वैशाख ४,सुनसरी | सुनसरीको बर्जु गाउँपालिका–६ बाट गैँडाको खागसहित पक्राउ पर्ने चार जनालाई बिहीबार राति नियन्त्रणमा लिइएको छ। गोप्य सूचनाका आधारमा खटिएको सुरक्षाकर्मी टोलीले उनीहरूलाई नियन्त्रणमा लिएको हो। सशस्त्र प्रहरी बल नेपाल अन्तर्गत नम्बर १ बराह बाहिनी पकलीको टोलीले विशेष अपरेशन सञ्चालन गर्दै खागसहित चार जनालाई नियन्त्रणमा लिएको जनाएको छ। श्याम कार्की का अनुसार झापाबाट गैँडाको खाग ल्याइँदै गरेको सूचनाका आधारमा बर्जु–६ को ताल क्षेत्र नजिकै उनीहरूलाई पक्राउ गरिएको हो।
सुनसरीमा एउटा गैँडाको खागसहित ४ जना पक्राउ , एउटा खाग र दुईवटा मोटरसाइकल बरामद
पक्राउ परेकाहरूको साथबाट एउटा गैँडाको खाग र दुईवटा मोटरसाइकल समेत बरामद गरिएको छ। सुरक्षाकर्मीका अनुसार यो घटनामा ठूलो सञ्जाल संलग्न हुनसक्ने आशंका गरिएको छ। त्यसैले अनुसन्धान प्रभावित नहोस् भन्ने उद्देश्यले पक्राउ परेकाहरूको परिचय गोप्य राखिएको छ। प्रहरीले घटनासम्बन्धी थप अनुसन्धान जारी रहेको जनाएको छ।
यो पनि पढ्नुहोस:आज वैशाख कृष्ण औँसी: आमाको मुख हेर्ने दिन देशभर श्रद्धासाथ मनाइँदै, रूपन्देहीमा नक्कली नोट कारोबार: ४ जना पक्राउ, हजार दरका नोट बरामद , हिजबुल्लाहको रकेट आक्रमणपछि इजरायलको कडा चेतावनी, , पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply