८ साउन, काठमाडौं । बंगलादेशका राष्ट्रपति मोहम्मद शाहावुद्दिनले गम्भीर स्वास्थ्य समस्यालाई कारण देखाउँदै शुक्रबार पदबाट राजीनामा दिएका छन्। राष्ट्रपतिको कार्यालयले यसको औपचारिक पुष्टि गरेको हो। ७६ वर्षीय शाहावुद्दिनले अप्रिल २०२३ देखि औपचारिक (सेरेमोनियल) राष्ट्रपतिको जिम्मेवारी सम्हाल्दै आएका थिए। उनको कार्यकालमा सन् २०२४ मा विद्यार्थी नेतृत्वको आन्दोलनपछि तत्कालीन प्रधानमन्त्री शेख हसिना देश छाडेर भारत गएको राजनीतिक घटनाक्रम पनि परेको थियो।
स्वास्थ्य समस्याका कारण राजीनामा
राष्ट्रपतिका प्रेस सचिवद्वारा जारी विज्ञप्तिअनुसार शाहावुद्दिनलाई अटोनोमिक न्युरोप्याथी नामक रोग लागेको पुष्टि भएको छ। उनले विज्ञप्तिमा भनेका छन्, “हालै गरिएको स्वास्थ्य परीक्षणबाट मलाई अटोनोमिक न्युरोप्याथी भएको पुष्टि भएको छ। यसका कारण कहिलेकाहीँ केही क्षणका लागि चेतनाहीन हुने गर्छु।” यही स्वास्थ्य अवस्थालाई मध्यनजर गर्दै उनले राष्ट्रपतिको पदबाट अलग हुने निर्णय लिएको जनाइएको छ।
राजनीतिक रूपमा पनि महत्वपूर्ण समय
शाहावुद्दिनको राजीनामासँगै शेख हसिनासँग निकट मानिने उच्च सरकारी पदाधिकारीहरू लगभग समाप्त भएका छन्। सन् २०२४ को विद्यार्थी आन्दोलनपछि हसिनाको सरकार ढलेको थियो। त्यसयता उनको आवामी लिग पार्टीमाथि प्रतिबन्ध लगाइएको छ भने पार्टीका धेरै नेता तथा कार्यकर्ता जेलमा छन् वा भूमिगत अवस्थामा रहेको जनाइएको छ।
सभामुखले सम्हाल्नेछन् कार्यभार
राष्ट्रपतिको कार्यालयका अनुसार नयाँ राष्ट्रपति निर्वाचित नभएसम्म सभामुखले राष्ट्रपतिको कार्यभार सम्हाल्नेछन्। बंगलादेशको संवैधानिक व्यवस्थाअनुसार नयाँ राष्ट्रपतिको चयन भएपछि मात्र स्थायी रूपमा पदपूर्ति हुनेछ।
यो पनि पढ्नुहोस:आन्दोलित छन् भक्तपुर क्यान्सर अस्पतालका कर्मचारी, विदेशीसँग बिहे गरेकै कारण वंशजको नागरिकता रोक्न नमिल्ने सर्वोच्चको व्याख्या–, काठमाडौंको माकालबारीमा युवतीले युवतीले आगो लगाएर गरिन् आत्मदाह प्रयास, कीर्तिपुरमा उपचार हुँदै, कञ्चनपुरमा च्याउ खोज्न जंगल गएका १४ महिला सम्पर्कविहीन, , धेरै सन्तान जन्माउने दम्पतीलाई प्रोत्साहन, ५ हजारदेखि २० हजारसम्म प्रदान, कपनमा मोटरसाइकल दुर्घटना, एक जनाको मृत्यु, साउनमा ६ वाणिज्य बैंकले घटाए ब्याजदर, कन्सल्टेन्सीमा सरकारको कडाइ, २५ लाख रुपैयाँ धरौटी व्यवसायी चरणबद्ध आन्दोलनमा, कोशी अस्पतालको सरकारी जग्गामा डोजर, गुल्मीमा बँदेलका लागि थापिएको विद्युतीय पासोमा परेर श्रीमतीको मृत्यु, श्रीमान् पक्राउ, , पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply