१४ वैशाख, काठमाडौं । पश्चिम अफ्रिकी देश माली मा भएको भीषण समन्वित हमलामा माली आक्रमण रक्षामन्त्री सादियो कमारा मृत्यु भएको पुष्टि भएको छ। शनिबार देशका विभिन्न स्थानमा एकैपटक आक्रमण हुँदा रक्षामन्त्री सादियो कमारा गम्भीर घाइते भएका थिए, जसको उपचारका क्रममा निधन भएको अन्तर्राष्ट्रिय सञ्चारमाध्यमहरूले जनाएका छन्। राजधानी बामाको नजिकै काती क्षेत्रमा रहेको कमाराको निवासमै आक्रमण भएको थियो। प्रतिकार गर्ने क्रममा कमाराले स्वयं आक्रमणकारीमाथि गोली चलाएको बताइए पनि उनी गम्भीर घाइते भएका थिए।
बीबीसी का अनुसार आत्मघाती आक्रमणकारीले विस्फोटक पदार्थ बोकेको सवारीसाधन कमाराको निवासतर्फ ठोक्काएका थिए। आक्रमणपछि उनको घर ध्वस्त भएको छ भने नजिकैको मस्जिदमा समेत क्षति पुग्दा सर्वसाधारणको ज्यान गएको बताइएको छ।यस हमलाको जिम्मा जमात नुसरत अल-इस्लाम वल मुस्लिमिन नामक अलकायदासँग सम्बन्धित सशस्त्र समूहले लिएको अन्तर्राष्ट्रिय रिपोर्टहरूमा उल्लेख छ।
मालीका विभिन्न स्थानमा एकैपटक भएको भीषण आक्रमणमा रक्षामन्त्री सादियो कमारा मृत्यु भएको पुष्टि छ।एकैपटकको हमलाले देशको सुरक्षा अवस्थामाथि गम्भीर प्रश्न उठाएको छ।
शनिबारको आक्रमण कातीमा मात्र सीमित नरही गाओ, मोप्ती, सेभारे र किदाल लगायतका क्षेत्रमा समेत फैलिएको थियो। विश्लेषकहरूका अनुसार यो पछिल्ला वर्षहरूकै सबैभन्दा ठूलो समन्वित आक्रमणमध्ये एक हो।यस घटनामा अलगाववादी आजावाद लिबरेशन फ्रन्ट को संलग्नता पनि रहेको जनाइएको छ। उक्त समूहले किदाल शहर आफ्नो नियन्त्रणमा आएको दाबी गरे पनि सरकारी सेनाले त्यसको पुष्टि गरेको छैन।
माली हाल असिमी गोइता नेतृत्वको सैन्य सरकारअन्तर्गत छ, जसले २०२० र २०२१ मा सत्ता कब्जा गरेको थियो। रक्षामन्त्री कमारा उक्त सरकारका प्रमुख रणनीतिक पात्र मानिन्थे, विशेषगरी रूससँगको सुरक्षा सहकार्य विस्तारमा।एन्टोनियो गुटेरेस ले घटनाप्रति गम्भीर चिन्ता व्यक्त गर्दै हिंसात्मक गतिविधिको कडा निन्दा गरेका छन्। साथै क्षेत्रीय संगठनहरूले पनि आक्रमणको आलोचना गरेका छन्।हालको माली आक्रमण रक्षामन्त्री कमारा मृत्यु घटनाले देशको सुरक्षा अवस्था अझ कमजोर हुँदै गएको संकेत गरेको छ। उत्तरी र मध्य क्षेत्रमा सशस्त्र समूहको प्रभाव अझै बलियो रहेको देखिएको छ, जसले सरकार र अन्तर्राष्ट्रिय साझेदारहरूका लागि नयाँ चुनौती खडा गरेको छ।
यो पनि पढ्नुहोस:कांग्रेसले संसदीय दलको नेता चयन गर्ने तयारी गरेको छ, लागुऔषधसहित विभिन्न स्थानबाट ४१ जना पक्राउ, छिटो मल आयातले टऱ्यो ठूलो संकट, अहिले के छ नेपालको अवस्था?, युएईविरूद्ध नेपाल ३७ रनले विजयी, विश्वकप लिग-२ मा शानदार सुरुवात, लागुऔषधसहित देशका विभिन्न स्थानबाट पाँच जना पक्राउ, रंगशालामा स्क्रिनिङपछि ५ स्थानमा राखिने सुकुम्बासी, सशस्त्र प्रहरी बलका ७ एसपी एसएसपी बढुवाका लागि सिफारिस, मिरमिरेमै बसाइँ सर्दै सुकुमवासी बासिन्दा | काठमाडौंमा आफैं बस्ती खाली गर्दै सुकुमवासी बस्ती, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply