस: भारतीय विदेशमन्त्रीसँग परराष्ट्रमन्त्री शिशिर खनालले भने– नेपाल सरकारसँग कुनै पुरानो बोझ छैन, विश्व वातावरण दिवस २०२६ देशभर विभिन्न कार्यक्रमसहित मनाइँदै, कोरला नाकाबाट भित्रिएका ७५० विद्युतीय गाडी नियन्त्रणमा, सांसदलाई ४ अर्ब ३२ करोड बजेट बाँड्दै बागमती सरकार, प्रत्यक्ष सांसदलाई ५ करोडसम्म, सरकारले २५ संस्था खारेज , बैंकमा निष्क्रिय रहेको कोषको रकम सरकारले चलाउने, हकवालाले दाबी गरे फिर्ता हुने, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply