भारतमा फेरि बढ्यो पेट्रोल–डिजेलको मूल्य, नेपालमा पनि मूल्यवृद्धिको दबाब

१० जेठ, काठमाडौं । भारतमा पेट्रोल र डिजेलको मूल्य फेरि बढाइएको छ। पछिल्लो ९ दिनभित्र तेस्रो पटक गरिएको मूल्यवृद्धिपछि नेपालमा पनि यसको असर पर्ने सम्भावना बढेको छ।भारतीय सञ्चारमाध्यमहरूका अनुसार दिल्लीमा पेट्रोलको मूल्य प्रतिलिटर ८७ पैसा बढेर ९९.५१ भारतीय रुपैयाँ पुगेको छ भने डिजेलको मूल्य ९१ पैसा बढेर ९२.४९ रुपैयाँ पुगेको छ।

यसअघि मे १५ मा पेट्रोल र डिजेलमा प्रतिलिटर ३ रुपैयाँ वृद्धि गरिएको थियो। त्यसपछि मे १९ मा पुनः औसत ९० पैसा मूल्य बढाइएको थियो।नेपालले अधिकांश पेट्रोलियम पदार्थ भारतबाट आयात गर्ने भएकाले भारतमा हुने मूल्य परिवर्तनको प्रत्यक्ष असर नेपाली बजारमा पनि पर्ने सम्भावना रहेको जानकारहरू बताउँछन्।नेपाल आयल निगमले भारतीय आयल कर्पोरेसन (आईओसी) बाट इन्धन खरिद गर्दै आएको छ। नयाँ मूल्यसूची उच्च दरमा आएमा निगमको लागत बढ्ने र त्यसअनुसार नेपालमा पनि मूल्य समायोजन गर्नुपर्ने अवस्था आउन सक्ने निगम स्रोतले जनाएको छ।

भारतमा तेस्रो पटक पेट्रोल र डिजेलको मूल्य बढेको छ। अन्तर्राष्ट्रिय बजारमा कच्चा तेल महँगिएसँगै नेपालमा पनि इन्धनको मूल्य बढ्न सक्ने संकेत देखिएको छ।

हाल नेपाल आयल निगमले अन्तर्राष्ट्रिय बजारको अवस्था तथा खरिद मूल्यलाई आधार बनाएर प्रत्येक १५ दिनमा इन्धनको मूल्य समायोजन गर्दै आएको छ।अन्तर्राष्ट्रिय बजारमा कच्चा तेलको मूल्य तीव्र रूपमा बढेपछि भारतका सरकारी तेल कम्पनीहरू आर्थिक दबाबमा परेको बताइएको छ। इरान–अमेरिका तनाव चर्किएपछि कच्चा तेलको मूल्य प्रतिब्यारेल ७० डलरबाट बढेर १०० डलरभन्दा माथि पुगेको अन्तर्राष्ट्रिय रिपोर्टहरूमा उल्लेख छ।

भारतमा सरकारी स्वामित्वका इन्डियन आयल, भारत पेट्रोलियम र हिन्दुस्तान पेट्रोलियम कम्पनीहरूले घाटा कम गर्न मूल्य बढाउन थालेका हुन्।भारत सरकारले यसअघि पेट्रोल र डिजेलमा लगाइने विशेष एक्साइज ड्युटी घटाएर मूल्य स्थिर राख्ने प्रयास गरेको थियो। तर अन्तर्राष्ट्रिय बजारमा लगातार मूल्य वृद्धि भएपछि त्यसको असर उपभोक्ता बजारमा देखिन थालेको हो।भारतीय प्रधानमन्त्री Narendra Modi ले हालै पश्चिम एसियाको तनावलाई ध्यानमा राख्दै पेट्रोलियम पदार्थको प्रयोग संयमतापूर्वक गर्न आग्रह गरेका थिए। उनले आवश्यकताअनुसार मात्रै इन्धन प्रयोग गर्दा विदेशी मुद्रा बचत हुने र सम्भावित आर्थिक असर कम गर्न सहयोग पुग्ने बताएका थिए।

यो पनि पढ्नुहोस: नेपाली विद्यार्थीले बनाए पानीमुनि स्क्यान गर्ने डुङ्गा, विपद् व्यवस्थापनमा उपयोगी, क्यान्सर उपचारमा संकट : जीवनरक्षक औषधि अभावले बिरामी जोखिममा,  पाँचथरको याङवरकमा बाढी–पहिरोको ठूलो क्षति, मध्यपहाडी लोकमार्ग अवरुद्ध, उच्च प्रशोधित युरेनियम विदेश नपठाउन खामेनीको निर्देशन,  बाराका रास्वपा सभापति चन्दन स्वर्णकार पार्टीबाट निष्काशित बालिका बलात्कार आरोपमा शैलुङ घुम्न आएका युवक पक्राउ, कावासोतीमा गैँडा मृत्यु प्रकरण : करेन्ट लगाएर मारेको पुष्टि, नेपाललाई ‘ग्रे लिस्ट’बाट बाहिर निकाल्न सरकार प्रतिबद्ध : अर्थमन्त्री, बेइजिङमा पुटिन–सी भेटवार्ता आज, ४० सम्झौतामा हस्ताक्षर गर्ने तयारी, प्रतिनिधि सभाको बैठक आज बस्दै,  प्रस्तावित प्रधानन्यायाधीश शर्माको सुनुवाइ एक दिन पछि सार्न नेकपाको माग, निर्माण सामग्रीमा १०७%सम्म मूल्यवृद्धि, ३० हजार आयोजना संकटमा,    पर्यटन प्रवर्धन र आगन्तुकहरुको लागि Tarevir.com को सुरुवात